კორონავირუსის აპოკალიფსი: ჩინეთში “ქალაქი-მოჩვენებების“ რაოდენობა იზრდება – ფოტო

ჩინეთის პროვინცია ჰუბეის ხელისუფლებამ, სადაც დაიწყო კორონავირუსის გავრცელება, მძიმე ეპიდემიური სიტუაციის გამო დასვენების დღეების გახანგრძლივება გადაწყვიტა. დაწესებულებები მუშაობას 21 თებერვლამდე არ განაახლებენ.

პეკინსა და შანჰაიში მდგომარეობა უმჯობესდება, 10 თებერვლიდან დაწესებულებებმა და ორგანიზაციებმა მუშაობა განაახლეს.

ჩინეთში ეპიდემიური სიტუაცია კვლავ მძიმეა, თუმცა ქვეყნის ხელისუფლება იმედოვნებს, რომ მალე დადგება გარდამტეხი მომენტი ახალ კორონავირუსთან ბრძოლაში.

ოფიციალურად დადასტურებული ინფიცირების შემთხვევების რაოდენობა ჩინეთში 60 ათასს მიუახლოვდა, დაფიქსირდა 1775 სიკვდილი, მათ შორის იყვნენ უცხოელებიც, განიკურნა დაახლოებით 6 ათასი ადამიანი.