იაპონიის იმპერატორ ნარუჰიტოს ინტრონიზაციის ცერემონია საუკეთესო ფოტოები

138
(განახლებულია 18:14 24.10.2019)

ტოკიოში იმპერატორ ნარუჰიტოს ინტრონიზაციის ცერემონია გაიმართა. იხილეთ „Sputnik-საქართველოს“ ფოტომასალაში საზეიმო ღონისძიების სურათები, რომელსაც ესწრებოდნენ სახელმწიფოების მეთაურები და საპატიო სტუმრები მსოფლიოს 180 ქვეყნიდან.

იაპონიის იმპერატორმა ნარუჰიტომ მოვალეობების შესრულების ფიცი დადო და ოფიციალურად გამოაცხადა მისი იმპერატორად კურთხევის შესახებ. ინტრონიზაციის ცერემონია, რომლის ისტორიაც საუკუნეებს ითვლის, სამშაბათს გაიმართა.

წინა იმპერატორმა აკიჰიტომ ჯანმრთელობის მდგომარეობის გამო გადაწყვიტა ტახტი საკუთარი ვაჟისთვის დაეთმა. ნარუჰიტო იქნება იაპონიის 126-ე იმპერატორი და პირველი, ვინც მეორე მსოფლიო ომის შემდეგ დაიბადა. დღეს იაპონიის იმპერატორს პოლიტიკური ძალაუფლება არ გააჩნია.

138
  • © REUTERS / Soe Zeya Tun

    იაპონიის 126-ე იმპერატორის ტახტზე ასვლის ცერემონია ტოკიოს იმპერატორის სასახლეში გაიმართა

  • © AFP / Kazuhiro Nogi / Pool

    ცერემონიის წინ იმპერატორმა და მისმა მეუღლემ სასახლის ერთ-ერთ ტაძარში ლოცვები აღავლინეს

  • © AFP / Kazuhiro Nogi / Pool

    იაპონიის პრინცი აკისინო მონაწილეობს იმპერატორი ნარუჰიტოს ტახტზე ასვლის ცერემონიაში

  • © AFP / Kazuhiro Nogi

    ცერემონიას ესწრებოდნენ ოჯახის წევრები (11 ადამიანი), რომელთა შორის იყო იმპერატორის უმცროსი ძმა, 53 წლის პრინცი ფუმიჰიტო

  • © AFP / Issei Kato / Pool

    ნარუჰიტო იმპერატორად ჯერ კიდევ მაისში გამოცხადდა, 85 წლის მამის მიერ ტახტის დატოვების შემდეგ

  • © AFP / Imperial Household Agency of Japan

    ტრადიციულად, ახალი იმპერატორი სიტყვით გამოვიდა და „იაპონიისათვის და მისი ერისათვის კონსტიტუციის თანახმად მსახურების“ პირობა დადო

  • © REUTERS / Kimimasa Mayama / Pool

    მისასალმებელი სიტყვით გამოვიდა იაპონიის პრემიერ-მინისტრი სინძო აბე და დასასრულის დროს სამჯერ დაიყვირა „ბანზაი!“

  • © AFP / Pool / David Mareuil

    ოჯახის წევრების გარდა, ცერემონიას ესწრებოდა 2 ათასზე მეტი უცხოელი სტუმარი

  • © AFP / Pool / Pierre Emmanuel Deletree

    იაპონიის პრემიერ-მინისტრი სინძო აბე და მისი მეუღლე აკიე იმპერატორის სასახლეში მისვლის დროს

  • © AFP / Pool / Carl Court

    ცერემონიას ასევე ესწრებოდნენ უკრაინის პრეზიდენტი ვოლოდიმირ ზელენსკი და მისი მეუღლე

  • © AFP / David Mareuil

    ჩეხეთის რესპუბლიკის პრემიერ-მინისტრი ანდრეი ბაბიში და მისი მეუღლე მონიკა ბაბიშოვა იმპერატორის სასახლეში ინტრონიზაციის ცერემონიაზე

  • © REUTERS / Pool / Carl Court

    პოლონეთის პრეზიდენტის მეუღლე აგატა კორნჰაუზერ-დუდა და პოლონეთის ელჩი იაპონიაში პაველ მილევსკი იმპერატორის ტახტზე ასვლის ცერემონიის შემდეგ

  • © AFP / Handout / Japanese Government

    ესპანეთის მეფე ფილიპე VI და ესპანეთის დედოფალი ლეტიცია იმპერატორის ტახტზე ასვლის ცერემონიის შემდეგ

  • © REUTERS / Carl Court

    ბულგარეთის პრეზიდენტი რუმენ რადევი მეუღლესთან ერთად ინტრონიზაციის ცერემონიის შემდეგ

  • © AP Photo / Kimimasa Mayama / Pool

    მონარქის ინტრონიზაციის ცერემონია უკვე 200 წელზე მეტს ითვლის. 1869 წლიდან ღონისძიებაზე ჩინური საცერემონიო სამოსი იაპონურით ჩანაცვლდა

  • © REUTERS / Handout / Imperial Household Agency of Japan

    ტახტზე ასვლის შემდეგ უნდა გამართულიყო მასშტაბური აღლუმი, თუმცა ის ნოემბერში ჩაინიშნა ტაიფუნი „ჰაგიბისის“ გამო დაღუპულთა გლოვის გამო