გამოცემამ Lonely Planet ჩაატარა კვლევა, რომლის ფარგლებშიც მსოფლიოს 10 ყველაზე გასართობი ქალაქი დასახელდა.
საუკეთესო საღამოებით გამორჩეული აღმოჩნდა ბელგრადი. პირველად ეს წოდება სერბეთის დედაქალაქმა 2009 წელს მიიღო. ღამის ცხოვრება იქ კვლავ მრავალფეროვანია – კლუბები, ბარები, ტავერნები და ტივები. ასევე, სხვა ქალაქებთან შედარებით, ბელგრადი ძალიან იაფია (სასტუმროს საშუალო ფასი 30 დოლარია ორი ღამით, ერთი ლიტრი ლუდი კი სულ რაღაც ოთხი დოლარი ღირს).
რეიტინგის მეორე ადგილი მექსიკის ქალაქმა პლაია-დელ-კარმენმა დაიკავა, მესამე – სინგაპურმა, სადაც ალკოჰოლური სასმელი ძალიან ძვირია (დაახლოებით 14 დოლარი ერთი ლიტრი ლუდი), თუმცა ექსპერტებმა ხაზი გაუსვეს უსაფრთხოების მაღალ დონესა და ბარებისა და კლუბების მრავალფეროვნებას – მათი რაოდენობა 150-ზე მეტია.
პირველ ათეულში ასევე შევიდნენ: სანქტ-პეტერბურგი, ტოკიო, სეული, სტამბული, ბანგკოკი, ბუენოს-აირესი და მექსიკის ქალაქი კაბო-სან-ლუკასი.