სოჭში, სადაც რუსეთის თავდაცვის სამინისტროს თვითმფრინავი Ту-154 ჩამოვარდა, გვიან ღამემდე გაგრძელდა სამგლოვიარო აქცია. ქალაქის მცხოვრებლებს სანაპიროზე ყვავილები მიჰქონდათ და დაღუპულთა პატივის მისაგებად სანთლებს ანთებდნენ. იხილეთ Sputnik-ის ფოტოკადრები, თუ როგორ მიაგეს პატივი ქალაქის მაცხოვრებლებმა კატასტროფის შედეგად დაღუპულთა ხსოვნას.
რუსეთის თავდაცვის სამინისტროს თვითმფრინავი Ту-154, რომელიც სირიისკენ მიემართებოდა, კვირას, დილით შავ ზღვაში ჩამოვარდა. ბორტზე 92 ადამიანი იმყოფებოდა — ეკიპაჟის 8 წევრი, 8 სამხედრო მოსამსახურე, ალექსანდროვის სახელობის ცეკვისა და სიმღერის ანსამბლის 64 მსახიობი, ასევე რუსული საინფორმაციო საშუალებების 9 წარმომადგენელი, საქველმოქმედო ფონდ "სამართლიანი დახმარების" ხელმძღვანელი ელიზაბეტ გლინკა, რომელიც ცნობილია როგორც დოქტორი ლიზა და ფედერალური სამსახურის 2 წარმომადგენელი.
კატასტროფასთან დაკავშირებით 26 დეკემბერი რუსეთში გლოვის დღედ გამოცხადდა.
