ევროპის ერთა თასის მომდევნო მატჩს საქართველოს ნაკრები 10 მარტს კრასნოდარში რუსეთის ნაკრების წინააღმდეგ გამართავს.
ბორჯღალოსნებმა ევროპის ერთა თასის ფარგლებში ესპანეთის ნაკრები დაამარცხეს ანგარიშით 23:10. იხილეთ „Sputnik-საქართველოს“ ფოტომასალა, თუ როგორ ჩატარდა მიხეილ მესხის სტადიონზე თამაში.
თამაშის პირველი ნახევარი ძირითადად მოედნის ცენტრში მიმდინარეობდა
თამაშის პირველ ნახევარში ვერცერთმა გუნდმა ვერ მოახერხა ლელოს დადება, ტაბლოზე ქულები მხოლოდ საჯარიმოების შესრულების შედეგად იცვლებოდა
რაგბის მატჩზე ტრიბუნები ყოველთვის სავსეა
თუმცა პირველ ტაიმში გულშემატკივრები სანახაობით იმედგაცრუებულები იყვნენ - თამაში არც ისე აქტიურად მიდიოდა
ბორჯღალოსნების შემადგენლობიდან სამი საჯარიმო შეასრულა სოსო მათიაშვილმა, ესპანელების გუნდიდან კი მატიე პელუშონი გამოირჩეოდა
აღსანიშნავია, რომ ევროპის ერთა თასის მიმდინარე თამაშებიდან ბორჯღალოსნებმა პირველად მისცეს მეტოქეს ქულის მოპოვების საშუალება
შესვენებაზე გუნდებს შორის ანგარიში იყო 9:3
შეხვედრის მეორე ნახევარი საქართველოს ნაკრებმა უფრო აქტიურად დაიწყო, რის შედეგადაც 52-ე წუთზე ანგარიში 16:3 გახდა
ეს შედეგი თამაშის 80-ე წუთამდე ნარჩუნდებოდა, თუმცა ძირითადი დროის მიწურულს გუნდებმა ერთმანეთს შეუტიეს
ესპანეთის შემადგენლობიდან ლელო სებასტიან რუემ დადო, ბორჯღალოსნებში კი თავი გიორგი მელიქიძემ გამოიჩინა
საბოლოო ანგარიში 23:10 კვლავ სოსო მათიაშვილმა დაამყარა
ევროპის ერთა თასის მომდევნო მატჩს საქართველოს ნაკრები 10 მარტს კრასნოდარში რუსეთის ნაკრების წინააღმდეგ გამართავს
