მაღალმთიანი აჭარა

აჭარაში 2017 წელი შეაჯამეს

21
(განახლებულია 15:37 20.12.2017)
აჭარის მთავრობის წევრებმა გაწეული მუშაობის შესახებ ანგარიში წარმოადგინეს

თბილისი, 20 დეკემბერი — Sputnik. მიუხედავად არსებული გამოწვევებისა, 2017 წელს დაგეგმილი ყველა მნიშვნელოვანი პროექტი აჭარაში განხორციელდა ან ამჟამად ხორციელდება, განაცხადა აჭარის მთავრობის თავმჯდომარე ზურაბ პატარაძემ.

პატარაძემ აღნიშნა, რომ გაიზარდა სამთო-სათხილამურო კურორტ გოდერძის ინვესტიციები 80 მილიონიდან 96 მილიონ ლარამდე, ასევე, 5 წლიანი პაუზის შემდეგ ამოქმედდა კურორტი გომარდული, დაიწყო ბათუმის სტადიონის მეგა-პროექტისა და ესტაკადის მშენებლობა, მიმდინარეობს ისტორიული პროექტის — მაღალმთიანი აჭარის გაზიფიცირების სამუშაოები, ხორციელდება 350-ზე მეტი საგზაო ინფრასტრუქტურული პროექტი.

სხდომაზე ყურადღება გაამახვილეს რეგიონში უსაფრთხოების ზომების გაძლიერებაზე. აჭარის განათლების, კულტურისა და სპორტის მინისტრ ინგა შამილიშვილის განცხადებით, ყველა მუნიციპალიტეტის სასწავლო და კულტურულ დაწესებულებებში საგანგებო სიტუაციების მართვის სააგენტოსთან ერთად ეტაპობრივი იმიტირებული განგაში ტარდება.

ინფორმაცია ციტრუსის სეზონის თაობაზე წარმოადგინა აჭარის სოფლის მეურნეობის მინისტრმა ავთანდილ მესხიძემ. მისი თქმით, წელს ციტრუსის სეზონის წარმატება ბაზრების დივერსიფიკაციამ და ადგილობრივი პროდუქციაზე მოთხოვნის ზრდამ განაპირობა.

ციტრუსის სეზონი დასასრულს უახლოვდება, ამ ეტაპზე ექსპორტირებულია 16,3 ათასი ტონა სტანდარტული მანდარინი, მიღებული და გადამუშავებულია 4,7 ათასი ტონა არასტანდარტული მანდარინი.

სხდომას ესწრებოდა ბათუმი მერი ლაშა კომახიძეც. მან აჭარის მთავრობის წევრებს ახვლედიანის ქუჩაზე აფეთქების შედეგად დაზიანებული სახლისა და დაზარალებულების დახმარების შესახებ მიაწოდა ინფორმაცია.

მისი თქმით, ექსპერტიზისა და დეველოპერებთან მოლაპარაკებების დასრულების შემდეგ მიიღებენ საბოლოო გადაწყვეტილებას იმასთან დაკავშირებით, თუ რა ტიპის შენობა აშენდება და საჭირო გახდება თუ არა თანადაფინანსება. პატარაძემ კიდევ ერთხელ გამოთქვა მთავრობის მხრიდან დახმარების მზადყოფნა.

უფრო ადრე აჭარის მთავრობამ სამსართულიანი სახლის დემონტაჟის გადაწყვეტილება მიიღო, რომელიც, წინასწარი მონაცემებით, ბუნებრივი აირის გაჟონვის გამო აფეთქდა. შედეგად დაშავდა ხუთი ადამიანი, მათ შორის ორი — არასრულწლოვანი. ცხრა ოჯახი დროებითი საცხოვრებელი ფართით უზრუნველყვეს.

ბოლო დროს საქართველოში დინამიკურად ვითარდება ტურიზმის სფერო. ძირითადი ნაკადი ზღვისპირეთზე მოდის. ტურისტებისა და დამსვენებლებისთვის ერთ-ერთი ყველაზე პოპულარული ადგილია ბათუმი.

აჭარას იანვარ-სექტემბრის პერიოდში 1,2 მილიონი უცხოელი ეწვია, რაც გასული წლის ანალოგიური პერიოდის მაჩვენებელზე 5,4%-ით მეტია.

 

21
თეგი:
აჭარის მთავრობა
თემები:
საქართველოს რეგიონები -2018 (451)
დაცარიელებული მცხეთა

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/27 მაისი

78334
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 27 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • დაკეტილია რესტორნები, სასტუმროები, ფეხსაცმლისა და ტანსაცმლის მაღაზიები, სავაჭრო მოლები, სპორტდარბაზები;
  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 732 ადამიანს შეადგენს, აქედან 537 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 300 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78334
თემები:
COVID-19 საქართველოში
უფასო WiFI-ს ნიშანი

ქართულ სოფლებში მაღალსიჩქარიანი ინტერნეტის გაყვანა დაიწყება

27
(განახლებულია 00:25 27.05.2020)
პირველი, საპილოტე ეტაპი უახლოეს დღეებში დაიწყება, დანარჩენი ეტაპები, სავარაუდოდ, უახლოეს თვეებში ამოქმედდება, განაცხადა მინისტრმა

თბილისი, 26 მაისი – Sputnik. უახლოეს მომავალში საყოველთაო ინტერნეტიზაციის სახელმწიფო პროგრამა „ოუფენ ნეტის“ (OpenNet) საპილოტე ნაწილი დაიწყება, განუცხადა ჟურნალისტებს საქართველოს ეკონომიკისა და მდგრადი განვითარების მინისტრმა ნათია თურნავამ.

აღნიშნული პროექტის მთავარ ამოცანას წარმოადგენს სოფლების და დაბების ინტერნეტით უზრუნველყოფა, რადგან დიდი ქალაქებისთვის მაღალსიჩქარიანი ინტერნეტი მეტნაკლებად ხელმისაწვდომია. საუბარია 800 დასახლებულ პუნქტზე.

მინისტრის თქმით, მსოფლიო ბანკმა დაადასტურა მზადყოფნა, რომ დააფინანსებს აღნიშნულ პროექტს ქვეყნის მთავრობასთან ერთად.

თურნავას თქმით, აღნიშნული პროექტის შემდგომი დაჩქარების გეგმა მსოფლიო ბანკთან ერთად კორონავირუსის პანდემიის დაწყებამდე მომზადდა.

„პროექტი დაყოფილია ორ ეტაპად. პირველი, საპილოტე ეტაპი დაიწყება უახლოეს დღეებში და შემდგომი დანარჩენი ეტაპი უკვე მსოფლიო ბანკთან შეთანხმების კვალობაზე, სავარაუდოდ უახლოეს თვეებში“, - განაცხადა თურნავამ.

თურნავას თქმით, კორონავირუსის პანდემიის ეპოქაში უფრო მეტი აქტუალობა შეიძინა პირადმა თუ სამსახურთან ან განათლებასთან დაკავშირებულმა ონლაინ ურთიერთობებმა. სწორედ ამიტომ გადაწყდა პროექტის განხორციელების პროცესის დაჩქარება.

„საპილოტე ნაწილი დაიწყება, უკვე დასრულდა ტენდერი და გვყავს გამარჯვებული კომპანია, მშენებლობა დაიწყება და მერე, შემდგომი პროექტიც მიყვება, ძალიან მალე დასრულდება“, - განაცხადა მინისტრმა.

მინისტრის თქმით, მნიშვნელოვანია დამონტაჟდეს ოპტიკურ-ბოჭკოვანი ინფრასტრუქტურა, ოპტიკურ-ბოჭკოვანი კაბელი და შესაბამისი აპარატურა იმისთვის, რომ მოხდეს იმ სოფლების ინტერნეტიზაცია, რომლებიც დღესდღეობით ვერ სარგებლობს ინტერნეტით ან სადაც დაბალი ხარისხის ინტერნეტია.

ხევსურეთი online! – სოფელ როშკაში ინტერნეტი ჩაირთო >>

კომუნიკაციების ეროვნული კომისიის მონაცემებით, საქართველოში ინტერნეტის ქსელში სულ 901,8 ათასი აბონენტია რეგისტრირებული, მათ შორის არის როგორც ფიზიკური, ისე იურიდიული პირები. აბონენტების უმრავლესობა დაფიქსირებულია თბილისში, ბათუმსა და რუსთავში, ამასთან, მთიან რეგიონებში არის სოფლები, რომლებშიც დღემდე არ არის ინტერნეტი. ყველაზე მძიმე სიტუაცია მთიან აჭარაში - შუახევში, ქედასა და ხულოში, ასევე თიანეთის და სვანეთის მუნიციპალიტეტებში.

27
თემები:
თანამედროვე ტექნოლოგიები