მცხეთა

მცხეთის ისტორიულ ძეგლებზე მორატორიუმი 2019 წლის ბოლომდე გახანგრძლივდა

261
(განახლებულია 16:21 03.01.2019)
მოვლა-პატრონობის სისტემისა და არათანმიმდევრული განაშენიანების გამო, მცხეთის ისტორიული ძეგლები 2009 წელს საფრთხის  ქვეშ მყოფი მსოფლიო მემკვიდრეობის  ნუსხაში შეიტანეს

თბილისი, 3 იანვარი - Sputnik. მცხეთის ისტორიული ძეგლების დამცავ ზონაზე მოქმედი მორატორიუმი 2019 წლის ბოლომდე გახანგრძლივდა, აღნიშნულია საქართველოს კულტურული მემკვიდრეობის დაცვის ეროვნული სააგენტოს ვებგვერდზე გამოქვეყნებულ განცხადებაში.

კერძოდ, მცხეთის კულტურული მემკვიდრეობის დამცავ ზონებში საქართველოს მთავრობის 2015 წლის 3 აგვისტოს „ქალაქთმშენებლობის რეგულირების განსაკუთრებული რეჟიმის ამოქმედების შესახებ“ დადგენილების მოქმედების ვადა 2019 წლის 31 დეკემბრამდე გახანგრძლივდა.

ამავე დროს, მცხეთის ისტორიული ძეგლების დამცავ ზონაზე მოქმედი მორატორიუმის პირობებში 2019 წლის 1 მარტამდე გარკვეული ცვლილებებიც შევა, რამაც ადგილობრივი მოსახლეობისათვის მორატორიუმის პირობების შემსუბუქება უნდა უზრუნველყოს. სააგენტოს ცნობით, ცვლილებები  უწყებათაშორისი კონსულტაციების, UNESCO-სა და მსოფლიო მემკვიდრეობის ცენტრთან შეთანხმების საფუძველზე დადგინდება. 

როგორც განცახდებაშია აღნიშნული, განსაკუთრებული რეჟიმი მცხეთის ურბანული განვითარებისა და მიწის პრივატიზების შესახებ ურბანული დაგეგმარების დოკუმენტაციის მიღებამდე და მონიტორინგის სისტემის დანერგვამდე იმოქმედებს. 

დროებითი რეჟიმის შემსუბუქების მიზნით მსოფლიო მემკვიდრეობის ცენტრმა და მისმა მრჩეველმა ორგანომ - ICOMOS-მა შესაბამისი რეკომენდაციების პაკეტი საქართველოს მხარეს 2018 წლის დეკემბერის ბოლოს გამოუგზავნა.

„რეკომენდაციების თანახმად, საახელმწიფო უწყებებს მცხეთის ქალაქმშენებლობითი დოკუმენტაციის შემუშავებამდე, მსოფლიო მემკვიდრეობის ძეგლის ზოგადსაკაცობრიო ღირებულების შენარჩუნების გარანტიით, ადგილობრივი მოსახლეობის საჭიროებების შესაბამისი მექანიზმები (სახელმძღვანელო პრინციპების) უნდა შეემუშავებინათ“, -აღნიშნულია განცხადებაში.

შესაბამისი  მექანიზმების შემუშავების შემდეგ კი  მცხეთაში  მთელი რიგი ინფრასტურქტურული პროექტები განხორციელდება.  

მცხეთის ისტორიული ძეგლები იუნესკოს სიაში 1994 წელს შეიტანეს და მასში გაერთიანებულია მცხეთის ჯვარი, სვეტიცხოველი და სამთავრო. მოვლა-პატრონობის სისტემისა და არათანმიმდევრული განაშენიანების გამო, ისინი 2009 წელს  მსოფლიო მემკვიდრეობის კომიტეტის 33-ე სესიაზე საფრთხის  ქვეშ მყოფი ძეგლების ნუსხაში შეიტანეს.

261
თემები:
ქართული კულტურული მემკვიდრეობის ძეგლები – 2018 (97)
ნიკა გვარამია

შაქარაშვილის გარდაცვალების საქმე: ნიკა გვარამიამ სასამართლოს კითხვებს უპასუხა

107
ტელეკომპანიის განკარგულებაში აღმოჩნდა ვიდეოკადრები, რომლებიც გამოძიების ოფიციალურ ვერსიებში არ ყოფილა

თბილისი, 11 ივლისი – Sputnik. „მთავარი არხის“ გენერალურმა დირექტორმა ნიკა გვარამიამ 19 წლის გიორგი შაქარაშვილის მკვლელობის საქმესთან დაკავშირებით სასამართლოს ჩვენება მისცა.

ცნობილი გახდა ექსპერტიზის პასუხი – რა გახდა გიორგი შაქარაშვილის გარდაცვალების მიზეზი >>

გარდაცვლილ ახალგაზრდა სპორტსმენს არაგვში 22 ივნისს, ოთხდღიანი ძებნის შემდეგ მიაგნეს. ის უკვალოდ დაიკარგა წვეულებაზე მომხდარი ჩხუბის შემდეგ, რომელიც მცხეთის აგარაკზე სტუმრებს შორის მოხდა. ექსპერტიზამ დაადგინა, რომ 19 წლის ფეხბურთელის სიკვდილის მიზეზია ასფიქსია წყალში დახრჩობით. ასევე მას აღმოაჩნდა უამრავი დაზიანება, რაც საქმის გადაკვალიფიცირების საფუძველი გახდა - ჯგუფური ძალადობის მუხლი მკვლელობით შეიცვალა.

„მთავარი არხი“ და მისი გენერალური დირექტორი ნიკა გვარამია შაქარაშვილის გაუჩინარების მომენტიდან აქტიურად აშუქებდნენ ამ თემას და აჩვენებდნენ ახალ-ახალ კადრებს, რომლებიც გამოძიების ოფიციალურ ვერსიებში არ ყოფილა. სწორედ ეს გახდა გვარამიას სასამართლოში გამოკითხვის მიზეზი.

„წყაროები არ გავამხილე, არ მივიჩნევ საჭიროდ. მეორე შეკითხვა იყო ბევრ საკითხთან დაკავშირებით, რომელსაც ეთერში გამოვთქვამ, როგორც ლოგიკურ ვარაუდს, ვინაიდან საქმეში იმალება მთელი რიგი დეტალები და ამიტომ გვიწევს მიხვედრა, შევსება ამ სურათის“, - განაცხადა გვარამიამ.

ამასთან მან აღნიშნა, რომ მას უსვამდნენ კითხვებს იმ კონკრეტულ ფაქტებთან დაკავშირებით, რომლებიც მან ეთერში დაასახელა.

შაქარაშვილის საქმეზე დაკავებულია 17 ადამიანი, რომლებსაც ჯგუფური ძალადობის, მისი ორგანიზებისა და ძალადობის ბრალდებით წინასწარი პატიმრობა შეეფარდათ. პირთა ჯგუფის მიერ დამამძიმებელ გარემოებებში ჩადენილი განზრახ მკვლელობის ბრალდება ჯერჯერობით არავისთვის არ წაუყენებიათ.

ამჟამად გამოძიებამ დანიშნა დამატებითი ექსპერტიზები, რათა გაირკვეს ექსპერტიზის მიერ უკვე დადგენილი დაზიანებების წარმომავლობა და საქმის სხვა გარემოებები. ექსპერტებმა უნდა უპასუხონ მთავარ კითხვაზე - როგორ აღმოჩნდა შაქარაშვილი წყალში და რა მოხდა მანამდე.

107
თემები:
19 წლის გიორგი შაქარაშვილის მკვლელობის საქმე
გამვლელები თბილისში

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან

252
(განახლებულია 20:53 11.07.2020)
მოსახლეობის დიდი ნაწილი მიიჩნევს, რომ ახალი კორონავირუსის გავრცელების კონტროლ ქვეშ მოქცევა შესაძლებელია

თბილისი, 11 ივლისი – Sputnik. საქართველოს მოსახლეობა კმაყოფილია კორონავირუსის გავრცელებასთან ბრძოლისას მთავრობის მიერ მიღებული ზომებით, ნათქვამია Gallup International-ის კვლევაში, რომელიც ტელეარხ Imedi-ს ეთერში წარმოადგინეს.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი >>

Gallup-ის დაკვეთით საქართველოში კვლევა ჩაატარა ქართულმა კომპანია „გორბიმ“, რომელმაც 7-12 ივნისს დაახლოებით 1000 რესპონდენტი ტელეფონით გამოკითხა. ამ გამოკითხვის ცდომილებაა +/-2,5%.

გამოკითხვის მიხედვით, საქართველოში გამოკითხულთა 95% მიიჩნევს, რომ კორონავირუსის პანდემია კონტროლს ექვემდებარება და 17 ქვეყანაში ეს ყველაზე მაღალი მაჩვენებელია. ამ მაჩვენებლით მეორე ადგილზეა ბულგარეთი, სადაც ამაში დარწმუნებულია მოსახლეობის 72%.

ასევე, საქართველომ და მალაიზიამ გაიყვეს მოწინავე პოზიცია იმ ქვეყნების ჩამონათვალში, რომელთა მოსახლეობა დარწმუნებულია, რომ მათი ხელისუფლება კარგად უმკლავდება კორონავირუსის პანდემიას - გამოკითხულთა 94%. ამ გამოკითხვაში მეორე ადგილზეა კორეის მოსახლეობა, რომელთა 84% მთავრობის მუშაობას დადებით აფასებს.

თუმცა, საქართველოში საკმაოდ ბევრია იმ ადამიანთა რაოდენობა, რომლებიც პანდემიის ეკონომიკურმა შედეგებმა დააზარალა. იმის შესახებ, რომ პანდემიის გამო შეუმცირდათ შემოსავლები, გამოკითხულთა 74%-მა განაცხადა. ამ მაჩვენებლით საქართველო მეეექვსე ადგილზე აღმოჩნდა. ამ კუთხით ყველაზე უარესი მდგომარეობაა ინდოეთში, ფილიპინებზე, პაკისტანში, მალაიზიაში და ყაზახეთში.

თუმცა გამოკითხულთა 63% დარწმუნებულია, რომ წლის ბოლომდე ყველაფერი მოგვარდება და ეს ყაზახეთის შემდეგ მსოფლიოში მეორე მაჩვენებელია.

კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა. ამ დროისათვის სულ 981 შემთხვევა დადასტურდა.

პანდემიის პერიოდში საქართველოში 846 ადამიანი გამოჯანმრთელდა, გარდაიცვალა 15 პაციენტი.

252
თემები:
COVID-19 საქართველოში
მოციმციმე ხე მთვარის ფონზე

მთვარის კალენდარი: 12 ივლისი რისი გაკეთება შეიძლება და რისი არა

0
(განახლებულია 11:23 11.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

12 ივლისი, კვირა ამ დღეს მზე მართავს. კლებადი მთვარე ვერძის ნიშანშია.

ვერძის დღეს სასურველია აქტიურობა, ორიგინალობისა და სიმტკიცის გამოჩენა; უნდა გახსოვდეთ ტაქტისა და დიპლომატიურობის შესახებ, მოერიდოთ აჩქარებას, მოუთმენლობასა და იმპულსურობას.

კარგი დღეა წინსვლისთვის, სწავლისთვის, ჯგუფური მუშაობისთვის.

წარმატებული დღეა, სამუშაო კარგად აეწყობა. კარგი დღეა მოგზაურობის დაწყებისთვის.

მთვარე ვერძის ნიშანში ამაღლებს საწინააღმდეგო სქესისადმი ინტერესს. ახალ ნაცნობობას, შესაძლოა, მგზნებარე რომანი მოჰყვეს, მაგრამ დიდი აბათობით – ხანმოკლე

რეკომენდებულია: წინსვლა, ფულის საკითხების გადაწყვეტა, აქტიურობა, ბიზნესის საქმეების გაკეთება, კონტაქტი ხელმძღვანელობასთან, ყველასთვის მნიშვნელოვანი საკითხების გადაჭრა, მუშაობა როგორც ინდვიდუალურად, ისე გუნდურად, შემოქმედებითი საქმიანობა, კარიერული წინსვლა, ახალი საქმეების დაწყება.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია გუნდიდან გამოყოფა და მასთან დაპირისპირება, წვრილმან საქმეებზე ყურადღების კონცენტრირება და მათზე დროის დაკარგვა.

თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

სახის ნიღბების სახით გამოიყენეთ მხოლოდ ნატურალური საშუალებები.

მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0