სეტყვასაწინააღმდეგო სისტემა

კახეთში სეტყვის ღრუბლები გაანეიტრალეს

95
(განახლებულია 16:25 10.06.2018)
110 რაკეტის გასროლის შედეგად რეგიონში სეტყვის ნაცვლად წვიმა მოვიდა

თბილისი, 10 ივნისი — Sputnik. სეტყვასაშიში ღრუბლები კახეთის რამდენიმე რეგიონში გაანეიტრალეს და ადგილობრივი მოსახლეობა სეტყვისგან იხსნეს, ნათქვამია ბუნებრივ მოვლენებზე აქტიური ზემოქმედების ცენტრის განცხადებაში.

ცენტრის მონაცემებით, 650 კვადრატულ კილომეტრამდე საერთო ფართობის სეტყვასაშიში ღრუბლის მასები შაბათს საღამოს დაგროვდა ახმეტის, საგარეჯოს, გურჯაანის, ლაგოდეხის, ყვარლის, სიღნაღის და თელავის რაიონებში.

ცენტრის თანამშრომლების მიერ გასროლილი იქნა 110 ერთეულამდე რაკეტა. შედეგად სეტყვის ნაცვლად წვიმა მოვიდა.

ქართული ტექნიკა სხვა ქვეყნებს სეტყვასთან ბრძოლაში დაეხმარება >>

სეტყვასაწინააღმდეგო სისტემა საქართველოში 2015 წლის გაზაფხულიდან ფუნქციონირებს. პირველად ის კახეთში დამონტაჟდა. მას შეუძლია სეტყვასაშიში ღრუბლების აღმოჩენა და საწყის სტადიაზე მათი კონტროლი. კახეთის ყველა რაიონში საცეცხლე წერტილებია განლაგებული. განიხილება სისტემის დამონტაჟების შესაძლებლობა ქვეყნის სხვა რეგიონებშიც.


95
ეროვნული ბანკის საკოლექციო მონეტები

ეროვნულმა ბანკმა ორი მონეტის დიზაინზე კონკურსი გამოაცხადა

30
საკოლექციო მონეტები ორ თემას ეძღვნება – საქართველოს დემოკრატიული რესპუბლიკის პირველი კონსტიტუციის მიღების 100 წლისთავსა და დედამიწის დღეს

თბილისი, 6 აგვისტო — Sputnik. საქართველოს ეროვნულმა ბანკმა ორი საკოლექციო მონეტის დიზაინზე კონკურსი გამოაცხადა, ნათქვამია რეგულატორის განცხადებაში.

საკოლექციო მონეტების დიზაინი საქართველოს დემოკრატიული რესპუბლიკის პირველი კონსტიტუციის მიღების 100 წლისთავისა და დედამიწის დღის თემებზე უნდა შეიქმნას.

„2021 წელს საქართველოს დემოკრატიული რესპუბლიკის პირველი კონსტიტუციის მიღებიდან 100 წელი სრულდება და სწორედ ამიტომ ეროვნულმა ბანკმა გადაწყვიტა გამოუშვას ამ თარიღის აღსანიშნავად საკოლექციო დანიშნულების 5 ლარის ნომინალის ვერცხლის მონეტა, რაც მიზნად ისახავს ამ მოვლენის მნიშვნელობის ხაზგასმასა და დემოკრატიული ღირებულებების მხარდაჭერას“, – ნათქვამია ეროვნული ბანკის განცხადებაში.

რაც შეეხება მეორე თემას, ეკოლოგიური პრობლემის მნიშვნელობის გათვალისწინებით, ეროვნული ბანკმა გადაწყვიტა, შეუერთდეს ამ გლობალურ ინიციატივას და 2021 წელს დედამიწის დღის აღსანიშნავად საკოლექციო დანიშნულების 5 ლარის ნომინალის ვერცხლის მონეტა გამოუშვას, რაც მიზნად ისახავს ამ აქტივობების ხელშეწყობასა და საქართველოს პოპულარიზაციას საერთაშორისო მასშტაბით.

ეროვნულმა ბანკმა ქვეყნის ევროპის საბჭოში გაწევრიანების იუბილე ვერცხლის მონეტით აღნიშნა>>

ახალი კონკურსის პირობები საკოლექციო მონეტების დიზაინის შექმნის თაობაზე ეროვნული ბანკის ოფიციალურ ვებ–გვერდზეა განთავსებული.

30
თემები:
საქართველოს ეკონომიკა
პოლიცია შემთხვევის ადგილზე

თბილისში ავტოავარიას სამი ადამიანი ემსხვერპლა

91
(განახლებულია 22:00 06.08.2020)
მსუბუქი ავტომობილი გურამიშვილის გამზირზე მოძრაობდა, როდესაც ხეს შეეჯახა. შედეგად სამი ადამიანი დაიღუპა

თბილისი, 6 აგვისტო — Sputnik. თბილისში, გურამიშვილის გამზირზე მსუბუქი ავტომობილი ხეს შეეჯახა, რის შედეგადაც სამი ადამიანი დაიღუპა, იუწყება „რუსთავი2".

დაშავდა ორი ადამიანი. ისინი საუნივერსიტეტო კლინიკაში გადაიყვანეს.

მომხდარ ფაქტზე გამოძიება დაიწყო ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით, რამაც ორი ან მეტი ადამიანის სიცოცხლის მოსპობა გამოიწვია.

91
თემები:
შემთხვევები საქართველოში