ფლორიდაში, ქალაქ მაიამიში წყალდიდობა მოხდა ქარიშხალი "ირმას" გადავლის შემდეგ. იხილეთ სტიქიური უბედურების შედეგები ფოტოკადრებში.
ქარიშხალმა "ირმამ" ფლორიდის შტატის დასავლეთ სანაპიროს გადაუარა და ძლიერი წვიმა და წყალდიდობა გამოიწვია. ქარის სისწრაფე, საინფორმაციო საშუალებების სხვადასხვა მონაცემებით, 180-210 კმ/სთ-ს აღწევდა. ქალაქის რამდენიმე რაიონი მთლიანად დაიტბორა. ქარიშხალმა მნიშვნელოვანი ზიანი მიაყენა მაიამის ფინანსურ რაიონს — ბრიკელის კვარტალს, სადაც წყლის დონემ 60 სანტიმეტრის სიმაღლემდე აიწია. ქუჩებში მდინარეები მოედინებოდა. მილიონზე მეტი სახლი მაიამიში ელექტროენერგიის გარეშე დარჩა. ფლორიდის შტატის მთავრობამ "ირმას" მოახლოვებასთან დაკავშირებით მაიამის მცხოვრებთა ნაწილის ევაკუაცია მოახდინა. მანამდე ქარიშხალმა გაანადგურა კარიბის აუზის ქვეყნები, სადაც დაახლოებით 30 ადამიანი დაიღუპა.
