ლოიდ ო’ჰანლონი

ავსტრალიიდან პირდაპირ აჭარაში, ანუ ქართული ფოლკლორის საოცარი ხიბლი

364
(განახლებულია 20:19 20.02.2019)
ქართულმა ხალხურმა შემოქმედებამ იმდენად მოხიბლა ავსტრალიელი, რომ მშობლიური მხარე მიატოვა და საქართველოსკენ გამოეშურა

თბილისი, 20 თებერვალი – Sputnik. აჭარაში, ქედის რაიონის სოფელ მერისში 26 წლის ავსტრალიელი ლოიდ ო’ჰანლონი ცხოვრობს. მან იმდენად შეიყვარა საქართველო, რომ მშობლიური ქვეყნიდან აქ გადმოსახლება გადაწყვიტა და ქართული ენაც შეისწავლა, თან – აჭარული კილოთი.

„ავსტრალიაში ქართული ფოლკლორის პატარა ჯგუფია და ამ ჯგუფის წყალობით შევიტყვე საქართველოს შესახებ. 2014 წელს სიმპოზიუმზე ვიყავი, სადაც ბევრი უცხოელი შემსრულებელი იყო, რომლებსაც უყვარდათ ქართული ფოლკლორი“, – აღნიშნა ლოიდმა აჭარის ტელევიზიის ეთერში

ამ ღონისძიებაზე ლოიდმა კანადელი ჯემ მორისი გაიცნო, რომელმაც მოუთხრო კიდეც სოფელ მერისზე. შემდეგ ლოიდი ქართულ სუფრასთან აღმოჩნდა, სადაც გაუმასპინძლდნენ ქართული კერძებით და ჟღერდა აჭარული მრავალხმიანობა. მაშინ მან გადაწყვიტა, რომ აუცილებლად უნდა წასულიყო აჭარაში.

 „აჭარული ყველაფერი მიყვარს“, – ამბობს ლოიდი.

მერისი აჭარის ულამაზესი სოფელია, ზღვის დონიდან 700 მეტრ სიმაღლეზე მდებარეობს. სოფელში სულ სამასი ადამიანი ცხოვრობს. სწორედ აქ იგრძნო თავი ბედნიერად ლოიდმა და ავსტრალიიდან წამოსვლა გადაწყვიტა.

ლოიდს მერისში, სადაც უკვე ოთხი წელია, ცხოვრობს, ყველა კარგად იცნობს. თანასოფლელებთან ურთიერთობებისთვის მან ქართული ენა ისწავლა, თან აჭარულადაც უქცევს. ის თავს მერისელ ავსტრალიელს უწოდებს.

სადღეგრძელო, სიმღერა, ცხელი მჭადი, ბორანო, ლობიო – კიდევ რა არის საჭირო ბედნიერებისთვის? ამბობს ლოიდი და სახლის ეზოში ფეიხოასგან ჭაჭას ამზადებს.

მერისელი ავსტრალიელი აღმერთბს აჭარულ სიმღერებს და თავადაც მღერის, ამასთან, მოგზაურობს ქვეყანაში და საქართველოს კულტურასა და ტრადიციებს ახლოს ეცნობა.

364
თემები:
უცხოელის თვალით დანახული საქართველო (79)
სასამართლო

დაკავებული ექიმების საქმე: სასამართლოს გადაწყვეტილება ცნობილია

42
ქართველი ექიმები თბილისის ცენტრალური საავადმყოფოს დირექტორისა და ექიმების მხარდამჭერ აქციებს ატარებენ

თბილისი, 5 აგვისტო — Sputnik.  თბილისის საქალაქო სასამართლოს გადაწყვეტილებით, თბილისის ცენტრალური საავადმყოფოს დირექტორი გირაოს სანაცვლოდ გათავისუფლდა, ორი ექიმი კი განაჩენს საპატიმროში დაელოდება, იუწყება საზოგადოებრივი მაუწყებლის პირველი არხი.

საავადმყოფოს დირექტორი გიორგი ლობჟანიძე და ექიმი ვახტანგ ყიფიანი სამშაბათს დააკავეს. იმავე დღეს გენერალურმა პროკურატურამ ბრალი დაუსწრებლად წარუდგინა ანესთეზიოლოგ მაგდა ხოჭოლავას, რომელიც იტალიაში მუშაობს.

სასამართლოს გადაწყვეტილებით,  კლინიკის  დირექტორი გიორგი ლობჟანიძე საპატიმროს 100 ათასი ლარის ოდენობით გირაოს გადახდის შემდეგ დატოვებს, რაც შეეხება ხოჭოლავას, მას სასამართლომ დაუსწრებლად  პატიმრობა შეუფარდა. 

ექიმების საქმე ეხება ოპერაციას, რომელიც 2018 წელს ახალგაზრდა გოგონას ჩუტარდა. გოგონამ კლინიკას კონსულტაციისთვის მიმართა, ყიფიანი კი გოგონას დაპირდა, რომ გამოკვლევის შედეგებს იტალიაში გადააგზავნიდნენ.  ასევე მან პაციენტი დაარწმუნა, რომ ქირურგიულ ოპერაციას იტალიელი ექიმები ჩაუტარებდნენ. გოგონა დათანხმდა, ოპერაცია კი თავად ყიფიანმა, მაგდა ხოჭოლავას დახმარებით  ჩაატარა. მოგვიანებით მათ განმეორებით ჩაატარეს ოპერაცია, რომლის შემდეგაც გოგონა კომაში ჩავარდა.

გამოძიების ცნობით, ყიფიანს მსგავსი ოპერაციის ჩატარებისთვის კანონით გათვალისწინებული შესაბამისი კვალიფიკაცია არ ჰქონდა, ხოჭოლავას კი საერთოდ არ ჰქონდა ოპერაციებზე დაშვების უფლება, რადგანაც კონსულტანტად მუშაობდა. გარდა ამისა, ოპერაციის დროს მათ შეცდომები დაუშვეს, რამაც პაციენტის მდგომარეობა გაართულა.

რაც შეეხება კლინიკის დირექტორ გიორგი ლობჟანიძეს, გამოძიება  ბრალს სდებს იმაში, რომ მან არ გააკონტროლა ოპერაცია და არ შეამოწმა მედპერსონალის შესაბამისი ლიცენზიის არსებობის საკითხი.

ბრალდებებს კატეგორიულად არ ეთანხმებიან ექიმები, რომლებიც ბრალდებული კოლეგების მხარდამჭერ წერილებს აქვეყნებენ.

42
თემები:
შემთხვევები საქართველოში
რიყის პარკი

საზღვაო ტრანსპორტის სააგენტო: ბეირუთში აფეთქების საქართველოსთან დაკავშირება უსაფუძვლოა

156
ადრე გავრცელდა ინფორმაცია იმის შესახებ, რომ   საშიში ქიმიური ნივთიერება, რომელიც ბეირუთის პორტში სამშაბათს საღამოს აფეთქდა,   2014 წელს კონფისკაციას დაექვემდებარა.

თბილისი, 5 აგვ ისტო  — Sputnik.  საქართველოს საზღვაო ტრანსპორტის სააგენტოს განცხადებით, 2013 წელს ბათუმიდან ხომალდმა მოზამბიკში მართლაც გადაჰქონდა ამონიუმის ნიტრატი, თუმცა, ბეირუთში მომხდარი აფეთქების ქართულ მხარესთან დაკავშირების ნებისმიერი მცდელობა საფუძველს მოკლებულია, იუწყება РИА Новости.

მძლავრი აფეთქება ბეირუთში სამშაბათს, საღამოს მოხდა. ხელისუფლების განცხადებით, აფეთქების მიზეზი პორტში ექვსი წლის განმავლობაში 2750 ტონა ამონიუმის ნიტრატის არასათანადო პირობებში შენახვა გახდა. აფეთქების შედეგად დაზიანებულია ქალაქის შენობების ნაწილი, საავადმყოფოები დაშავებულებითაა გადავსებული.

ადრე გავრცელდა ინფორმაცია იმის შესახებ, რომ   საშიში ქიმიური ნივთიერება, რომელიც ბეირუთის პორტში სამშაბათს საღამოს აფეთქდა,   2014 წელს კონფისკაციას დაექვემდებარა. ამონიუმის ნიტრატით დატვირთული მოლდოვას დროშის ქვეშ მცურავი გემი RHOSUS, ბათუმის პორტიდან 2013 წელს გავიდა. 

 „აფეთქების საქართველოს რაიმე ფორმით დაკავშირება ყოველგვარ საფუძველს მოკლებულია. ამონიუმის ნიტრატი წლების განმავლობაში საქართველოს ერთ-ერთი საექსპორტო პროდუქტია და ყოველწლიურად დიდი მოცულობებით გადის საერთაშორისო ბაზრებზე, თუმცა, ტვირთის გადაზიდვა, დამუშავება და დასაწყობების ტექნოლოგიები მიმღები სახელმწიფოს კომპეტენციაა და არა ექსპორტიორი სახელმწიფოს. გარდა ამისა, ხაზგასასმელია ის გარემოებაც, რომ ტვირთი გაგზავნილია 2013 წელს, ხოლო მის შენახვასთან დაკავშირებული ინციდენტი მოხდა 2020 წელს”, – ნათქვამია სააგენტოს განცხადებაში, რომელიც მიიღო РИА Новости–მ.

სააგენტოში აღნიშნეს, რომ ბეირუთის პორტში აფეთქების მიზეზად ოფიციალურმა პირებმა დიდი რაოდენობით ამონიუმის ნიტრატის შენახვის წესების დარღვევა დაასახელეს.

 „აღნიშნული ნივთიერება ბეირუთის პორტში მოხვდა შემდეგი გზით: 2013 წლის სექტემბერში ლიბანის საპორტო კონტროლის სახელმწიფო ინსპექციის მიერ დაკავებული იქნა მოლდოვას დროშით მცურავი მშრალტვირთმზიდი Rhosus.  აღნიშნული გემი ახორციელებდა 2750 ტონა ამონიუმის ნიტრატის ტრანსპორტირებას საქართველოდან (ბათუმის პორტი) მოზამბიკში (პორტი ბეირა)“, – აღნიშნეს სააგენტოში.

ბოლო ცნობებით, ბეირუთის პორტში მომხდარი მძლავრი აფეთქების შედეგად 135 ადამიანზე მეტი დაიღუპა და დაახლოებით ოთხი ათასი დაშავდა. ბევრი ადამიანი ამ უგზოუკვლოდ დაკარგულად ითვლება. ტრაგედიასთან დაკავშირებით ლიბანში სამდღიანი გლოვაა გამოცხადებული – ქვეყენაში ორი კვირით საგანგებო მდგომარეობა გამოცხადდა.

 

156