საოცარი გიგანტური ზომების არქიტექტურულ-სკულპტურული კოპლექსი "საქართველოს ისტორია" ქალაქის გარეუბანში, თბილისის ზღვის ტერიტორიაზე მდებარეობს. იხილეთ "Sputnik-საქართველოს" ფოტოლენტა უნიკალური ნაგებობის შესახებ.
1985 წელს დაწყებული "საქართველოს ისტორიის" კომპლექსის ავტორი ცნობილი სკულპტორი და ხელოვანი ზურაბ წერეთელია. ძეგლი, რომელიც მაღალ ბორცვზეა განთავსებული, კარგად ჩანს თბილისის სხვადასხვა წერტილებიდან. მემორიალთან მისასვლელად, უნდა გაიაროთ თბილისის ზღვის გზა, რომლის საშუალებითაც პირდაპირ დაცვის ჯიხურთან და კომპლექსის კიბეებთან მიხვალთ.
როგორც ამბობენ, "საქართველოს ისტორიის" კომპლექსის ადგილზე ადრე იოსებ სტალინის 100 მეტრიანი ძეგლის დადგმას აპირებდნენ. თუმცა ყველაფერი სხვაგვარად მოხდა, აქ საქართველოს ისტორიისადმე მიძღვნილი უზარმაზარი კომპლექსი აღიმართა
ზურაბ წერეთლის მიერ შექმნილი კომპლექსი გასაოცრად დიდია. ამჩნევთ ფოტოზე ადამიანებს ძეგლის ძირში? თუმცა, ვინაიდან გარშემო საკმაოდ დიდი სივრცეა, კომპლექსი საკმაოდ ჰარმონიულად გამოიყურება მისი გარემოს ფონზე
კოლონებზე ზურაბ წერეთელმა გამოსახა საქართველოს ისტორიის ყველაზე მნიშვნელოვანი მოვლენები, ბიბლიური სიუჟეტები, ქართველი მეფეების, მხედარმთავრებისა და მნიშნელოვანი ისტორიული პერსონაჟების ფიგურები
ძეგლიდან მარჯვნივ წმინდა ნინოს ჯვრის სკულპტურა დგას
"საქართველოს ისტორიისკენ" მიმავალ აღმართზე ზურაბ წერეთელმა ანტიკური სიმბოლიკის კოლონები დადგა. ისინი საქართველოს მრავალსაუკუნოვანი ისტორიის და ისტორიულ სამყაროში მისი აქტიური მონაწილეობის სიმბოლოები არიან
კომპლექსი აქტიურად შენდებოდა 20 წლის განმავლობაში, 1985-2003 წლებში, თუმცა ჯერ კიდევ არ დასრულებულა
არქიტექტურულ-სკულპტურული ანსამბლი "საქართველოს ისტორია 16 კოლონისგან შედგება, თითოეულის სიმაღლე 35 მეტრია
თითოეული კოლონა სამი მნიშვნელოვანი ნაწილისგან შედგება - ქვემოთ (საფუძვლად) ბიბლიური სიუჟეტი. შუაში გამოსახულები არიან საქართველოსთვის ყველაზე მნიშვნელოვანი ადამიანები: განმანათლებლები, ლეგენდარული მეფეები და დედოფლები, წმინდანები, პოეტები, დიპლომატები, ლიტერატორები, მხედარმთავრები. კოლონის ზედა ნაწილში ასახულია საქართველოსთვის მნიშვნელოვანი ისტორიული მოვლენების სიუჟეტები: რთველი, სახალხო დღესასწაულები, ტრადიციები, მოსავლის აღება
"საქართველოს ისტორიის" მემორიალის ტერიტორიაზე აგებულია ეკლესია. ამბობენ, რომ შიგნით ყველაფერი მორთული არის ემალით, კერამიკითა და ლამაზი ფერწერით
კომპლექსის ცენტრში დგას კოლონები, რომლებზეც ფიგურების სიმაღლე 30 მეტრს აჭარბებს
"საქართველოს ისტორიის" ძეგლის დასამზადებლად გამოიყენებოდა ბრინჯაო და სპილენძი
კომპლექსის შესასვლელში განთავსებულია გრაგნილები, სადაც საქართველოს ისტორიის მნიშვნელობანი მოვლენებია ჩამოთვლილი
თუ "საქართველოს ისტორიის" კომპლექსს ზემოდან დახედავთ, აღმოაჩენთ, რომ კოლონები განლაგებულია ჯვრის ფორმაზე
ასეთი ხედი იშლება თბილისზე "საქართველოს ისტორიის" კომპლექსიდან
კომპლექსის შესასვლელისა და მთავარი კიბის საპირისპირო მხარეს არის კიდევ ერთი მოედანი, საიდანაც ასეთი ხედი იშლება თბილისის ზღვაზე
