გორში სტალინის ხსოვნისადმი მიძღვნილი აქცია გაიმართა. იხილეთ „Sputnik-საქართველოს“ ფოტოკადრები, როგორ მიაგეს პატივი სტალინისტებმა საკუთარ ბელადს.
იოსებ სტალინის მომხრეები ტრადიციულად შეიკრიბნენ მის სახლ-მუზეუმთან, შემდეგ კი ქალაქის ცენტრის გავლით მსვლელობა გამართეს ადგილობრივ ეკლესიამდე, სადაც "ხალხთა მამის" პატივსაცემად სანთლები დაანთეს.
სტალინისტებისათვის ტრაგიკული თარიღია 5 მარტი - დღე, როდესაც იოსებ სტალინი გარდაიცვალა
ამ დღეს მის სახლ-მუზეუმთან თავი მოიყარეს მათ, ვინც დღემდე პატივს მიაგებს "ერების წინამძღოლის" ხსოვნას
ბევრი ხალხი არ შეკრებილა - დაახლოებით 15 კაცი. ნაწილს ხელში სტალინის პორტრეტები ეჭირა, ნაწილს კი - სსრკ-ის წითელი დროშა
სახლ-მუზეუმთან სამგლოვიარო მიტინგის შემდეგ აქციის მონაწილეებმა გორის ქუჩებში მსვლელობა გამართეს
სტალინისტები საბჭოური სიმბოლიკითა და სტალინის პორტრეტებით ქალაქის ცენტრში დადიოდნენ - აქციის გამართვაში ხელი არავის შეუშლია
მსვლელობის მონაწილეები ეკლესიისკენ გაემართნენ
ეკლესიაში აქციის მონაწილეებმა იოსებ სტალინის პანაშვიდი გადაიხადეს
"ერების წინამძღოლის" ხსოვნის პატივსაცემად აქციის მონაწილეებმა სანთლები დაანთეს და ილოცეს
თუმცა აქცია ეკლესიაში მისვლით არ დასრულებულა
შემდეგ საქართველოს კომპარტიის წევრებმა და მათმა მომხრეებმა სტალინის მოსახსენიებლად ნადიმიც გამართეს
აქ მიდიოდნენ ქუჩაში სტალინის მომხრეები: მისი პორტრეტით, საბჭოური გერბითა და დამოუკიდებელი საქართველოს დროშით
ასე გამოიყურება ქალაქი გორის ერთ-ერთი სუპერმარკეტის ფასადი
