ნგრევა, არეულობა და მასობრივი პროტესტი: რა ხდება აშშ-ში ფოტო

166
(განახლებულია 19:41 02.06.2020)
  • აშშ-ის ზოგიერთ ქალაქში პოლიციელებმა მხარი დაუჭირეს აქციის მონაწილეებს, გვერდით გადადეს ხელკეტები და დამცავი ჩაფხუტები და მუხლი მოიდრიკეს მოძრაობის „შავკანიანების სიცოცხლე მნიშვნელოვანია“ მხარდასაჭერად
აშშ-ში აფროამერიკელის გარდაცვალების გამო საპროტესტო გამოსვლები არეულობებსა და დარბევებში გადაიზარდა. იხილეთ „Sputnik–საქართველოს“ ფოტომასალაში მომიტინგეებსა და პოლიციას შორის დაპირისპირების სურათები.

მინეაპოლისში პოლიციის თანამშრომლების მიერ აფროამერიკელი ჯორჯ ფლოიდის დაკავებისას მისი სიკვდილის გამო საპროტესტო აქციებმა მთელი ამერიკა მოიცვა. უკვე მეშვიდე დღეა მომიტინგეები მთელ ქვეყანაში წვავენ მანქანებსა და შენობებს, ძარცვავენ მაღაზიებს. დემონსტრაციები გაიმართა ქვეყნის ბევრ შტატში, ხოლო მომიტინგეებმა სამართლიანობის მოთხოვნით ფედერალური მაგისტრალები გადაკეტეს.

ჯორჯ ფლოიდის მკვლელობის წინააღმდეგ საპროტესტო მიტინგი მშვიდობიანად დაიწყო, მაგრამ სწრაფად გადაიზარდა შეტაკებებში. მომიტინგეებმა პოლიციას ქვები დაუშინეს. ამის საპასუხოდ სამართალდამცველებმა ცრემლსადენი გაზი გამოიყენეს. ღამით ქალაქში ხანძარი ჩნდებოდა სხვადასხვა ადგილზე – აქციის მონაწილეები ცეცხლს უკიდებდნენ მაღაზიებს, მანქანებსა და სახლებს. შტატის გუბერნატორმა ვითარებას უაღრესად საშიში უწოდა და მოსახლეობას შეტაკებების ადგილების დატოვებისკენ მოუწოდა.

შეერთებულ შტატებში საპროტესტო გამოსვლები 25 მაისს მინესოტაში დაიწყო აფროამერიკელი ჯორჯ ფლოიდის გარდაცვალების შემდეგ. დაკავებისას ერთ-ერთმა პოლიციელმა ის წააქცია და კისერზე მუხლი დააბჯინა, რაც თითქმის ცხრა წუთის განმავლობაში გრძელდებოდა. მამაკაცმა ბევრჯერ გაიმეორა, რომ სუნთქვა არ შეეძლო, შემდეგ კი გონება დაკარგა. ამის შემდეგ ფლოიდი საავადმყოფოში გადაიყვანეს, მაგრამ ის რეანიმაციაში გარდაიცვალა. თვითმხილველებმა მოვლენის კადრები გადაიღეს და ინტერნეტში გაავრცელეს, რაც სწრაფად გახდა ვირუსული და საზოგადოებაში აღშფოთების ტალღა გამოიწვია.

ორშაბათს, 1 ივნისს გამოქვეყნდა ოფიციალური სასამართლო-სამედიცინო ექსპერტიზის დასკვნა ფლოიდის გარდაცვალებასთან დაკავშირებით. დასკვნის თანახმად, გარდაცვალების მიზეზი ყელზე დაჭერის შედეგად ფილტვებისა და გულის ფუნქციების შეჩერება იყო. გარდაცვალების ფაქტს მკვლელობის კვალიფიკაცია მიენიჭა.

166
  • © photo: Sputnik / Mikhail Turgiev

    აშშ-ში პოლიციელის მიერ დაკავების შედეგად გარდაცვლილი აფროამერიკელი ჯორჯ ფლოიდის გამო გამართული საპროტესტო აქცია მასობრივ არეულობაში გადაიზარდა

  • © AP Photo / Wilfredo Lee

    აშშ-ის 75 ქალაქში გრძელდება დემონსტრაციები

  • © REUTERS / Yuri Gripas

    პარასკევს ასობით ადამიანმა მოიყარა თავი თეთრ სახლთან, რომელიც გარკვეული დროით ბლოკირებული იყო

  • © photo: Sputnik / Stringer

    მომიტინგეები ფლოიდის გარდაცვალების გარემოებების გამოძიებას მოითხოვდნენ

  • © photo: Sputnik / Mikhail Turgiev

    ატლანტაში ზოგიერთ შენობა მაროდიორებმა დააზიანეს

  • © AP Photo / Mark J. Terrill

    ასევე დაწვეს პოლიციის მანქანა

  • © REUTERS / Sam Wolfe

    პროტესტის შედეგად უკვე დაიღუპა 20-ზე მეტი ადამიანი, ათასზე მეტმა მიიღო სხვადასხვა სახის დაზიანება

  • © photo: Sputnik / Stringer

    პოლიციამ, ეროვნულმა გვარდიამ და საიდუმლო სამსახურმა დემონსტრანტების ტალღის დასაშლელად ცრემლსადენი გაზი გამოიყენა

  • აშშ-ის ზოგიერთ ქალაქში პოლიციელებმა მხარი დაუჭირეს აქციის მონაწილეებს, გვერდით გადადეს ხელკეტები და დამცავი ჩაფხუტები და მუხლი მოიდრიკეს მოძრაობის „შავკანიანების სიცოცხლე მნიშვნელოვანია“ მხარდასაჭერად
    © AP Photo / Josie Lepe

    აშშ-ის ზოგიერთ ქალაქში პოლიციელებმა მხარი დაუჭირეს აქციის მონაწილეებს, გვერდით გადადეს ხელკეტები და დამცავი ჩაფხუტები და მუხლი მოიდრიკეს მოძრაობის „შავკანიანების სიცოცხლე მნიშვნელოვანია“ მხარდასაჭერად

  • © AFP / Andrew Caballero-Reynolds

    ვაშინგტონში დემონსტრანტებმა დაწვეს რამდენიმე სანაგვე ურნა, ჩაამსხვრიეს მაღაზიების ვიტრინები და პოლიციას პეტარდები დაუშინეს

  • © AP Photo / Matt Rourke

    ცრემლსადენი გაზის დანახვისას დემონსტრანტები ცოტა ხნით დაიშალნენ

  • © photo: Sputnik / Mikhail Turgiyev

    მცირე და მსხვილი ბიზნესის საწარმოებს კვლავ ანგრევენ და უკიდებენ ცეცხლს, მიუხედავად იმისა, რომ მათი მეპატრონეები რასიზმის წინააღმდეგ საპროტესტო მოძრაობას სახალხოდ უჭერენ მხარს

  • © REUTERS / Jonathan Drake

    პროტესტის ნიშნად მომიტინგეებმა დახიეს ამერიკის დროშა

  • © REUTERS / Jonathan Ernst

    ამერიკული მედიის მონაცემებით, დაკავებულია ოთხ ათასზე მეტი მომიტინგე

  • © photo: Sputnik / Brian Smith

    აშშ-ის პრეზიდენტი დონალდ ტრამპის თქმით, მიმდინარე არეულობა შიდა ტერორიზმის შეტევაა

ამაზონში კვლავ ხანძარია ალმოდებული ტროპიკული ტყეები ფოტოებში

159
(განახლებულია 19:47 13.08.2020)
ამაზონის ტროპიკულ ტყეებში კვლავ ძლიერი ხანძარია. იხილეთ „Sputnik-საქართველოს“ ფოტომასალაში ცეცხლოვანი სტიქიის შედეგების შემაძრწუნებელი სურათები.

ამაზონის ტყეებში ხანძრის კერები დღეს უფრო მეტია, ვიდრე 2019 წლის ამავე პერიოდში, როდესაც ხანძარმა 1,86 მილიონ ჰექტარ ტყეზე მეტი გაანადგურა. ბრაზილიის კოსმოსური კვლევების ეროვნული ინსტიტუტის (INPE) მონაცემები იმაზე მეტყველებს, რომ ეს ბოლო 13 წლის განმავლობაში მაქსიმალური მაჩვენებელია.

ამაზონის ტყეებს „პლანეტის ფილტვებს“ უწოდებენ. მისი მოცულობა სამჯერ აღემატება ციმბირის ტაიგას. დაახლოებით 20% ჰაერისა, რომელსაც ჩვენ ვსუნთქავთ, სწორედ ამ ტყეების გამომუშავებულია. გარდა ამისა, ამაზონის ტყეები პლანეტაზე გამომუშავებული ნახშირორჟანგის 25%-ს შთანთქავს.

 

159
  • © REUTERS / Ueslei Marcelino

    ხანძრების რაოდენობა ბრაზილიის ამაზონის ტყეებში 20%-ით გაიზარდა - ეს ბოლო 13 წლის განმავლობაში უმაღლესი მაჩვენებელია

  • © AP Photo / Edmar Barros

    ამაზონის ტყეების 60% ბრაზილიაში მდებარეობს, 13% - პერუში, 10% - კოლუმბიაში, დანარჩენი 17% გადანაწილებულია სამხრეთ ამერიკის სხვადასხვა ქვეყნებში

  • © REUTERS / Ueslei Marcelino

    მიიჩნევა, ეს ტყეები ჩვენს ატმოსფეროში გამოყოფილი ნახშირორჟანგის 25%-ს შთანთქავენ

  • © AFP / Chico Batata

    მაგრამ ხანძრის ჩაქრობა ვერც მეხანძრეებმა შეძლეს და ვერც წვიმამ

  • © REUTERS / Ueslei Marcelino

    სპეციალისტები ამტკიცებენ, რომ ტყეებს მხოლოდ შემოდგომის წვიმა გადაარჩენს

  • © AP Photo / Edmar Barros

    მიუხედავად ამისა, ბრაზილიის პრეზიდენტმა ჟაირ ბოლსონარუმ ამაზონის ტყეებში ხანძრის გაჩენა უარყო

  • © REUTERS / Ueslei Marcelino

    თუმცა მთავრობის მონაცემები, რომლებშიც ათასობით ხანძრის კერაზეა საუბარი, საპირისპიროზე მეტყველებს

  • © AFP / Carl De Souza

    2019 წელს, როდესაც მსოფლიოს ეკოლოგიურმა საზოგადოებამ განგაში ატეხა მასშტაბური ტყის ხანძრების გამო, ბოლსონარუ ასევე უარყოფდა პრობლემის არსებობის

  • © REUTERS / Ueslei Marcelino

    ამან დაძაბულობა გამოიწვია მსოფლიოს რამდენიმე ქვეყანასთან, განსაკუთრებით საფრანგეთთან

  • © REUTERS / Ueslei Marcelino

    ექსპერტების მონაცემებით, ხანძრები ნამდვილად არ არის ბუნებრივი მოვლენა, მათი გაჩენა ადამიანების ბრალია, რომლებიც ანადგურებენ ტყეებს სოფლის მეურნეობისათვის ადგილის გასათავისუფლებლად

მინსკის არეულობები ფოტოებში

350
(განახლებულია 18:01 11.08.2020)
  • ბელარუსის საგამოძიებო კომიტეტის ინფორმაციით, მომიტინგეები იყენებდნენ სკამებს, ჯოხებს, ქვებს, შუშის ბოთლებსა და აალებად სითხეებს
მინსკში არჩევნების შედეგების საწინააღმდეგო საპროტესტო აქციები გრძელდება, მილიციამ მომიტინგეთა დასაშლელად სპეცტექნიკა და სპეცსაშუალებები გამოიყენა. იხილეთ Sputnik-ის ფოტოლენტაში დემონსტრაციის სურათები

გუშინ საღამოს ადამიანები მიზანმიმართულად გავიდნენ დედაქალაქის ქუჩებში, რათა უკმაყოფილება გამოეთქვათ არჩევნების შედეგების მიმართ. ძალოვნები ამ დროისათვის მზად იყვნენ და დაიწყეს სპეცტექნიკის გამოყენება.

ყველაზე მასობრივი აქციები სავაჭრო ცენტრი „რიგას“ მახლობლად იმართებოდა. ავტომობილისტებმა დემონსტრაციის ადგილისკენ მიმავალი გზა გადაუკეტეს სატრანსპორტო საშუალებებს, მომიტინგეებმა კი ბარიკადები აღმართეს. ისინი იყენებდნენ ლითონის ჯებირებს, ხის პალეტებს, სანაგვე ურნებსა და სასურსათო კალათებს.

დემონსტრანტები სკანდირებდნენ ანტისამთავრობო ლოზუნგებს, ტაშს უკრავდნენ და კვამლს აფრქვევდნენ. თავის მხრივ, სამართალდამცველებმა გამოიყენეს შუქბგერითი ყუმბარები, ცრემლსადენი გაზი და რეზინის ტყვიები, დააკავეს აქციის მონაწილეები.

საპროტესტო აქციის ადგილზე მობილიზებული იყო სასწრაფო დახმარების რეანომობილებიც.

350
  • © REUTERS / Vasily Fedosenko

    ბელარუსში ეგზიტპოლების გამოცხადების შემდეგ მრავალრიცხოვანი საპროტესტო აქციები დაიწყო

  • © AP Photo / Sergei Grits

    შეკრებილთა დასაშლელად გამოვიდნენ ძალოვნები

  • © photo: Sputnik / Viktor Tolochko

    მომიტინგეთა დასაშლელად იყენებდნენ შუქბგერით ყუმბარებს, წყლის ჭავლს, ცრემლსადენ გაზსა და რეზინის ტყვიებს

  • © AFP / Sergei Gapon

    ჯამში დაახლოებით სამი ათასი ადამიანია დაკავებული

  • © REUTERS / Vasily Fedosenko

    საპროტესტო აქციები ქვეყნის სხვადასხვა ქალაქებში გაიმართა, თუმცა განსაკუთრებით ბევრი მომიტინგე მინსკში შეიკრიბა

  • © AFP / Sergei Gapon

    არეულობებში ათობით ადამიანი დაშავდა

  • © REUTERS / Vasily Fedosenko

    უფლებადამცველმა ცენტრმა „ვესნამ“ სპეცტექნიკის შეტევის შედეგად ერთი ადამიანი გარდაცვალების შესახებ გაავრცელა ინფორმაცია

  • © photo: Sputnik / Viktor Tolochko

    რესპუბლიკის შინაგან საქმეთა სამინისტრომ ეს ინფორმაცია უარყო. „აუცილებელია აღინიშნოს, რომ კანონდამრღვევთა წინააღმდეგ საბრძოლო იარაღი არ გამოყენებულა. დაღუპულები არ არიან“, - განაცხადეს სამინისტროში

  • ბელარუსის საგამოძიებო კომიტეტის ინფორმაციით, მომიტინგეები იყენებდნენ სკამებს, ჯოხებს, ქვებს, შუშის ბოთლებსა და აალებად სითხეებს
    © photo: Sputnik / Viktor Tolochko

    ბელარუსის საგამოძიებო კომიტეტის ინფორმაციით, მომიტინგეები იყენებდნენ სკამებს, ჯოხებს, ქვებს, შუშის ბოთლებსა და აალებად სითხეებს

  • © AP Photo / Sergei Grits

    მომიტინგეების წინააღმდეგ აღძრულია სისხლის სამართლის საქმე მასობრივი არეულობის მოწყობისა და მილიციელებზე ძალადობის მუხლებით

  • © REUTERS / Vasily Fedosenko

    დაკავებულებს რვიდან 15 წლამდე თავისუფლების აღკვეთა ემუქრებათ

  • © REUTERS / Vasily Fedosenko

    საპროტესტო აქციები და არეულობები მინსკში საპრეზიდენტო არჩევნების შემდეგ

მაგიდა კაფეში

იმნაძე მოსახლეობას აფრთხილებს: რა ხდება ქობულეთში

0
(განახლებულია 17:18 15.08.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია

თბილისი, 15 აგვისტო - Sputnik. ყველა იმ მოქალაქემ, რომლებიც ქობულეთში, კაფე „ჰავანაში“ 9, 10 და 11 აგვისტოს იმყოფებოდნენ,  სიმპტომების გამოჩენისთანავე ცხელების ცენტრებს უნდა მიმართოს, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

დღეს საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია. დღეს გავრცელდა ინფორმაცია, რომ ერთ-ერთი ინფიცირებულია ქალი, რომელიც ქობულეთში, კაფე „ჰავანაში“ მუშაობს.

„ეს ქალბატონი თბილისიდან ქობულეთში სამუშაოდ არის ჩასული. ის ქობულეთში კაფე „ჰავანაში“ მუშაობდა. აქ მომუშავე პერსონალი, ყველა, ვინც კონტაქტში იყო ამ თანამშრომელთან, ყველა მოკვლეულია და იზოლაციაშია გადაყვანილი. მათ გამოიკვლევენ, მაგრამ მინდა, მაქსიმალურად გავაფრთხილო ისინი, ვინც 9, 10 და 11 აგვისტოს ამ კაფეში იმყოფებოდა, რომ ფრთხილად იყვნენ და თუ ოდნავ მაინც გამოუვლინდებათ სიმპტომები, აუცილებლად მიმართონ ცხელების ცენტრებს“, – განაცხადა  იმნაძემ.

რაც შეეხება დანარჩენ შემთხვევებს, იმნაძის თქმით, ცხრა ინფიცირებული იმყოფებოდა მესტიაში, ერთი - ყაზბეგში ინფიცირებულის ოჯახის წევრია, სამი - ადრე დადასტურებული შემთხვევის კონტაქტია, ხოლო ერთი - სომხეთიდან ჩამოსული მძღოლია.

ამ დროისათვის გამოჯანმრთელებულია 1088 ადამიანი, გარდაცვლილია – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში