ჰეიდარ ალიევის სახელობის სასახლეში პოპულარული ქართული საესტრადო შემსრულებლების, მოცეკვავე და მომღერალი ანსამბლების კონცერტი ჩატარდა.
ბაქოში, ჰეიდარ ალიევის სახელობის სასახლეში გამართულ ქართული ცეკვისა და მუსიკის საღამოში მონაწილეობა მიიღეს ქართულ ესტრადის პოპულარულმა შემსრულებლებმა გია ნიკოლაძემ, მარიამ ელიაშვილმა, აისელ მამედოვამ და ანარ ასკეროვმა. ქართველმა შემსრულებლებმა მაყურებელს ასევე წარმოუდგინეს საცეკვაო პროგრამა, რომელშიც მონაწილეობა მიიღეს ანსამბლებმა "მართვე", "სამეფო" და "დიდგორი", იუწყება "Sputnik–აზერბაიჯანი".
კონცერტის მონაწილეებმა შეძლეს ქართული მუსიკალური კულტურის მთელი სიმდიდრისა და მრავალფეროვნების გადაცემა მაყურებლისთვის. კონცერტზე შესრულდა ცნობილი სიმღერები და საქართველოს სხვადასხვა რეგიონების ტრადიციული ცეკვები. მაყურებელი მოხიბლული იყო ახალგაზრდა მოცეკვავეების სანახაობრივი შესრულებით.
ახალგაზრდა მოცეკვავეებისთვის ანსამბლი "მართვე" საქართველოს ნაციონალურმა ბალეტმა, მსოფლიოში ცნობილმა ანსამბლმა "სუხიშვილებმა" შექმნეს. "სუხიშვილების" ანსამბლმა საკუთარი მრავალწლიანი ისტორიის განმავლობაში გამართა 12,3 ათასი კონცერტი მსოფლიოს ხუთ კონტინენტზე და 88 ქვეყანაში.
