აქციის დაშლა

დაკავებულია პოლიციელი: 20-21 ივნისის საქმის გამოძიება გრძელდება

151
(განახლებულია 20:09 15.07.2019)
შინაგან საქმეთა სამინისტროს თანამშრომელი 20 ივნისის ღამეს რუსთაველზე მიტინგის დაშლის დროს უფლებამოსილების გადამეტებისთვის დააკავეს.

თბილისი, 15 ივლისი — Sputnik. რუსთაველის გამზირზე 20-21 ივნისს განვითარებულ მოვლენებთან დაკავშირებით შინაგან საქმეთა სამინისტროს ერთი თანამშრომელი დააკავეს, განაცხადა პროკურორმა კოკა კაციტაძემ საქართველოს პროკურატურაში გამართულ ბრიფინგზე.

საპროტესტო აქცია, რომელიც თბილისში რუსი დეპუტატის ჩამოსვლის საპასუხოდ დაიწყო, ანტისამთავრობო გამოსვლებსა და არეულობებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. აქციის დაშლისას 240 ადამიანი დაშავდა.

„შინაგან საქმეთა სამინისტროს თანამშრომელი დაკავებულ იქნა სასამართლოს განჩინების საფუძველზე, ძალადობით სამსახურებრივი უფლებამოსილების გადამეტებისათვის, სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით“, — განაცხადა კაციტაძემ.

პროკურორის განცხადებით, ის, რომ დაკავებულმა გადაამეტა თავის სამსახურებრივ უფლებამოსილებას და ფიზიკურად იძალადა ადმინისტრაციული სამართალდარღვევის ჩადენისთვის დაკავებულ პირზე, საქმეზე ჩატარებული გამოძიების შედეგად მოპოვებული მტკიცებულებებით დგინდება.

„ბრალდების მხარე მიმართავს სასამართლოს შუამდგომლობით დაკავებულის მიმართ აღკვეთის ღონიძიების სახით პატიმრობის გამოყენების მოთხოვნით“, – აღნიშნა პროკურორმა ბრიფინგზე. 

მისივე თქმით, პარლამენტის შენობის მიმდებარე ტერიტორიაზე მიმდინარე აქციის ცალკეული მონაწილეების მიმართ სამართალდამცველთა მხრიდან უფლებამოსილების შესაძლო გადამეტების საქმეზე გამოძიების ფარგლებში ამ ეტაპისთვის გამოკითხულია ასეულობით პირი, მიმდინარეობს მოპოვებული ვიდეო-აუდიომტკიცებულებების დამუშავება და ანალიზი, ამოღებულია საქმისათვის მნიშვნელობის მქონე ნივთები, მათ შორის სამართალდამცველთა მიერ გამოყენებული სპეციალური საშუალებები. დანიშნულია სასამართლო-სამედიცინო ექსპერტიზები.

პროკურორის თქმით, საგამოძიებო პროცესის გამჭვირვალობის უზრუნველსაყოფად საქართველოს გენერალური პროკურატურა მჭიდრო თანამშრომლობას განაგრძობს სახალხო დამცველთან და არასამთავრობო ორგანიზაციებთან. მოცემული საქმის ფარგლებში მიღებული შემაჯამებელი გადაწყვეტილებების შესახებ საზოგადოება დროულად იქნება ინფორმირებული.

თბილისში საპროტესტო აქციები გრძელდება. დარჩა ერთადერთი მოთხოვნა – შინაგან საქმეთა მინისტრ გიორგი გახარიას გადადგომა. თავად მინისტრის თქმით, პოლიციელები იმ ღამეს ლეგიტიმურად მოქმედებდნენ და მათ საქართველოს ხელისუფლების ხელში ჩაგდების მცდელობა აღკვეთეს. ხოლო თუ ადგილი ჰქონდა ძალის გადამეტების ცალკეულ შემთხვევებს, ამას გამოძიება დაადგენს.

151
ლაბორატორია

საქართველო PCR-ტესტის აპარატს საჩუქრად მიიღებს

165
(განახლებულია 23:33 23.10.2020)
ამ დროისთვის ქვეყანაში დაახლოებით 700 ათასი PCR-ტესტი, ასევე ანტიგენზე და ანტისხეულებზე დამყარებული 200 ათასი ტესტია.

თბილისი, 23 ოქტომბერი – Sputnik. საქართველო მიიღებს PCR-ტესტის აპარატს, რაც ქვეყანას ტესტირების შესაძლებლობების გაზრდაში დაეხმარება,  ნათქვამია აზიის განვითარების ბანკის ინფორმაციაში.

COVID-19–ის პანდემიის დასაწყისიდან აზიის განვითარების ფონდი მუშაობს, რათა განვითარებადი ქვეყნები სასიცოცხლოდ მნიშვნელოვანი სამედიცინო მასალებითა და პერსონალური დამცავი აღჭურვილობით უზრუნველყოს, აღნიშნულია განცხადებაში. 

 „ცენტრალური და დასავლეთ აზიის ქვეყნებისთვის აზიის განვითარების ბანკმა 12 მილიონი დოლარის ოდენობის გრანტი გამოყო აღნიშნული მასალებისა და აღჭურვილობის შესაძენად და მოსახლეობის პანდემიისგან დაცვაში საკუთარი წვლილის შესატანად. აღნიშნული გრანტის ფარგლებში საქართველო PCR-ტესტის აპარატს მიიღებს, რაც ქვეყანას ტესტირების შესაძლებლობების გაზრდაში დაეხმარება“, – აღნიშნულია ინფორმაციაში.

პარასკევს საქართველოს ჯანდაცვის მინისტრმა ეკატერინე ტიკარაძემ განაცხადა, რომ ამ დროისთვის ქვეყანაში დაახლოებით 700 ათასი PCR-ტესტი, ასევე ანტიგენზე და ანტისხეულებზე დამყარებული 200 ათასი ტესტია. ჯანდაცვის უწყება ტესტების დამატებითი პარტიების შესყიდვის მიზნით მუშაობას აგრძელებს.

საქართველოში პანდემიის დასაწყისიდან დღემდე კორონავირუსით ინფიცირების 24 562 შემთხვევა გამოვლინდა. ინფიცირების დღიური მაჩვენებელი 2 ათასს აღწევს, ეპიდემიოლოგების პროგნოზით კი მოსალოდნელია დღე–ღამეში ინფიცირების გამოვლენილი შემთხვევების რაოდენობამ ხუთი ათასს მიაღწიოს.

165
თემები:
COVID-19 საქართველოში
ლელო საქართველოსთვის

„ლელო საქართველოსთვის“ ცნობები პარტიის შესახებ

21
(განახლებულია 23:11 23.10.2020)
ყველაფერი, რაც უნდა ვიცოდეთ ახალ პარტიაზე, რომელიც წარმატებულმა ბანკირმა მამუკა ხაზარაძემ დააფუძნა.

 

– საქართველოს ყველაზე ახალგაზრდა ოპოზიციური პარტია

– პარტია 2019 წლის დეკემბერში ბანკირებმა მამუკა ხაზარაძემ და ბადრი ჯაფარიძემ დააფუძნეს, რომლებმაც საქართველოში მესამე პოლიტიკური ძალის - მილიარდერ ივანიშვილისა და ექსპრეზიდენტ სააკაშვილის პარტიების ალტერნატივის შექმნა გადაწყვიტეს.

მამუკა ხაზარაძე პარტიამ „ლელო საქართველოსთვის“ პრემიერობის კანდიდატად დაასახელა>>>

პარტიის დამფუძნებლები არიან ცნობილი ქართველი ბანკირები, რომლებმაც 90-იან წლებში ქვეყნის ერთ-ერთი ყველაზე წარმატებული და მსხვილი TBC Bank შექმნეს.  

– პარტიამ „ლელო საქართველოსთვის“ ფაქტობრივად გააერთიანა ორი პარტია: პარლამენტის ექს–სპიკერ დავით უსუფაშვილის „მშენებლობის მოძრაობა“ და „ახალი მემარჯვენეები“. პარტიაში აღმოჩნდნენ ასევე ექს–პრეზიდენტ გიორგი მარგველაშვილის ადმინისტრაციის თანამშრომლები, ცნობილი ბიზნესმენები და ექსპერტები.

პარტიის ლიდერები და საკვანძო ფიგურები არიან: მამუკა ხაზარაძე, ბადრი ჯაფარიძე, დავით უსუფაშვილი, ფიქრია ჩიხრაძე, მამუკა კაციტაძე, კახა კოჟორიძე, ანა ნაცვლიშვილი.

პარტიის იდეოლოგია - ცენტრისტულია, რომლის პირობებშიც მაქსიმალურად თავისუფალი ბიზნესი თავის თავზე იღებს სოციალურ პასუხისმგებლობას საზოგადოების წინაშე ღირსეული ხელფასებზე, სიღარიბესთან ბრძოლასა და უსაფრთხო შრომაზე.

„ლელოს“ „მარშალის გეგმა“ - წინასაარჩევნო პროგრამის ძირითადი თეზისები>>>

– პარტიის ლიდერების ხაზარაძისა და ჯაფარიძის სახელები ასოცირებულია სისხლის სამართლის საქმესთან, რომელიც ეხება ფულის გათეთრებას და ბიზნესზე ზეწოლაში მმართველი პარტიის ლიდერ ბიძინა ივანიშვილის ბრალდებებთან დაკავშირებულ სკანდალს. ხაზარაძეც და ჯაფარიძეც თავდებით გათავისუფლდნენ.

– პარტია არჩევნებზე მონაწილეობს „56“ ნომრით, ლოზუნგით: „ახალი ძალა, ახალი იმედი“.

– პარტიის კურსი ნატოსა და ევროკავშირში ინტეგრაცია და რუსეთთან დიალოგის საერთაშორისო ფორმატის შენარჩუნებაა.

– პარტიის რეიტინგი ბოლო თვეებში ჩატარებული სხვადასხვა გამოკითხვის შედეგად: 

გამოკითხვა რეიტინგი
Gorbi  2,9%
Ipsos     3,6%
Edison Research          2%
Survation        3,1%

 

 

21
თემები:
საქართველოს საპარლამენტო არჩევნები 2020
ნახევარმთვარე

მთვარის კალენდარი: 24 ოქტომბერი რისი გაკეთება შეიძლება და რისი არა

0
(განახლებულია 10:51 22.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 ოქტომბერი, შაბათი. ამ დღეს სატურნი მართავს. მზარდი მთვარე მერწყულის ნიშანშია.

მთვარე მერწყულის ნიშანში – ამ დღეს ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია ძველი პროექტების განხორციელებისას კრეატიული იდეების გამოყენება, მცირე ფინანსური საქმეების გადაწყვეტა, ახალი პარტნიორების ძებნა, ინდივიდუალურად მუშაობა და გუნდური მუშაობის შეზღუდვა.

არარეკომენდებულია საკუთარ შესაძლებლობების ზედმეტად შეფასება, დატვირთვა სამუშაოზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს სჯობს, თმის შეჭრისგან თავი შეიკავოთ. შეღებვისთვის კარგი დროა. მანიკურისთვის ძალზე ხელსაყრელი დღეა.

მებაღეობა:  ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

0