საპროტესტო აქციის მონაწილეები ორშაბათს გამოსვლების გაგრძელებას გეგმავენ. იხილეთ Sputnik-საქართველოს ფოტოლენტაში, თუ როგორ მიმდინარეობდა აქცია კვირას
ორშაბათს მომიტინგეები კვლავ იკრიბებიან პარლამენტის შენობასთან 19:00 საათზე. მანამდე აქციის ორგანიზატორები ავტომობილისტებისა და ავტოკოლონის მსვლელობას გეგმავენ პირველი რესპუბლიკის მოედნიდან შინაგან საქმეთა სამინისტრომდე. ეს აქცია 14:00 საათზე დაიწყება.
საპროტესტო აქციის მონაწილეთა მოთხოვნები უცვლელია: გადადგეს საქართველოს შს მინისტრი გიორგი გახარია, ჩაინიშნოს ვადამდელი არჩევნები პროპორციული სისტემით და გაათავისუფლონ ყველა დაკავებული.
მიტინგი დაიწყო მას შემდეგ, რაც საქართველოს პარლამენტის თავმჯდომარის სავარძლიდან რუსეთის სახელმწიფო დუმის დეპუტატი სერგეი გავრილოვი ასამბლეას გაუძღვა. 20 ივნისის ღამით ანტირუსული აქცია ანტისამთავრობო გამოსვლებსა და არეულობაში გადაიზარდა. მომიტინგეები პარლამენტში შეღწევას ცდილობდნენ, რაზეც საპასუხოდ პოლიციამ გამოიყენა ცრემლსადენი გაზი და რეზინის ტყვიები. არეულობისას დაშავდა 240 ადამიანი, მათ შორის 80 პოლიციელი, დაკავებულია 305 ადამიანი.
მომდევნო დღეს აქციის ხასიათი მკვეთრად შეიცვალა - გახდა უფრო მშვიდობიანი, თუმცა მომიტინგეებმა მოთხოვნებს მიამატეს გიორგი გახარიას გადადგომა - ადამიანის, რომელიც პასუხისმგებელია დემონსტრანტების მიმართ არაპროპორციული ძალის გამოყენებაზე.
Читать далее: https://sputnik-georgia.ru/photo/20190624/245699180/Takogo-na-mitingakh-vy-ne-videli-15-neozhidannykh-foto-s-protestov-v-Tbilisi.html
