„Sputnik–საქართველოს“ რეპორტიორი ფონიჭალაში საცხოვრებელ სახლში მომხდარი აფეთქების ადგილზე მივიდა და დანგრეული შენობის ფოტოები გადაიღო.
აფეთქების შემდეგ კორპუსის მაცხოვრებლების ევაკუაცია დაიწყო
სავარაუდოდ, აფეთქება ბუნებრივი აირის გაჟონვის შედეგად მოხდა
აფეთქება დილით, მესამე სართულის ბინაში მოხდა. პოლიცია და სახანძრო ოპერატიულად მივიდა შემთხვევის ადგილზე
აფეთქება იმდენად ძლიერი აღმოჩნდა, რომ დაზიანდა ზედა და ქვედა სართულებიც
გარდა ამისა, მეორე საერთულზე ბეტონის ფილა დაეცა, რომელიც შენობის მყარი კონსტრუქციის ნაწილი იყო. მეორე სართულის მაცხოვრებლები - დედა და მისი ჩვილი ბავშვი გარდაცვლილები იპოვეს
აფეთქება იმდენად ძლიერი იყო, რომ მეზობელ შენობებსაც შუშები დაემსხვრა
გარდაცვლილების გარდა არიან დაშავებულებიც - 6 წლის გოგონა, მისი მამა და ბაბუა
დაზარალებულთა მდგომარეობა მძიმეა - მათ მესამე და მეოთხე ხარისხის დამწვრობები მიიღეს
რამდენიმე საათიანი სამაშველო სამუშაოების დროს ადგილობრივები სახლთან შეიკრიბნენ და თვალს ადევნებდნენ მიმდინარე მოვლენებს
ქალაქის ხელისუფლება 28 ოჯახზე ზრუნვის პასუხისმგებლობას იღებს. მათ სხვა შენობებში შეასახლებენ
თბილისის ხელისუფლება ასევე შენობის მდგომარეობას შეისწავლის და მის გასამაგრებლად აუცილებელ სამუშაოებს ჩაატარებს
აფეთქების ფაქტზე აღიძრა სისხლის სამართლის საქმე 240-ე პრიმა მუხლით, რაც "ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას" ითვალისწინებს და ისჯება 4-დან 7 წლამდე თავისუფლების აღკვეთით
ქალაქის ხელისუფლებამ აქამდე არაერთხელ მოუწოდა მოსახლეობას განსაკუთრებული ყურადღება გამოიჩინონ გამათბობელ მოწყობილობებთან
მომხდარს იძიებენ კრიმინალისტი-გამომძიებლები, ექსპერტებმა უკვე დაასრულეს აფეთქების ადგილის შესწავლა
