მიტოვებული სატვირთო ხომალდი Yeruslan იწვის ვლადივოსტოკთან, ამურის ყურეში ყინულებში. იხილეთ „Sputnik-საქართველოს“ ფოტომასალა შემთხვევის ადგილიდან.
ვლადივოსტოკში, ამურის ყურეში უკვე ორი წელია დგას მიტოვებული სატვირთო გემი Yeruslan. ხომალდის მფლობელს ეკიპაჟის წევრების დაახლოებით 200 ათასი დოლარი მართებს 2014 წლიდან, მაგრამ მის პოვნას სამძებრო სამსახურები ვერ ახერხებენ. თბომავალი დაყადაღებულია, მაგრამ ვალების დასაფარად მისი აუქციონზე გაყიდვა არ შეიძლება — ოფიციალურად Yeruslan კამბოჯის პორტს ეკუთვნის, იუწყება პორტალი "ნოვოსტი — ვლადივოსტოკი" (VL.RU).
თბომავალი Yeruslan უკვე მეორე წელია გაჩერებულია. ეკიპაჟი თავდაპირველად ხომალდზე ცხოვრობდა, ხუთმა მეზღვაურმა პირველი ზამთარი იქ გაატარა, შემდეგ კი ნაპირზე გადავიდნენ. დიდ ხნის განმავლობაში — 2016 წლის შემოდგომამდე თბომავალზე დარჩა ერთადერთი მცველი დმიტრი ევტეევი ასტრახანიდან. ის იცავდა წესრიგს, საღამოობით რთავდა განათებას და წერილებს უგზავნიდა სხვადასხვა ინსტანციებს. მას წასვლა არ შეეძლო — ბილეთის შეძენის საშუალება არ ჰქონდა. საკვებით მას ახლოს მცურავი კატარღებისა და „როსმორპორტის“ კომისიის ეკიპაჟები ამარაგებდნენ. შემდეგ გათავდა საწვავი, მაგრამ ხომალდის ბედი კვლავ ვერ გადაწყდა. 2016 წლის შემოდგომიდან თბომავალს რეგულარულად ძარცვავდნენ მაროდიორები.