დაახლოებით 800 ათასი მეომარი ქალი იბრძოდა წითელ არმიაში მამაკაცებთან ერთად დიდი სამამულო ომის დროს ფრონტის წინა ხაზზე. მათგან დაახლოებით 150 ათასი ორდენებითა და მედლებით დაჯილდოვდა, 90-ზე მეტს საბჭოთა კავშირის გმირის წოდება მიენიჭა.

დიდ სამამულო ომში ქალები იყვნენ სანინსტრუქტორები, სნაიპერები, მფრინავები, მარეგულირებლები, პარტიზანები, უზრუნველყოფდნენ კავშირგაბმულობას და მუშაობდნენ ქარხნებში - ისინი ჩეხავდნენ ტყეებს, თხრიდნენ ტანკსაწინააღმდეგო სანგრებს და ტრანშეებს ფრონტის ტერიტორიაზე.

თბილისი, 1 მარტი – Sputnik. რუსეთის, სომხეთის, აზერბაიჯანის, ბელარუსის, უკრაინისა და ყაზახეთის მოქალაქეებს 1 მარტიდან საქართველოში ჩამოსვლა ვაქცინაციის გარეშე შეუძლიათ.

საქართველოს მთავრობის გადაწყვეტილებით, ამ ქვეყნების მოქალაქეებმა საქართველოში ჩამოფრენისას თან უნდა იქონიონ PCR-ტესტი უარყოფითი პასუხით.

© photo: Sputnik / Mikhail Fomichev

საქართველომ საჰაერო სივრცე გახსნა: რეისების მიმართულება და განრიგი

საქართველოს ხელისუფლებამ საჰაერო საზღვრები უცხოელებისთვის 1 თებერვლიდან გახსნა. სახმელეთო და საზღვაო საზღვრები კვლავ დაკეტილია.

აქამდე კორონავირუსზე უარყოფითი შედეგის ამსახველი ცნობით საქართველოში შემოსვლა შეეძლოთ ევროკავშირის ქვეყნების მოქალაქეებსა და რეზიდენტებს, ისრაელის, შვეიცარიის, ნორვეგიის, აშშ–ის, დიდი ბრიტანეთის, კატარის, არაბთა გაერთიანებული საამიროების, ბაჰრეინისა და თურქეთის მოქალაქეებს.

საქართველოს საგარეო საქმეთა სამინისტროში აღნიშნავენ, რომ მოგზაურებმა უნდა გაითვალისწინონ შემდეგი:

• საქართველოში ამ ქვეყნებიდან უნდა ჩამოვიდნენ საჰაერო გზით, დასაშვებია ტრანზიტი მესამე ქვეყნების გავლით
• საზღვარზე უნდა წარმოადგინონ ბოლო 72 საათში ჩატარებული PCR-ტესტი
• საქართველოში ჩამოსვლიდან მესამე დღეს უცხოეთის მოქალაქეებმა საკუთარი ხარჯით უნდა ჩაიტარონ გამეორებითი PCR–ტესტი
• სახელმწიფო საზღვრის გადაკვეთის წინ საჭიროა სპეციალური ფორმის შევსება, სადაც მითითებული უნდა იყოს ბოლო 14 დღის მოგზაურობის ისტორია და საკუთარი საკონტაქტო მონაცემები (მისამართი, ტელეფონის ნომერი, ელექტრონული ფოსტა და ა.შ.)

იმ პირებმა, რომლებიც ბოლო 14 დღის განმავლობაში იმყოფებოდნენ დიდ ბრიტანეთში, აუცილებლად უნდა გაიარონ 12 დღიანი კარანტინი. ამ შემთხვევაში აღარ არის აუცილებელი PCR–ტესტის უარყოფითი პასუხის წარდგენა საზღვარზე, ასევე ტესტის გამეორებით ჩატარება მესამე დღეს.