ვლადიმირ პოზნერი საქართველოში საკუთარი დაბადების დღის აღსანიშნავად ჩამოვიდა – 1 აპრილს მას 87 წელი უსრულდება. მას თან ახლდა ორმოცდაათამდე მეგობარი და კოლეგა, რომელთა შორის რუსეთში ცნობილი პერსონებიც იყვნენ.

თუმცა რესტორან „ვინოტელის“ წინ, სადაც პოზნერი ვახშმობდა, სამოქალაქო აქტივისტები შეიკრიბნენ და ხმაურიანი ფორმით გააპროტესტეს ჟურნალისტის სტუმრობა მის მიერ მანამდე გაკეთებული განცხადებების გამო აფხაზეთთან დაკავშირებით. 

შედეგად ვახშამი ჩაიშალა. აქციის მონაწილეებმა შრომის ინსპექციას მიმართეს საჩივრით, რომ ოტელი-რესტორანი, ასევე პოზნერი და მისი მეგობრები კომენდანტის საათს არღვევდნენ.

პოლიციამ დამცავი კორდონი მოაწყო ვლადიმირ პოზნერისა და მისი თანმხლები პირების სასტუმრო „რუმსში“ უსაფრთხოდ გადასაყვანად. ამ დროისათვის მათ უკვე დატოვეს საქართველო. 

თბილისი, 14 აპრილი - Sputnik. ფოთის მუნიციპალიტეტში  გაზრდილი ინფიცირების შემთხვევის გამო, საჯარო და კერძო სკოლები სწავლების დისტანციურ რეჟიმზე გადავიდნენ, იუწყება პირველი არხი.

ფოთის რესურს–ცენტრის უფროსის გოჩა ქორქიას განცხადებით, ფოთის მასშტაბით 11 საჯარო და ოთხი კერძო სკოლა ონლაინ–ფორმატში ორი კვირის ვადით გააგრძელებს ფუნქციონირებას. 

© Sputnik / STRINGER

განათლების სამინისტრო სკოლების კონტროლს აძლიერებს

„აღნიშნული გადაწყვეტილება კორონავირუსის გავრცელების თავიდან აცილების მიზნით განხორციელდა. სასწავლო დაწესებულებებში კვლავაც გაგრძელდება პედაგოგთა ტესტირებები და სკოლის ადმინისტრაციები მოსწავლეთა ჯანმრთელობის მდგომარეობის მონიტორინგს განახორციელებენ“, – განაცხადა რესურს ცენტრის ხელმძღვანელმა, გოჩა ქორქიამ.

ქვეყნის მასშტაბით ინფიცირების მატების გამო საქართველოს განათლებისა და მეცნიერების სამინისტრო საზოგადოებას კიდევ ერთხელ მიმართავს თხოვნით, ზედმიწევნით დაიცვან ჯანდაცვის სამინისტროს მიერ შემუშავებული რეკომენდაციები, რათა მოსწავლეებმა სემესტრის დასრულება ბუნებრივ გარემოში, სასკოლო სივრცეში შეძლონ.

განათლების სამინისტროს ინფორმაციით, საქართველოში ამ ეტაპზე სრულ დისტანციურ სწავლებაზე 43 სკოლა და 174 ცალკეული კლასი იმყოფება.