ჩოჩორი ბაკო

ბაკო და გაიოზი, ანუ ერთი სკანდალური ფოტოს ნამდვილი ამბავი

370
(განახლებულია 15:39 27.06.2018)

370
თემები:
რეალური ისტორიები (38)
ფოტო „ცხოვრება კიდეზე“

სტენინის კონკურსზე 2020 წლის გამარჯვებულები გამოვლინდა

3
(განახლებულია 01:36 23.10.2020)
სტენინის სახელობის კონკურსზე გამარჯვებულთა ყველა ნამუშევარი ზღვრული, ფერწერული, ვიზუალური სილამაზით გამოირჩევა

თბილისი, 23 ოქტომბერი ― Sputnik. ანდრეი სტენინის სახელობის საერთაშორისო ფოტოკონკურსმა 2020 წლის მთავარი ჯილდოს -გრან-პრის მფლობელი დაასახელა. ონლაინ-ცერემონია კონკურსის ორგანიზატორის - მედიაჯგუფ „როსია სეგოდნიას“ მულტიმედიური პრეს-ცენტრის მოედანზე გაიმართა.

გრან-პრის მფლობელი გახდა ესპანელი ფოტოგრაფი ლუის ტატო სერიისთვის „ტერაქტი სასტუმროში DusitD2“, რომელშიც ლაკონურად და მკვეთრად აღბეჭდილია ტრაგიკული მოვლენა, რომელიც ნაირობიში მდებარე სასტუმრო კომპლექსის ტერიტორიაზე 2019 წლის იანვარში მოხდა.

ლუის ტატო სტენინის კონკურსის მრავალგზის ლაურეატია. მისი თქმით, კონკურსი არის ფანტასტიკური გამოცდილება, პროფესიული ზრდის საშუალება. „სწავლის და სრულყოფის შესაძლებლობა მაიძულებს წლიდან წლამდე გავაგზავნო განაცხადი ამ კონკურსში მონაწილეობის მისაღებად“.

კონკურსზე ასევე 2020 წლის ლაურეატების საპრიზო ადგილები გამოცხადდა. კონკურსზე გამარჯვებულთა ყველა ნამუშევარი ზღვრული, ფერწერული, ვიზუალური სილამაზით გამოირჩევა. მათში აისახა თანამედროვეობის ყველაზე მწვავე პრობლემები - სოციალური და პოლიტიკური დაპირისპირებებიდან ეკოლოგიის საკითხებამდე. მათი აზრით, სილამაზეში უზარმაზარი ჰუმანური ძალაა, და მას მართლა შეუძლია სამყაროს გადარჩენა.

ნომინაციაში „მთავარი სიახლეები“ პირველი ადგილი გაინაწილა დამოუკიდებელი ბრიტანელი ფოტოჟურნალისტის, ლინზი ბილინგის მრავლისმეტყველმა კადრმა „დასამარებული სამართლიანობა“, რომლის ობიექტივშია ფილიპინებზე ნარკოტიკებთან ბრძოლის ფართომასშტაბიანი კამპანიის მსხვერპლის ცხედარი და ფრანგი ჟოფრე გიიმარის ფოტოგრაფიულმა როუდ-სთორიმ „სამხრეთი საზღვარი“, რომელიც ცენტრალური ამერიკიდან, ჰაიტიდან, აფრიკიდან და კუბას კუნძულიდან მიგრანტების გრძელ გზას ასახავს „ამერიკული ოცნებისკენ“ - აშშ-ის საზღვრისკენ, რომლის იქით, ავტორის თქმით, ისინი თავიანთ ქვეყნებში არსებული კრიმინალისგან თავშესაფარს ეძებენ.

Похороненная справедливость
photo: Linzi Billing / Stenincontest
„დასამარებული სამართლიანობა“

ფოტო „ცხოვრება კიდეზე“ (ავტორი - რეპორტიორი კალკუტადან სუმიტ სანია) შექმნილია კუნძულ მუსუნის მცხოვრებლებზე, რომელთაც ზღვა თანდათან ართმევს ხმელეთს - ის გახდა საუკეთესო ინდივიდუალური ფოტო ნომინაციაში „ჩემი პლანეტა“. ამ ნომინაციაში სერიებს შორს საუკეთესო გახდა რუსი სერგეი პარშუკოვის ქრონიკები ვორკუტადან „გაქრობის პირას სამყაროს დედაქალაქი“ (Столица исчезающего мира).

Столица исчезающего мира (долгосрочный проект)
photo: Stenincontest
„გაქრობის პირას სამყაროს დედაქალაქი*

სპორტულ ნომინაციაში საუკეთესო ინდივიდუალური ნამუშევარი გახდა თურქი ფოტოგრაფის, შებნემ კოშკუნის ვიზუალური ფანტასმაგორია, რომლის გმირი ქალი, ფრიდრაივერი თურქეთიდან საჰიკა ერკუმენი გილინდირის მღვიმეში ვარჯიშის დროსაა აღბეჭდილი. ამ ნომინაციის სერიებს შორის გაიმარჯვა რუსი ჟურნალისტის, პაველ ვოლკოვის ფოტოისტორიამ ალექსეი ტალაის შესახებ, რომელიც ბავშვობაში სასწაულებრივად გადაურჩა საარტილერიო ჭურვისგან მომხდარ ხანძარს. მისი შემდგომი ცხოვრება უძლიერესი სულისკვეთების და წინააღმდეგობის გადალახვის ნიმუშად იქცა.

ნომინაციაში „პორტრეტი. ჩვენი დროის გმირი“ პირველი ადგილები რუსმა და იტალიელმა ფოტოჟურნალისტებმა დაიკავეს. ინდივიდუალურ კატეგორიაში გაიმარჯვა პრიმორიელი ჟურნალისტის იური სმიტიუკის ფოტომ „ვრანგელის კუნძული“, რომელზეც ნაკრძალის მეცნიერ-თანამშრომელი და ინსპექტორი პაველ კულემეევია აღბეჭდილი თავის „ბუნებრივ საცხოვრებელ გარემოში“. ისტორიებს შორის საუკეთესო გახდა იტალიელი ჟურნალისტის, დანილო გარსია დი მეოს მონათხრობი „კვატრანი. მიწისძვრის შვილები“. ფოტოისტორია მოგვითხრობს ქალაქ ლაკუილას ახალგაზრდა მცხოვრებლებზე, რომლებიც მათ ბავშვობაში მომხდარმა მიწისძვრამ ერთ სულიერ იდენტობად გააერთიანა.

Кватрани. Дети землетрясения
photo: Danilo Garcia Di Meo / Stenincontest
„კვატრანი. მიწისძვრის შვილები“.

2020 წლის კონკურსის საპრიზო ადგილების ლაურეატების სრული სია გამოქვეყნებულია ვებგვერდზე.

ტრადიციულად კონკურსის ფარგლებში მონაწილეთათვის სპეციალური პრიზები დაწესდა. 2020 წელს პრიზები გადაეცა ნამუშევრებს სამ ნომინაციაში - „მთავარი სიახლეები“, „ჩემი პლანეტა“ და „პორტრეტი. ჩვენი დროის გმირი“. ნომინაციების პარტნიორები გახდნენ წამყვანი საერთაშორისო მედიები: შანხაის გაერთიანებული მედიაჯგუფი (JIVU), გაზეთ „ჩაინა დეილის“ ინტერნეტ-პორტალი და  საინფორმაციო ჰოლდინგი Al Mayadeen TV, ასევე მსოფლიოს ერთ-ერთი უმსხვილესო ჰუმანიტარული ორგანიზაცია - წითელი ჯვრის საერთაშორისო კომიტეტი (ICRC).

ნომინაციების პარტნიორების თვალსაზრისით, საუკეთესოები გახდნენ: ინდივიდუალური ფოტო „დასამარებული სამართლიანობა“ (ლინზი ბილინგი - დიდი ბრიტანეთი) და ფოტოსერია „ებოლა: დემოკრატიული რესპუბლიკა კონგო“ (ჯონ ვესელსი - სამხრეთ აფრიკის რესპუბლიკა). ამ ნამუშევრებს წითელი ჯვრის ორგანიზაციამ ნომინაციაში „მთავარი სიახლეები“ გადასცა პრიზი „ჰუმანიტარული ფოტოსთვის“.

ნომინაციაში „მთავარი სიახლეები“ Al Mayadeen TV-ს სპეციალური პრიზი გადაეცა ბრაზილიელი ფოტოჟურნალისტის, ლეონარდო მალაფაია ალვესის ინდივიდუალურ ნამუშევარს „შავი მოქცევა ბრაზილიაში“, ნომინაციაში „ჩემი პლანეტა“ JIVU-ს მაღალი შეფასება დაიმსახურა ფოტომ „ცხოვრება კიდეზე“ (ავტორი - რეპორტიორი ინდოეთიდან სუმიტ სანია), ასევე გაზეთ „ჩაინა-დეილის“ ინტერნეტ-პორტალის სპეციალური პრიზი გადაეცა სერიას „კვატრანი. მიწისძვრის შვილები“ (დანილო გარსია დი მეო - იტალია) ნომინაციაში „პორტრეტი. ჩვენი დროის გმირი“.

სტენინის კონკურსი ტრადიციულად სტარტს მისცემს გამარჯვებულთა ნამუშევრების საერთაშორისო საგამოფენო ტურნეს, როგორც კი პანდემიასთან დაკავშირებული შეზღუდვები მოიხსნება. მანამდე 2020 წლის ფოტოგრაფიის გამარჯვებულების ნახვა შესაძლებელია ონლაინ-ფორმატში - ვირტუალური გალერეის პლატფორმაზე, ასევე კონკურსის პარტნიორების რესურსებზე (https://www.kunstmatrix.com/en/stenin-contest).

კონკურსის შესახებ: ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო „როსია სეგოდნიას" ორგანიზებით იუნესკოს საკითხებში რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა ნიჭიერი ფოტოგრაფებისთვის, რომლებიც გახსნილი არიან ყველაფერი ახლისთვის, სადაც ისინი ჩვენ ყურადღებას მიაქცევენ ადამიანებსა და მათ გვერდით მიმდინარე მოვლენებზე.

2020 წელს კონკურსის გენერალური საინფორმაციო პარტნიორები არიან: საინფორმაციო სააგენტო და რადიო Sputnik-ი, საინფორმაციო სააგენტო Askanews, მედიაჰოლდინგი Independent Media, საინფორმაციო სააგენტო Notimex, ახალი ამბების სააგენტო ANA, ტელეარხი და პორტალი RT, Shanghai United Media Group (SUMG), გაზეთების — China Daily და The Paper-ის, ასევე მედიაქსელ Al Mayadeen-ის ინტერნეტ-პორტალები, საინფორმაციო სააგენტო Prensa Latina, საინფორმაციო სააგენტო News1, ინტერნეტ-პორტალი DBW, ახალი ამბების პორტალი Brasil247.

დარგობრივი პარტნიორების სტატუსში კონკურსს მხარს უჭერენ: ჟურნალი National Geographic რუსეთი, პორტალები Russian Photo და Photo-study.ru, ფოტოსკოლა Академия фотографии, საინფორმაციო პორტალი YOung JOurnalists-ი, ჟურნალი Fotoargenta, ფოტოჟურნალისტიკის კლუბი „ნიუ დელი“, ჟურნალები Enfoque Visual და LF Magazine, საერთაშორისო პარტნიორია ფესტივალი PhotON.

3
ცესკოს შენობა

კორონავირუსი და არჩევნები: ცესკომ დაავადებულთა საკითხი გადაჭრა

58
(განახლებულია 00:33 23.10.2020)
თუ კორონავირუსის გამო საუბნო საარჩევნო კომისიების წევრთა რაოდენობა შვიდზე ნაკლები იქნება, კომისია გარდაიქმნება სპეციალურად ჯგუფად და არჩევნების ჩატარებას მაინც შეძლებს

თბილისი, 22 ოქტომბერი — Sputnik. საპარლამენტო არჩევნების დროს საუბნო კომისიებში შემავალი სავალდებულო შვიდი წევრიდან რომელიმეს კორონავირუსით დაინფიცირების შემთხვევაში კომისია მუშაობას მაინც გააგრძელებს, ნათქვამია ცესკოს განცხადებაში.

არჩევნები 31 ოქტომბერს გაიმართება. ამ დღეს საქართველოს მოსახლეობა აირჩევს პარლამენტის დეპუტატებს, აჭარის უმაღლესი საბჭოს წევრებს, ასევე რამდენიმე მუნიციპალიტეტის ადგილობრივი ხელისუფლების წარმომადგენლებს.

ცესკოს დადგენილებით, თუ კორონავირუსის გამო საუბნო საარჩევნო კომისიების წევრთა რაოდენობა შვიდზე ნაკლები იქნება, კომისია გარდაიქმნება სპეციალურად ჯგუფად და არჩევნების ჩატარებას მაინც შეძლებს.

თუ სპეცჯგუფში წევრების არასაკმარისი რაოდენობა იქნება, საოლქო კომისია ადამიანებს რეზერვიდან დაამატებს.

საქართველოში საარჩევნოდ 3 657 უბანი გაიხსნება. კორონავირუსის პანდემიის გამო კომისიების ყველა წევრმა, დამკვირვებლებმა და პარტიების წარმომადგენლებმა თერმოსკრინინგი უნდა გაიარონ. თუ ტემპერატურა 37 ან 37 გრადუსზე მაღალი იქნება, პირს კენჭისყრის დღეს უბანზე ყოფნის უფლება არ ექნება.

ამასობაში საქართველოში კორონავირუსით ინფიცირებულთა რაოდენობა დღითიდღე იზრდება. ამ კვირის დასაწყისიდან 22 ოქტომბრამდე კორონავირუსი 5 326 ადამიანს გამოუვლინდა. ქართველი ეპიდემიოლოგები ინფიცირებულთა რაოდენობის ზრდას ნოემბერშიც ვარაუდობენ.

58
თემები:
საქართველოს საპარლამენტო არჩევნები 2020
მთვარის ფაზები

მთვარის კალენდარი: 23 ოქტომბერი რისი გაკეთება შეიძლება და რისი არა

0
(განახლებულია 10:25 22.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

23 ოქტომბერი, პარასკევი. ამ დღეს ვენერა მართავს. მზარდი მთვარე თხის რქის ნიშანშია, საღამოს მერწყულის ნიშანში გადადის.

დღის პირველ ნახევარში – თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

თქვენი მფარველი პლანეტა ზოდიაქოს ნიშნის მიხედვით და მისი გავლენა თქვენზე>>

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

დღის მეორე ნახევარში, თბილისის დროით 16:22 საათიდან მთვარე მერწყულის ნიშანში გადადის. ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია დღის პირველ ნახევარში მოლაპარაკებების გამართვა, ახალი კავშირების დამყარება, სარეკლამო და სააგიტაციო კამპანიის წარმოება, გასაუბრება, სიტყვის ძალის გამოყენება ინვესტორების, პარტნიორებისა თუ სპონსორების დარწმუნებისთვის, ხელმძღვანელი პირების მხრიდან ხელქვეითებისთვის მადლობის გადახდა და წახალისება, ხელქვეითებისთვის კი ხელმძღვანელობისთვის თხოვნით მიმართვა, თითოეული სიტყვის აწონ–დაწონა, ბიზნესმენების მხრიდან შემოქმედებითი ადამიანების მხარდაჭერა, მათი სპონსორობა.

არარეკომენდებულია ვინმეს გადმობირების დროს ზედმეტი მცდელობა, ეჭვებისა და შიშების შესახებ საუბარი.

რეკომენდებულია დღის მეორე ნახევარში ძველი პროექტების განხორციელებისას კრეატიული იდეების გამოყენება, მცირე ფინანსური საქმეების გადაწყვეტა, ახალი პარტნიორების ძებნა, ინდივიდუალურად მუშაობა და გუნდური მუშაობის შეზღუდვა.

არარეკომენდებულია საკუთარ შესაძლებლობების ზედმეტად შეფასება, დატვირთვა სამუშაოზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის. დღის მეორე ნახევარში, სჯობს, თმის შეჭრისგან თავი შეიკავოთ. შეღებვისთვის კარგი დროა.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

საღამოს კი, ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

0