ქართული ჯარის ქვედანაყოფები

თავდაცვის სამინისტროს სარეზერვო სამსახურში მიღება დაიწყო

223
საქართველოს თავდაცვის ძალების აქტიურ რეზერვში სამსახური ხუთ წელს გრძელდება და წელიწადში მხოლოდ 45 დღიან საბრძოლო მომზადებას გულისხმობს

თბილისი, 6 ივლისი - Sputnik. თავდაცვის სამინისტრომ ანაზღაურებად აქტიურ რეზერვში ჩარიცხვის მსურველთა განაცხადების მიღება დაიწყო, ნათქვამია უწყების ვებგვერდზე გავრცელებულ განცხადებაში.

რამდენი იხარჯება საქართველოს თავდაცვის ძალების შეიარაღებაზე - მინისტრის განმარტება >>

აქტიური რეზერვი - საქართველოში სამხედრო სამსახურის ახალი სახეა. თავდაცვის ძალების აქტიური რეზერვის საპილოტე პროგრამა 2018 წლის ოქტომბერში კახეთის რეგიონში დაიწყო.

აქტიურ რეზერვში ჩარიცხვის მსურველთა განაცხადების მიღება 1 სექტემბრამდე იწარმოებს თბილისში, მცხეთაში და იმერეთის რეგიონში.

რეზერვში ჩარიცხვა შეუძლიათ 18-დან 50 წლამდე ასაკის საქართველოს მოქალაქეებს. მათ შეუძლიათ იცხოვრონ ჩვეული რითმით - ისწავლონ ან იმუშაონ. აქტიურ რეზერვში სამსახური ხუთ წელს გრძელდება და წელიწადში მხოლოდ 45 დღიან საბრძოლო მომზადებას ითვალისწინებს.

აქტიურ რეზერვში ჩარიცხულები ყოველთვიურად მიიღებენ ხელფასს. მინიმალური წლიური ხელფასი 2700 ლარს შეადგენს. სტუდენტები, რომლებიც აქტიურ რეზერვს გაივლიან, სწავლის დასრულების შემდეგ სამხედრო სამსახურის გავლის შესახებ ცნობას მიიღებენ.

საქართველოში გატარებული რეფორმის შედეგად ორი სახის სარეზერვო სამსახური ჩამოყალიბდა - აქტიური და სამობილიზაციო რეზერვი.

თავდაცვის სამინისტრო ჯარში ღია კარის დღეებს გეგმავს >>

სამობილიზაციო რეზერვი, აქტიურისგან განსხვავებით, სავალდებულო ხასიათისაა. მისი მიზანია საქართველოს თავდაცვის ძალების გაძლიერება და დანაკარგების შევსება.

აქტიური რეზერვი იყოფა თავდაცვის ძალების რეზერვზე, ტერიტორიულ რეზერვზე და სპეციალისტების რეზერვზე.

რეზერვისა და თავდაცვის ძალების მობილიზაციის კონცეფციაზე მუშაობა რამდენიმე წელი გრძელდებოდა და საბოლოოდ 2018 წლის იანვრისთვის ჩამოყალიბდა.

223
თემები:
საქართველოს თავდაცვა (88)
ბლოკპოსტი მესტიაში

რა ხდება მესტიაში: ბოლო ცნობები

21
(განახლებულია 16:34 11.08.2020)
ჩაკეტილ რეგიონში დღეს ეპიდემიოლოგების 12 ჯგუფი მუშაობს, ადგილზე  დაავადებათა კონტროლის ეროვნული ცენტრის ხელმძღვანელის, ამირან გამყრელიძის ჩასვლას ელოდებიან.

თბილისი, 11 აგვისტო – Sputnik. მესტიის ცენტრში საველე კარავია მოწყობილი, სადაც ეპიდემიოლოგები კორონავირუსზე მოსახლოებას იკვლევენ, იუწყება პირველი არხი.

ყაზბეგში კორონავირუსის კერა აღმოაჩინეს>>

მესტიაში საკარანტინო შეზღუდვების შემოღება მას შემდეგ გახდა საჭირო, რაც გუშინ კორონავირუსის 25 ახალი შემთხვევიდან 17 სვანეთში, კერძოდ, მესტიის მუნიციპალიტეტში დაფიქსირდა.

ჩაკეტილ რეგიონში დღეს ეპიდემიოლოგების 12 ჯგუფი მუშაობს და მოსახლეობას ვირუსზე იკვლევს. ადგილზე  დაავადებათა კონტროლის ეროვნული ცენტრის ხელმძღვანელის, ამირან გამყრელიძის ჩასვლას ელოდებიან.

რეგიონული განვითარების საკითხებში პრემიერის მრჩეველის სოზარ სუბარის განცხადებით, მუნიციპალიტეტში უკვე ელოდებიან კორონავირუსზე ჩატარებული 420–ზე მეტი ტესტის პასუხს.

უწყებათშორისი საკოორდინაციო საბჭოს მიერ გუშინ, 10 აგვისტოს მიღებული გადაწყვეტილების საფუძველზე, მაღალი ეპიდემიური რისკის გამო შეიზღუდა შესვლა-გამოსვლა მესტიის მუნიციპალიტეტში. მუნიციპალიტეტში შესვლა შესაძლებელია მხოლოდ ადგილობრივი მოსახლეობისთვის, გამოსვლის შემთხვევაში კი მოქალაქეები ვალდებული არიან გაიარონ კარანტინი.

21
თემები:
COVID-19 საქართველოში
საკონტროლო–გამშვები პუნქტი „ყაზბეგი

ყაზბეგში კორონავირუსის კერა აღმოაჩინეს

86
ინფიცირებულია საკონტროლო–სასაზღვრო პუნქტი „ყაზბეგის“ ხუთი თანამშრომელი. ეპიდემიოლოგები მათი კონტაქტების შესწავლას შეუდგნენ

ბილისის, 11 აგვისტო – Sputnik. კორონავირუსით ინფიცირების ხუთი ახალი შემთხვევიდან ხუთი საქართველო–რუსეთის საზღვარზე საკონტროლო–გამშვები პუნქტი „ყაზბეგის“ თანამშრომელია, განაცხადა საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ, იუწყება ტელეარხი Rustavi2.

კორონავირუსის ახალი შემთხვევები და მათი წყაროები>>

ამ დროისთვის ინფიცირებულთა პირდაპირი და ირიბი კონტაქტების კვლევა მიმდინარეობს.

„ვიცით დაახლოებით საიდან შეიძლება იყოს (წყარო, კონტაქტი), ამიტომაც მიმდინარეობს ეპიდკვლევა. პერსონალურ ინფორმაციას მე ვერ მოგცემთ. ჩვენგანაც წავიდა ჯგუფი და თვითონ ადგილობრივი ჯანდაცვაც სწავლობს კონტაქტებს", - განაცხადა ამირან გამყრელიძემ.

კორონავირუსი შემთხვევები ბოლო დროს გახშირდა. მკაცრი კარანტინის ზონად გამოცხადდა სვანეთის რეგიონი – იქ გუშინ ინფიცირების 25 შემთხვევა გამოვლინდა.

ბოლო ოფიციალური მონაცემებით, ამ დროისთვის საქართველოში კორონავირუსით ინფიცირებულია 1264 ადამიანი, გამოჯანმრთელდა 1054, გარდაიცვალა – 17.

86
თემები:
COVID-19 საქართველოში