ნიკა გვარამია

„მთლად ასეთ სამარცხვინოობას არ ველოდი“ - გვარამია ბრალდებას აფასებს

108
გამოძიების ინფორმაციით, გვარამიამ  „ინტერმედია პლუსისგან“ არ მოითხოვა დაახლოებით 6,8 მლნ ლარი. მოგვიანებით აღნიშნულმა კომპანიამ გვარამიას ორი ბინა გადასცა თბილისში, რომლებიც ამ უკანასკნელმა 602,5 ათას ლარზე მეტად გაყიდა.

თბილისი, 9 აგვისტო − Sputnik. ოპოზიციური ტელეკომპანია „რუსთავი 2−ის“ ყოფილმა გენერალურმა დირექტორმა  ნიკა გვარამიამ სამარცხვინო უწოდა მისთვის წარდგენილ ბრალდებას. 

საქართველოს პროკურატურამ დღეს ნიკა გვარამია უფლებამოსილების ბოროტად გამოყენებაში დაადანაშაულა. გამოძიებას ეჭვები „რუსთავი 2-სა“ და კომპანია „ინტერმედია პლუსს“ შორის გაფორმებულ კონტრაქტთან დაკავშირებით გაუჩნდა, რომლის მფლობელებიც გვარამიას მეგობრები არიან. 

გამოძიების ინფორმაციით, გვარამიამ  „ინტერმედია პლუსისგან“ არ მოითხოვა დაახლოებით 6,8 მლნ ლარი. მოგვიანებით აღნიშნულმა კომპანიამ გვარამიას ორი ბინა გადასცა თბილისში, რომლებიც ამ უკანასკნელმა 602,5 ათას ლარზე მეტად გაყიდა.

„მთლად ასეთ სამარცხვინობას ნამდვილად არ ველოდი. ვალის ხელშეკრულება მაქვს ინტერმედიასთან და ნატურით გადამიხადეს. სახლი გავყიდე და იქიდან აღებული ფული ვასესხე ინტერმედიას, ხელფასები რომ გაგვესტუმრებინა. ყველა დოკუმენტია ინტერმედიაში და ამოღებულია პროკურატურის მიერ“, — წერს ნიკა გვარამია საკუთარ ფეისბუქ-გვერდზე.

„რუსთავი 2-ის“ ყოფილი გენდირექტორი იქვე აღნიშნავს, რომ გამომძიებლებს ამ კონტრაქტთან დაკავშირებით დაკითხვაზე არანაირი კითხვა არ გასჩენიათ.

„დაკითხვაზე მაინც გეკითხათ რამე ამ საკითხზე. თუ ბრალის საფუძველი იყო, საერთოდ როგორ არ გიხსენებიათ?“ — წერს გვარამია.

ნიკა გვარამიას მიმართ სისხლის სამართლის საქმე აღძრულია სსკ-ის 220-ე მუხლით, რაც გულისხმობს საწარმოში ხელმძღვანელობითი და წარმომადგენლობითი უფლებამოსილების გამოყენებას ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია. აღნიშნული დანაშაული ისჯება ჯარიმით ან გამასწორებელი სამუშაოთი ვადით ორ წლამდე ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამიდან ხუთ წლამდე.

108
თემები:
დავა „რუსთავი 2"-ის ირგვლივ (194)
თეა გოდოლაძე

სეისმოლოგი: შიდა ქართლში მცირე ბიძგები გაგრძელდება

31
(განახლებულია 12:37 12.07.2020)
სპეციალისტის განმარტებით, ეპიცენტრულ რეგიონში მოსახლეობა მცირე ბიძგებს იგრძნობს, თუმცა ეს მომყოლი ბიძგებია და მოსახლეობისთვის საფრთხეს არ წარმოადგენს

თბილისი, 12 ივლისი - Sputnik. გორის მუნიციპალიტეტში მომხდარი მიწისძვრის შემდეგ გარკვეული დროის განმავლობაში მცირე ბიძგები კვლავ დაფიქსირდება, განაცხადა დედამიწის შემსწავლელ მეცნიერებათა ინსტიტუტის და სეისმოლოგიის ეროვნული ცენტრის დირექტორმა, თეა გოდოლაძემ ტელეკომპანია Imedi-ს ეთერში.

დღეს დილით გორში 4,5 მაგნიტუდის მიწისძვრა მოხდა. მიწისქვეშა ბიძგები თბილისის დროით 09:54 საათზე გორის მუნიციპალიტეტში სოფელ ლევიტანასთან დაფიქსირდა. მიწისძვრის ეპიცენტრი 10 კილომეტრის სიღრმეში იყო.

მიწისძვრას მსხვერპლი და ნგრევა არ მოჰყოლია.

„გარკვეული დროის განმავლობაში მცირე ბიძგები დაფიქსირდება. ესაა მომყოლი მიწისძვრების სერია და, რა თქმა უნდა, ეპიცენტრულ რეგიონში მოსახლეობა მცირე ბიძგებს იგრძნობს“, - განაცხადა გოდოლაძემ.

სეისმოლოგის განმარტებით, ეპიცენტრში მოსახლეობა ამ ბიძგებს იგრძნობდა, მაგრამ ასეთი მიწისძვრის დროს საშიში არაფერია და მოსახლეობას შეუძლია მშვიდად იყოს.

31
თემები:
გარემოს დაცვა და ეკოლოგია
მზიური

„მზიურში“ გალერეა-მედიათეკა მოეწყობა

28
(განახლებულია 10:26 12.07.2020)
თბილისის მერიაში აცხადებენ, რომ „მზიურის“ მნიშვნელოვან ტურისტულ ადგილად ქცევა იგეგმება, სადაც დასვენებისა და განტვირთვის გარდა, სტუმრები ადგილობრივ თუ საერთაშორისო თანამედროვე ხელოვნებაში მიმდინარე პროცესებს გაეცნობიან.

თბილისი, 12 ივლისი – Sputnik. განახლებულ პარკ „მზიურში“ გალერეა-მედიათეკის მოწყობის პროექტს თბილისის მერის მოადგილე ანდრია ბასილაია  გაეცნო, იუწყება თბილისის მერია.

პროექტის მიზანია შენობას არქიტექტურული სახე შეუნარჩუნდეს და ფუნქციური დატვირთვა შეიძინოს.

პროექტი ითვალისწინებს პარკის ქვედა ნაწილში მდებარე ყოფილი საბაგირო შენობის რეკონსტრუქციას, მის ფუნქციურ დატვირთვასა და თანამედროვე ხელოვნების გალერეა-მედიათეკის მოწყობას.

ანდრია ბასილაია სოციალური საწარმოს - „მზიურის კაფე“ დამფუძნებელ ანა გოგუაძეს შეხვდა და პროექტის დეტალებს გაეცნო.

„აღნიშნულ პროექტზე საინიციატივო ჯგუფი თითქმის ათი წელი მუშაობდა და მიუხედავად იმისა, რომ ქალაქს არაერთი კომერციული შეთავაზება ჰქონდა, გადაწყდა, არსებული სივრცე ხელოვნების დარგისთვის დაგვეთმო და მიგვეცა შესაძლებლობა, განახლებულ „მზიურში“ ბევრი საინტერესო პროექტი განეხორციელებინათ”, - განაცხადა ანდრია ბასილაიამ.

პარკი „მზიური“
photo : courtesy of Ministry of Regional Development and Infrastructure of Georgia

უწყებაში აცხადებენ, რომ „მზიურის“ მნიშვნელოვან ტურისტულ ადგილად ქცევა იგეგმება, სადაც დასვენებისა და განტვირთვის გარდა სტუმრები ადგილობრივ თუ საერთაშორისო თანამედროვე ხელოვნებაში მიმდინარე პროცესებს გაეცნობიან.

„მზიურის“ გალერეა სოციალური, არაკომერციული პროექტია, რომლის იდეასა და შესაძლებლობების განვითარებაზე ფონდი „აჰუაჰუ“ მუშაობს. ბავშვთა ქალაქში გალერეა-მედიათეკას თბილისის მერიის ინფრასტრუქტურის განვითარების საქალაქო სამსახური მოაწყობს, ხოლო შემდეგ, აღნიშნული შენობა-ნაგებობა სოციალურ საწარმოს უზუფრუქტის ხელშეკრულებით გადაეცემა.

პარკი „მზიური" თბილისში 2015 წლის 13 ივნისს მომხდარი წყალდიდობის შედეგად ძალიან დაზიანდა. იმ ღამით ვერეს ხეობაში დაიტბორა საცხოვრებელი სახლები, ზოოპარკი, თამაზ ელიზბარაშვილის ძაღლების კერძო თავშესაფარი, ასევე ქალაქის ცენტრალური ქუჩები.

რამდენიმე დღის წინ პარკში დასრულდა რეაბილიტაცია. სრულად განახლდა საფეხმავლო და ველობილიკები, მოეწყო ახალი დასასვენებელი სივრცეები, საბავშვო სივრცეები, ასევე, სკეიტპარკი.

28
თემები:
თბილისის მერია