კორონავირუსის გამო ტაილანდის ქალაქი ლოპბური მაიმუნებმა დაიპყრეს ფოტო

171
(განახლებულია 15:59 25.03.2020)
ტაილანდის ქალაქების ცარიელ ქუჩებში მშიერი მაიმუნები საკვებისთვის ჩხუბობენ. იხილეთ „Sputnik-საქართველოს“ ფოტომასალაში, როგორ ცდილობენ ცხოველები ტურისტების გარეშე საკვების მოპოვებას.

ტაილანდის ქალაქ ლოპბურის ქუჩებში მშიერი მაიმუნები საკვების გამო ერთმანეთს ებრძვიან. კორონავირუსის გავრცელების გამო ტურისტების ნაკადი შეწყდა, რომლებიც, ჩვეულებრივ, ცხოველებს საკვებს აძლევდნენ. ახლა მაიმუნები უბრალოდ შიმშილობენ.

ქალაქი ლოპბური ბანგკოკის ჩრდილო-აღმოსავლეთით, მისგან 150 კილომეტრში მდებარეობს. მას ხშირად უწოდებენ მაიმუნების ქალაქს, ვინაიდან არქიტექტურული ღირსშესანიშნაობების ირგვლივ ასობით მაკაკა იყრის თავს. ეპიდემიამდე ცხოველებს საერთოდ არ ეშინოდათ ადამიანების და საკვებს სწორედ მათგან, უმეტესწილად, ტურისტებისგან იღებდნენ.

171
  • © REUTERS / Soe Zeya Tun

    კორონავირუსის პანდემიის ფონზე ტაილანდის ქუჩები მშიერი მაიმუნებით გადაივსო

  • © REUTERS / Soe Zeya Tun

    ყველაზე მეტად არ გაუმართლა ქალაქი ლოპბურის მოსახლეობას. საქმე ისაა, რომ აქ უამრავი ველური მაიმუნი ბინადრობს, რომლებიც საკვების ტურისტებისგან მიღებას არიან მიჩვეული

  • © REUTERS / Soe Zeya Tun

    ცხოველები საკვების უკმარისობის გამო ერთმანეთს ებრძვიან

  • © REUTERS / Soe Zeya Tun

    მაიმუნების ბანდები, რომლებიც ადამიანებზე ყურადღებას არ ამახვილებენ, ხმაურობენ და აგრესიულად იქცევიან

  • © REUTERS / Soe Zeya Tun

    ლოპბური უძველესი ქალაქია, სადაც ათასობით ველური მაიმუნი ბინადრობს

  • © REUTERS / Soe Zeya Tun

    ისინი ადგილობრივი მოსახლეობის ყოველდღიური ცხოვრების განუყოფელი ნაწილი არიან

  • © REUTERS / Soe Zeya Tun

    ცხოველები ძველი ბუდისტური ტაძრის ტერიტორიაზე და დასახლებულ პუნქტში ბინადრობენ

  • © REUTERS / Soe Zeya Tun

    მაიმუნები Prang Sam Yod ტაძართან ლოპბურიში

  • © REUTERS / Soe Zeya Tun

    ტაილანდში მაიმუნები წმინდა ცხოველებად მიიჩნევიან

  • © REUTERS / Soe Zeya Tun

    აქ ისინი თავს უსაფრთხოდ და თავისუფლად გრძნობენ

  • © REUTERS / Soe Zeya Tun

    და დაბრკოლების გარეშე შედიან სახლებსა და სასტუმროებში

  • © REUTERS / Soe Zeya Tun

    თუმცა დღეისათვის ტაილანდის მოსახლეობაც კი შოკშია მაიმუნების აგრესიული ქცევის გამო, მოსახლეობა გარეთ გასვლას ერიდება

ამაზონში კვლავ ხანძარია ალმოდებული ტროპიკული ტყეები ფოტოებში

143
(განახლებულია 19:47 13.08.2020)
ამაზონის ტროპიკულ ტყეებში კვლავ ძლიერი ხანძარია. იხილეთ „Sputnik-საქართველოს“ ფოტომასალაში ცეცხლოვანი სტიქიის შედეგების შემაძრწუნებელი სურათები.

ამაზონის ტყეებში ხანძრის კერები დღეს უფრო მეტია, ვიდრე 2019 წლის ამავე პერიოდში, როდესაც ხანძარმა 1,86 მილიონ ჰექტარ ტყეზე მეტი გაანადგურა. ბრაზილიის კოსმოსური კვლევების ეროვნული ინსტიტუტის (INPE) მონაცემები იმაზე მეტყველებს, რომ ეს ბოლო 13 წლის განმავლობაში მაქსიმალური მაჩვენებელია.

ამაზონის ტყეებს „პლანეტის ფილტვებს“ უწოდებენ. მისი მოცულობა სამჯერ აღემატება ციმბირის ტაიგას. დაახლოებით 20% ჰაერისა, რომელსაც ჩვენ ვსუნთქავთ, სწორედ ამ ტყეების გამომუშავებულია. გარდა ამისა, ამაზონის ტყეები პლანეტაზე გამომუშავებული ნახშირორჟანგის 25%-ს შთანთქავს.

 

143
  • © REUTERS / Ueslei Marcelino

    ხანძრების რაოდენობა ბრაზილიის ამაზონის ტყეებში 20%-ით გაიზარდა - ეს ბოლო 13 წლის განმავლობაში უმაღლესი მაჩვენებელია

  • © AP Photo / Edmar Barros

    ამაზონის ტყეების 60% ბრაზილიაში მდებარეობს, 13% - პერუში, 10% - კოლუმბიაში, დანარჩენი 17% გადანაწილებულია სამხრეთ ამერიკის სხვადასხვა ქვეყნებში

  • © REUTERS / Ueslei Marcelino

    მიიჩნევა, ეს ტყეები ჩვენს ატმოსფეროში გამოყოფილი ნახშირორჟანგის 25%-ს შთანთქავენ

  • © AFP / Chico Batata

    მაგრამ ხანძრის ჩაქრობა ვერც მეხანძრეებმა შეძლეს და ვერც წვიმამ

  • © REUTERS / Ueslei Marcelino

    სპეციალისტები ამტკიცებენ, რომ ტყეებს მხოლოდ შემოდგომის წვიმა გადაარჩენს

  • © AP Photo / Edmar Barros

    მიუხედავად ამისა, ბრაზილიის პრეზიდენტმა ჟაირ ბოლსონარუმ ამაზონის ტყეებში ხანძრის გაჩენა უარყო

  • © REUTERS / Ueslei Marcelino

    თუმცა მთავრობის მონაცემები, რომლებშიც ათასობით ხანძრის კერაზეა საუბარი, საპირისპიროზე მეტყველებს

  • © AFP / Carl De Souza

    2019 წელს, როდესაც მსოფლიოს ეკოლოგიურმა საზოგადოებამ განგაში ატეხა მასშტაბური ტყის ხანძრების გამო, ბოლსონარუ ასევე უარყოფდა პრობლემის არსებობის

  • © REUTERS / Ueslei Marcelino

    ამან დაძაბულობა გამოიწვია მსოფლიოს რამდენიმე ქვეყანასთან, განსაკუთრებით საფრანგეთთან

  • © REUTERS / Ueslei Marcelino

    ექსპერტების მონაცემებით, ხანძრები ნამდვილად არ არის ბუნებრივი მოვლენა, მათი გაჩენა ადამიანების ბრალია, რომლებიც ანადგურებენ ტყეებს სოფლის მეურნეობისათვის ადგილის გასათავისუფლებლად

მინსკის არეულობები ფოტოებში

345
(განახლებულია 18:01 11.08.2020)
  • ბელარუსის საგამოძიებო კომიტეტის ინფორმაციით, მომიტინგეები იყენებდნენ სკამებს, ჯოხებს, ქვებს, შუშის ბოთლებსა და აალებად სითხეებს
მინსკში არჩევნების შედეგების საწინააღმდეგო საპროტესტო აქციები გრძელდება, მილიციამ მომიტინგეთა დასაშლელად სპეცტექნიკა და სპეცსაშუალებები გამოიყენა. იხილეთ Sputnik-ის ფოტოლენტაში დემონსტრაციის სურათები

გუშინ საღამოს ადამიანები მიზანმიმართულად გავიდნენ დედაქალაქის ქუჩებში, რათა უკმაყოფილება გამოეთქვათ არჩევნების შედეგების მიმართ. ძალოვნები ამ დროისათვის მზად იყვნენ და დაიწყეს სპეცტექნიკის გამოყენება.

ყველაზე მასობრივი აქციები სავაჭრო ცენტრი „რიგას“ მახლობლად იმართებოდა. ავტომობილისტებმა დემონსტრაციის ადგილისკენ მიმავალი გზა გადაუკეტეს სატრანსპორტო საშუალებებს, მომიტინგეებმა კი ბარიკადები აღმართეს. ისინი იყენებდნენ ლითონის ჯებირებს, ხის პალეტებს, სანაგვე ურნებსა და სასურსათო კალათებს.

დემონსტრანტები სკანდირებდნენ ანტისამთავრობო ლოზუნგებს, ტაშს უკრავდნენ და კვამლს აფრქვევდნენ. თავის მხრივ, სამართალდამცველებმა გამოიყენეს შუქბგერითი ყუმბარები, ცრემლსადენი გაზი და რეზინის ტყვიები, დააკავეს აქციის მონაწილეები.

საპროტესტო აქციის ადგილზე მობილიზებული იყო სასწრაფო დახმარების რეანომობილებიც.

345
  • © REUTERS / Vasily Fedosenko

    ბელარუსში ეგზიტპოლების გამოცხადების შემდეგ მრავალრიცხოვანი საპროტესტო აქციები დაიწყო

  • © AP Photo / Sergei Grits

    შეკრებილთა დასაშლელად გამოვიდნენ ძალოვნები

  • © photo: Sputnik / Viktor Tolochko

    მომიტინგეთა დასაშლელად იყენებდნენ შუქბგერით ყუმბარებს, წყლის ჭავლს, ცრემლსადენ გაზსა და რეზინის ტყვიებს

  • © AFP / Sergei Gapon

    ჯამში დაახლოებით სამი ათასი ადამიანია დაკავებული

  • © REUTERS / Vasily Fedosenko

    საპროტესტო აქციები ქვეყნის სხვადასხვა ქალაქებში გაიმართა, თუმცა განსაკუთრებით ბევრი მომიტინგე მინსკში შეიკრიბა

  • © AFP / Sergei Gapon

    არეულობებში ათობით ადამიანი დაშავდა

  • © REUTERS / Vasily Fedosenko

    უფლებადამცველმა ცენტრმა „ვესნამ“ სპეცტექნიკის შეტევის შედეგად ერთი ადამიანი გარდაცვალების შესახებ გაავრცელა ინფორმაცია

  • © photo: Sputnik / Viktor Tolochko

    რესპუბლიკის შინაგან საქმეთა სამინისტრომ ეს ინფორმაცია უარყო. „აუცილებელია აღინიშნოს, რომ კანონდამრღვევთა წინააღმდეგ საბრძოლო იარაღი არ გამოყენებულა. დაღუპულები არ არიან“, - განაცხადეს სამინისტროში

  • ბელარუსის საგამოძიებო კომიტეტის ინფორმაციით, მომიტინგეები იყენებდნენ სკამებს, ჯოხებს, ქვებს, შუშის ბოთლებსა და აალებად სითხეებს
    © photo: Sputnik / Viktor Tolochko

    ბელარუსის საგამოძიებო კომიტეტის ინფორმაციით, მომიტინგეები იყენებდნენ სკამებს, ჯოხებს, ქვებს, შუშის ბოთლებსა და აალებად სითხეებს

  • © AP Photo / Sergei Grits

    მომიტინგეების წინააღმდეგ აღძრულია სისხლის სამართლის საქმე მასობრივი არეულობის მოწყობისა და მილიციელებზე ძალადობის მუხლებით

  • © REUTERS / Vasily Fedosenko

    დაკავებულებს რვიდან 15 წლამდე თავისუფლების აღკვეთა ემუქრებათ

  • © REUTERS / Vasily Fedosenko

    საპროტესტო აქციები და არეულობები მინსკში საპრეზიდენტო არჩევნების შემდეგ

ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0