საქართველოს პრემიერ-მინისტრი მამუკა ბახტაძე და ბელარუსის პრემიერ-მინისტრის მოადგილე მიხეილ რუსი

კარგი ტრადიცია ანუ როგორ დაიწყო თბილისში გამოფენა - Made in Belarus

131
„ექსპო ჯორჯიას“ ერთ-ერთი პავილიონი დღეს პატარა ბელარუსად გარდაიქმნა

თბილისში დაიწყო ბელარუსელი მეწარმეების გამოფენა Made in Belarus (დამზადებულია ბელარუსში), რომელიც 23 მარტამდე გასტანს. ღონისძიების სტუმრებისთვის გამოიფინა ბელარუსული ნაციონალური პროდუქტები, მოეწყო სხვადასხვა საწარმოსა თუ ორგანიზაციის სტენდები და ეს ყველაფერი - ხალხური საკრავების ჰანგების თანხლებით.

В столице Грузии открылась выставка белорусской продукции Made in Belarus
© Sputnik / Alexander Imedashvili
ბელარუსული პროდუქციის გამოფენის Made in Belarus გახსნა

ღონისძიების სტუმრებს შორის იყვნენ არა მხოლოდ ბელარუსული პროდუქციის მოყვარულები, არამედ მაღალი რანგის ჩინოვნიკები: საქართველოს პრემიერ-მინისტრი მამუკა ბახტაძე და ბელარუსის პრემიერ-მინისტრის მოადგილე მიხეილ რუსი, რომლებმაც ორმხრივი ურთიერთობების განვითარებაზე ისაუბრეს.

კარგი ტრადიცია

გამოფენის ერთ-ერთმა ორგანიზატორმა ევგენი ვედენსკიმ თბილისში ბელარუსული პროდუქციის გამოფენას კარგი ტრადიცია უწოდა და დასძინა, რომ ეს ღონისძიება დადებითად აისახება ორივე ქვეყნის ბიზნესზე, რაზეც შთამბეჭდავი ციფრებიც მეტყველებს.

Открытие выставки белорусской продукции в Грузии Made in Belarus
© Sputnik / Alexander Imedashvili
ბელარუსული პროდუქციის გამოფენის Made in Belarus გახსნა

„2016 წელს ჩვენ საქართველოში ნაციონალური გამოფენა გავმართეთ - ეს იყო საზღვარგარეთ რამდენიმე წლის განმავლობაში ჩატარებული ყველაზე მასშტაბური ღონისძიება. აუცილებლად უნდა აღინიშნოს, რომ 2016 წლამდე საქონელბრუნვა გაცილებით დაბალი იყო, ვიდრე გამოფენის შემდეგ. ჩვენ დავინახეთ ძალიან დიდი ნახტომი - საქონელბრუნვა გამოფენის შემდეგ სამჯერ გაიზარდა. გაღრმავდა ასევე ორი ქვეყნის ბიზნესს შორის კავშირი და გამოფენები კარგ ტრადიციად იქცა. ამიტომ ორი ქვეყნის სავაჭრო-სამრეწველო პალატები გამოფენებს ყოველწლიურად მართავენ“, - აღნიშნა ვედენსკიმ „Sputnik-საქართველოსთვის“ მიცემულ ინტერვიუში.

გარდა ამისა, მისი თქმით, ამჯერად გამოფენა გაფართოებული ფორმატით გაიმართა: გამოფენა-გაყიდვაზე მსურველებს შეეძლოთ შეთავაზებული პროდუქციის გასინჯვა. გამოყოფილი იყო ასევე სპეციალური ადგილები მოლაპარაკებებისთვის.

როგორც ვედენსკიმ აღნიშნა, ორგანიზატორები შეეცადნენ, გადმოეცათ ბელარუსის კოლორიტი, ბუნების სილამაზე და კულტურა.

გამოფენის კიდევ ერთი ორგანიზატორის, სერგეი ნაბეშკოს თქმით, გამოფენაზე წარმოდგენილია სხვადასხვა დარგისა და სფეროს 200-ზე მეტი ბელარუსული ბრენდი.

მოთხოვნა

არავისთვისაა საიდუმლო, რომ ბელარუსული კვების პროდუქტები საქართველოში პოპულარობით სარგებლობს. ამაზე დედაქალაქში გახსნილი ბელარუსული მაღაზიების სიმრავლეც მეტყველებს. კომპანია Beltrade-ის მარკეტინგის დირექტორმა სვეტლანა სტასევიჩმა „Sputnik-საქართველოსთან“ საუბრისას აღნიშნა, რომ ქვეყანაში ბელარუსული პროდუქციის პოპულარობა დღითი-დღე იზრდება, მაგრამ გარკვეული პრობლემები გვექმნება მათ მოწოდებასთან დაკავშირებით.

„საქართველო ძალიან მოსახერხებელი ადგილია, მაგრამ ერთადერთი პრობლემა - გზაა. ეს პრობლემა, განსაკუთრებით, ზამთარში გვექმნება, როდესაც პროდუქცია უფრო ნელა ჩამოდის. ისეც ხდება ხოლმე, რომ მანქანა გზის გავლას 10 დღეს ანდომებს, როცა უღელტეხილი თოვლითაა დაფარული - მის გაწმენდას ზოგჯერ სამი დღე სჭირდება“, - აღნიშნა სვეტლანამ.

ბელარუსთან საქართველოს საგარეო სავაჭრო ბრუნვამ 2018 წელს 87,1 მლნ აშშ დოლარი შეადგინა: ექსპორტმა - დაახლოებით 28,5 მლნ დოლარი და იმპორტმა - 58,7 მლნ დოლარზე მეტი.

პერსპექტივები

გამოფენის ფარგლებში ერთობლივი საწარმოების შექმნის შესახებ კონტრაქტებსაც მოეწერა ხელი.

გარდა ამისა, 14-მა ქართულმა და 14-მა ბელარუსულმა კომპანიამ 2,8 მლნ დოლარის ღირებულების ხელშეკრულებები გააფორმეს. მხარეებს შორის ხელი მოეწერა მსხვილი სასოფლო-სამეურნეო ტექნიკის (ტრაქტორებისა და კომბაინების), ელევატორების შეძენის, ქართული ჩაის ექსპორტისა და სამედიცინო პრეპარატების მიწოდების შესახებ შეთანხმებებს. ხელი მოეწერა ასევე შეთანხმებებს სამეცნიერო სფეროში თანამშრომლობის შესახებ.

Открытие выставки белорусской продукции в Грузии Made in Belarus
© Sputnik / Alexander Imedashvili
ბელარუსული პროდუქციის გამოფენის Made in Belarus გახსნა

ურთიერთობის ისტორია

საქართველომ და ბელარუსმა დიპლომატიური ურთიერთობები 1994 წლის იანვარში დაამყარეს. ბელარუსის პრეზიდენტი ალექსანდრ ლუკაშენკო საქართთველოს ოფიციალური ვიზიტით პირველად 2015 წლის აპრილში ეწვია.

ვიზიტი საკმაოდ დატვირთული იყო. ბელარუსის პრეზიდენტს მრავალრიცხოვანი დელეგაცია ახლდა. თბილისში მხარეებმა რამდენიმე დოკუმენტს მოაწერეს ხელი და ამით ორმხრივი ურთიერთობების შემდგომ განვითარებას ჩაუყარეს საფუძველი.

შედეგმა არ დააყოვნა. 2015 წელს მიღწეულია შეთანხმება საქართველოში მაღაზიათა ქსელ „ბელარუსკის“ გახსნის თაობაზე - პირველი მაღაზია 2016 წლის სექტემბერში გაიხსნა.

დსთ-ის ქვეყნები საქართველოს ძირითადი სავაჭრო პარტნიორები არიან >>

2016 წლის დეკემბერში გაიხსნა ბელარუსის საელჩო თბილისში. პირველ ელჩად მიხაილ მიატლიკოვი დაინიშნა.

2017 წლის მარტში საქართველოს პრეზიდენტი გიორგი მარგველაშვილი ბელარუსს ოფიციალური ვიზიტით ეწვია. ერთი წლის შემდეგ კი კვლავ ლუკაშენკო ჩამოვიდა.

131
თემები:
საქართველოს ეკონომიკა–2018 (540)
ექიმები კოვიდ–ცენტრში

ვინ არის თქვენი პირადი ექიმი ამის გაგებას სპეციალური ვებგვერდით შეძლებთ

13
(განახლებულია 14:17 26.10.2020)
საქართველოში კორონავირუსით ინფიცირებულთა უმრავლესობა  - 12 611 პაციენტი ბინაზე, ოჯახის ექიმების მეთვალყურეობის ქვეშ მკურნალობს.

თბილისი, 26 ოქტომბერი - Sputnik. ყველა მოქალაქეს ექნება შესაძლებლობა, სპეციალურ ვებგვერდზე პირადი ნომრით გაიგოს, ვინ არის მისი ოჯახის ექიმი, განაცხადა საქართველოს  ჯანდაცვის მინისტრმა, ეკატერინე ტიკარაძემ მთავრობის ადმინისტრაციაში გამართულ ბრიფინგზე.

ჯანდაცვის მინისტრის განცხადებით, უწყება შესაბამის სისტემაზე მუშაობას უმოკლეს ვადაში დაასრულებს.

„ვგეგმავთ, ჩვენი ბაზების მეშვეობით დავაიდენტიფიციროთ თითოეული მოქალაქე, თუ რომელი ოჯახის ექიმის პატრონაჟის ქვეშ იმყოფებოდა დღემდე... თითოეულ მოქალაქეს გავაცნობთ ოჯახის ექიმებს და შესაბამისად, გავუზიარებთ მათ საკონტაქტო ნომრებს“, - განაცხადა ტიკარაძემ.

აღსანიშნავია, რომ საქართველოში კორონავირუსით ინფიცირებულთა უმრავლესობა ბინაზე, ოჯახის ექიმების მეთვალყურეობის ქვეშ მკურნალობს. ბოლო მონაცემებით, 18 692 აქტიური შემთხვევიდან საავადმყოფოებში მკურნალობს 3 832 პაციენტი, კოვიდ-სასტუმროში იმყოფება 2 249 პირი, 12 611 კი მკურნალობის კურსს გადის ბინაზე.

დღის სტატისტიკა: კორონავირუსის ბოლო შემთხვევები რეგიონების მიხედვით>>

ბოლო მონაცემებით, საქართველოში ახალი კორონავირუსით დაავადებულთა რაოდენობამ 30303-ს მიაღწია. სულ გამოჯანმრთელდა 11370 ადამიანი, გარდაიცვალა – 215, კარანტინის რეჟიმშია 3769, სტაციონარებში ექიმების დაკვირვების ქვეშ 3832 პაციენტია, ხოლო კოვიდ–სასტუმროებში 2249 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

13
თემები:
COVID-19 საქართველოში
Facebook-გვერდი კომპიუტერის ეკრანზე

სოციალური ქსელი და არჩევნები საქართველოში: რეკლამა, ფეიკები, კომრპომატი

5
(განახლებულია 13:25 26.10.2020)
წინასაარჩევნო დაძაბულობა სოციალურ ქსელზეც აისახა, რომელსაც აქტიურად იყენებენ როგორც ხელისუფლების, ისე ოპოზიციის მომხრეები და მოწინააღმდეგეები

თბილისი, 26 ოქტომბერი – Sputnik. წინასაარჩევნო პერიოდში Facebook–ის არაოფიციალურ გვერდებზე, ანონიმურ და ცრუ მასმედიაში პოლიტიკური დისკრედიტაციის კამპანია აქტიურად გრძელდება. ასეთ დასკვნამდე მივიდა არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოება“ (ISFED).

ორგანიზაციამ სოციალური მედიის წინასაარჩევნო მონიტორინგის რიგით მეორე შუალედური ანგარიში გამოაქვეყნა. მონიტორინგი 1 სექტემბრიდან 10 ოქტომბრის ჩათვლით პერიოდს მოიცავს.

ჩხუბი, შეხვედრები და კორონავირუსი: არჩევნების ბოლოსწინა კვირა საქართველოში>>

კვლევის ფარგლებში გაანალიზდა 900 გვერდი და 11,4 ათასზე მეტი პოსტი.

კერძოდ, კვლევამ გამოავლინა:

  • ღირებულებით საკითხებზე საზოგადოების პოლარიზების წამახალისებელი 69 გვერდი;
  • ოპოზიციის ღიად მადისკრედიტირებელი 36 გვერდი;
  • მმართველი პარტიისა და ხელისუფლების ღიად მადისკრედიტირებელი 30 გვერდი;
  • ხელისუფლების სასარგებლოდ მოქმედი ცრუ მედიის 9 გვერდი;
  • ოპოზიციური პარტიების მხარდამჭერი 18 გვერდი;
  • ხელისუფლების მხარდამჭერი 17 გვერდი.

როგორც დოკუმენტშია აღნიშნული, წინასაარჩევნო პერიოდში პარტიებისა და კანდიდატების პოლიტიკურ რეკლამაზე Facebook–ზე და Instagram–ზე 320 ათას დოლარზე მეტი დაიხარჯა.

პარტიებისა და კანდიდატების ოფიციალურ გვერდებზე გამოქვეყნდა 4 925 რეკლამა ძირითადად დეკლარირებული სახით.

პოლიტიკური რეკლამის ნაწილი ვრცელდებოდა ანონიმურად, სავალდებულო დეკლარირების გარეშე, ხოლო Facebook–ის რეაგირება, მიუხედავად რეპორტებისა, იყო არაეფექტური და არასაკმარისი, აღნიშნულია ანგარიშში.

საპარლამენტო არჩევნები საქართველოში 31 ოქტომბერს ჩატარდება. მასში მონაწილეობს 48 პარტია და ორი ბლოკი. ამომრჩეველს აქედან 150 დეპუტატის არჩევა მოუწევს – 120–ის – პარტიული სისტემით და 30–ის – მაჟორიტარული.

5
თემები:
საქართველოს საპარლამენტო არჩევნები 2020