სრული ლოკდაუნი და ცარიელი ქუჩები: რა ხდება ევროპის ქალაქებში – ფოტო

მსოფლიოში კორონავირუსით ინფიცირებულ ადამიანთა რაოდენობამ უკვე გადააჭარბა 56 მილიონს. ამ რაოდენობიდან მეოთხედი ევროპის ქვეყნებზე მოდის. აქ ბოლო დროს ეპიდემიის მეორე ტალღა დაიწყო.

საფრანგეთში, დიდ ბრიტანეთში, იტალიასა და გერმანიაში ყოველდღიურად ათობით ათასი ადამიანი ავადდება.

როგორ ებრძვიან მთავრობები ეპიდემიის ახალ ტალღას? საბერძნეთში დაწესდა SMS-ნებართვები, საფრანგეთში – საკომენდანტო საათი, პოლონეთსა და სხვა ქვეყნებში მოქმედებს სავაჭრო ცენტრებისა და კულტურულ-გასართობი დაწესებულებების მუშაობის შეზღუდვა, ლოკალური შეზღუდვები და საკარანტინო ზომები მოქმედებს იტალიის ქალაქებსა და ევროპის სხვა ქვეყნებში. სრული „ლოკდაუნი“ გამოცხადდა დიდ ბრიტანეთში, ავსტრიაში, ჩეხეთში, ესპანეთსა და ბელგიაში.