ხაშურში დაჭრილი მოზარდების საქმეზე ერთი პირი დააკავეს

© Sputnik / STRINGERСотрудники полиции, следователи и криминалисты, на месте ЧП, архивное фото
Сотрудники полиции, следователи и криминалисты, на месте ЧП, архивное фото - Sputnik საქართველო
გამოწერა
ერთ-ერთი დაჭრილი მოზარდი ამ დრომდე საავადმყოფოში რჩება

თბილისი, 16 იანვარი — Sputnik. ხაშურში 14 იანვარს, ერთ-ერთ რესტორანში მომხდარი ინციდენტის მონაწილე, რომელმაც ორი მოსწავლე დაჭრა, დაკავებულია. ამის შესახებ შინაგან საქმეთა მინისტრის მოადგილემ, ნათია მეზვრიშვილმა ბრიფინგზე განაცხადა.

ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, განზრახ მკვლელობის მცდელობის ბრალდებით, 1992 წელს დაბადებული გ.ც. ხაშურში დააკავეს. მის მიერ ჩადენილი ქმედება 7-დან 15 წლამდე ვადით თავისუფლების აღკვეთას ითვალისწინებს", — განაცხადა მეზვრიშვილმა.

საპატრულო პოლიცია - Sputnik საქართველო
ხაშურში მეთორმეტე კლასის ორი მოსწავლე დაჭრეს

მისივე განცხადებით, გამოძიებით დადგინდა, რომ ბრალდებულმა, მიმდინარე წლის 14 იანვარს, ხაშურში, ერთ-ერთი რესტორნის მიმდებარე ტერიტორიაზე, ურთიერთშელაპარაკების ნიადაგზე ცივი იარაღით სხეულის მრავლობითი დაზიანება მიაყენა 2 არასრულწლოვანს და შემთხვევის ადგილიდან მიიმალა.

დაშავებულებიდან ერთი არასრულწლოვნის ჯანმრთელობის მდგომარეობა ამ დროისთვის სტაბილურია, ის ხაშურის საავადმყოფოდან დღეს გაწერეს, რაც შეეხება მეორე არასრულწლოვანს, მას უკვე გაუკეთეს ოპერაცია. ექიმების ინფორმაციით, პაციენტი გადაყვანილია პალატაში და ამჟამად იგი მედიკოსების ინტენსიური მეთვალყურეობის ქვეშ იმყოფება.

ყველა ახალი ამბავი
0