მსოფლიო კინემატოგრაფიის სახე და ჰოლივუდის ერთ-ერთი სექს-სიმბოლო, მსახიობი მერილინ მონრო ცნობილია მთელ მსოფლიოში. თუმცა ყველამ არ იცის მსახიობის სირთულეებისა და პრობლემების შესახებ. მისმა ცხოვრების სტილმა გადაფარა პრობლემები და ხალხის უმრავლესობას მერილინ მონრო ბედნიერად მიაჩნდა.
მერილინ მონრო (ნამდვილი სახელი – ნორმა ჯინ მორტენსონი) 1926 წელს ლოს-ანჯელესში დაიბადა. მისი დედა კინომემონტაჟე გლედის პერლ ბეიკერი იყო ემოციური და ფსიქიურად არამყარი ადამიანი. ბევრჯერ მიატოვა ქალიშვილი. მერილინმა ღრმა ბავშვობიდან ბევრი ოჯახი შეიცვალა, რომლებშიც იზრდებოდა — ესენი იყვნენ ახლო და შორეული ნათესავები, მათი ნაცნობები, ასევე სხვადასხვა მეურვეები. პირველად მერილინი 16 წლის ასაკში გათხოვდა, რათა თავი აერიდებინა დედასთან მორიგი გაუგებრობისთვის, რომელსაც მისი კვლავ თავისთან წაყვანა სურდა. თუმცა ქორწინება დიდხანს არ გაგრძელებულა — იმ წლებში მონრომ დაიწყო ფოტომოდელის კარიერა. შემდეგ მან მსახიობობა მოინდომა, რაც გახდა განქორწინების მიზეზი. შემდგომში მსახიობის პირადი ცხოვრება ასევე რთულად გაგრძელდა და ის არ ყოფილა ბედნიერი.
1950 წელს მერილინმა შეასრულა ეპიზოდური როლი ფილმში "ასფალტის ჯუნგლები", რის შემდეგაც მან კარიერა აიწყო კინოში. მსახიობი შეუყვარდა მაყურებელს, რომელიც თამაშობდა სულელ, მაგრამ მომხიბვლელ ქერა გოგონებს. მთავარი როლის შესრულებისათვის ფილმში "ჯაზში მხოლოდ ქალიშვილები არიან" მონრომ ჯილდოდ "ოქროს გლობუსი" მიიღო. მერილინ მონროს მონაწილეობით გადაღებული ოცი სურათის შემოსავალმა $200 მილიონი დოლარი შეადგინა. იმ დროისათვის ეს იყო ძალიან დიდი რაოდენობა. ამავდროულად მერილინი კონტრაქტით დაკავშირებული იყო კინოსტუდიასთან 20th Century Fox. ის მიიჩნეოდა 1950-იანი წლების ერთ-ერთ ყველაზე მოთხოვნად მსახიობ ქალად, შესაბამისად, ჰოლივუდის ერთ-ერთი ყველაზე მაღალანაზღაურებადი ვარსკვლავი იყო. ბოლო ფილმი მერილინ მონროს მონაწილეობით — კომედია სახელწოდებით "რაღაც უნდა მოხდეს", რომლის გადაღებებიც 1962 წელს დაიწყო, ვერ დაამთავრეს მსახიობის გარდაცვალების გამო.
