საქართველოს საფეხბურთო ნაკრებმა 2020 წლის ევროპის ჩემპიონატის შესარჩევი ციკლის მატჩი თბილისში დანიის გუნდთან 0:0 ითამაშა. იხილეთ „Sputnik-საქართველოს“ ფოტოკადრები, თუ როგორ მიმდინარეობდა შეხვედრა.
ევრო-2020-ის შესარჩევი ტურნირის ხუთი მატჩის შემდეგ საქართველოს ნაკრებმა ოთხი ქულა დააგროვა და ჯგუფში მეოთხე ადგილი დაიკავა. ლიდერი კვლავ ირლანდიაა, რომლის აქტივშიც 11 ქულაა. მეორე ადგილზე დანიაა 9 ქულით, ხოლო მესამე პოზიციაზე შვეიცარიის გუნდი განთავსდა 8 ქულით, რომელმაც პარალელურ მატჩში გიბრალტარი დაამარცხა ანგარიშით 4:0. თუმცა, შვეიცარელ ფეხბურთელებს ერთი მატჩით ნაკლები აქვთ ჩატარებული. საქართველოს ნაკრების შემდეგი შეხვედრა ირლანდიასთან 12 ოქტომბერს თბილისში გაიმართება.
საქართველოს საფეხბურთო ნაკრებმა თბილისში დანიასთან 0:0 ითამაშა
სტუმრების პირველივე შეტევის შემდეგ სახიფათო საჯარიმო დარტყმა დაინიშნა. ბურთთან მივიდა კრისტიან ერიკსენი, თუმცა ლონდონის ტოტენჰემის ნახევარმცველის დარტყმა ძელს რამდენიმე სანტიმეტრით აცდა
დანიელებმა შევხედრის პირველი ნახევარი აქტიურად ჩაატარეს, მათ ტერიტორიული და ბურთის ფლობის უპირატესობა ჰქონდათ
ქართული გუნდის მთავარი მწვრთნელი ვლადიმერ ვაისი თამაშის დროს ძალიან ღელავდა
ამის მიზეზი მას ნამდვილად ჰქონდა. შედარებისათვის - ბურთის ფლობის პროცენტი იყო 69 /31
ქართველი ქომაგები საკუთარ გუნდს გულშემატკივრობდნენ
მიუხედავად იმისა, რომ სტუმრებმა ოთხჯერ გაგზავნეს ბურთი გიორგი ლორიას კარში, არცერთი მათგანი არ აღმოჩნდა სახიფათო
რაც შეეხება ქართულ ნაკრებს, ისინი კონცენტრირდნენ თავდაცვაზე და მეტოქის ნახევარზე ძალიან იშვიათად გადადიოდნენ
შესვენების შემდეგ მატჩი მსგავსი სცენარით გაგრძელდა - დანია შეტევაზე, საქართველო თავდაცვაში
დანიის ნაკრების მწვრთნელიც არანაკლებ ღელავდა
დანიის ნაკრებს ასევე მხარს უჭერდა გულშემატკივართა ჯგუფი, რომელიც თბილისში მატჩზე დასასწრებად ჩამოვიდნენ
თამაში მოულოდნელად ბოლო 15 წუთის განმავლობაში დაიძაბა, როდესაც ორივე გუნდმა შეტევა დაიწყო
რეალურად სახიფათო მომენტი თამაშის ბოლოს სულ ორი იყო. თამაში ფრე 0:0 დასრულდა, რაც ქართულ გუნდს აქტივებში შეუძლია ჩაიწეროს, ხოლო დანიის ნაკრებმა ორი ქულა დაკარგა და D ჯგუფში ირლანდიისათვის გადასწრების შანსი დათმო
ევრო-2020-ის ხუთი შესარჩევი მატჩის შემდეგ საქართველოს ნაკრებმა ოთხი ქულა დააგროვა და ჯგუფში მეოთხე ადგილი დაიკავა. ლიდერი კვლავ ირლანდიაა, რომლის აქტივშიც 11 ბალია. ქართული გუნდი სწორეად მას დაუპირისპირდება 12 ოქტომბერს თბილისში
