„გულუბრყვილო მოგზაური“ ჟურნალისტებისა და ბლოგერების შემოქმედებითი გუნდი, Sputnik-ის პროექტის ფარგლებში, განაგრძობს საქართველოსა და რუსეთში მცხოვრები დუხობორების შესახებ თხრობას. იხილეთ ფოტოები საქართველოს სოფელ გორელოვკიდან, სადაც სულ 150-მდე დუხობორიღა დარჩა.
გორელოვკაში ცხოვრების ცენტრად ობლების სახლი მიიჩნევა. ეს არქიტექტურული კომპლექსი 170 წლის წინ, 1847 წელს აშენდა. ასე კი იმიტომ დაარქვეს, რომ იქ ობლები და ღარიბები ცხოვრობდნენ. მერე საბჭოთა ხელისუფლებამ ობლების სახლის ქონებას კონფისკაცია გაუკეთა, ხოლო თავად შენობა მარცვლეულის საწყობად გადააკეთა. ახლა ობლების სახლი ყველაზე დიდი სამლოცველო ნაგებობაა სოფელში. წარსულში ის ძლივს იტევდა მორწმუნეებს, ახლა კი ნახევრამდეც ძლივს ივსება.
ობლების სახლი - რამდენიმე შენობა ხის მოაჯირებითა და კარებით
ეს ყველაზე დიდი სახლია: აქ დაბალი ჭერია, ცივი და რბილი იატაკი
რაისა სლასტუხინა გარელოვკიდან ექსკურსიას უტარებს ქართველ ტურისტებს ობლების სახლში
დუხობორები კედლის გაყოლებაზე ჩარიგებულ მერხებზე სხდებოდნენ და ფსალმუნების გალობას იწყებდნენ
ობლების სახლის მორთულობა. სამლოცველოს კუთხეში კედლის ძველებური საათი და ტილოები ტრადიციული ქარგულობით
კედელთან ძველებური რუსული ღუმელი. ასეთი თითქმის ყველა დუხობორის სახლშია. მათ გარეშე ძლიერ ყინვებში ფონს ვერ გახვალ.
დუხობორების ფსალმუნებში სიტყვების გარჩევა თითქმის შეუძლებელია. ამბობენ, რომ კითხვის ასეთი მანერა ძველთაგან ჩამოყალიბდა. დუხობორები, რომლებსაც დევნიდნენ, იძულებულები იყვნენ გაუგებრად ემღერათ ლოცვის სიტყვები
სახლი, რომელშიც თემის წინამძღოლი ლუკერია კალმიკოვა ცხოვრობდა
ლუკერია კალმიკოვას ოთახი ობოლთა სახლში
მოხალისეთა ბრიგადა ობოლთა სახლის რემონტისას
მოხალისეები ობოლთა სახლის გარემონტებაშიც იღებენ მონაწილეობას და სახსრების შეგროვებაშიც
დუხობორები ცდილობენ, სარემონტო სამუშაოები წვიმების დაწყებამდე დაასრულონ
ამასპობაში კი ობოლთა სახლის მომიჯნავე სკოლაში შესვენება დაიწყო და ბავშვები ეზოში გამოვიდნენ
გორელოვკაში კოპწია, სუფთა, თუმცა ცოტა მოძველებული სახლებია
