ცნობილი ლიტველი კალათბურთელი არვიდას საბონისი 19 დეკემბერს 52 წლის გახდა. Sputnik-ის ფოტომასალაში იხილეთ კადრები ცნობილი სპორტსმენის ცხოვრებიდან.
ცნობილი ლიტველი კალათბურთელი არვიდას-რომას საბონისი 1964 წლის 19 დეკემბერს კაუნასში დაიბადა. დღეს ყველა ლიტველს, მათ შორის მათაც, ვისაც ნაკლებად აინტერესებს კალათბურთი, ერთხელ მაინც გაუგია საბონისის სახელი, იუწყება „Sputnik ლიტვა“.
კალათბურთის თამაში საბონისმა 13 წლის ასაკში დაიწყო. პროფესიონალურ სპორტში მან ოლიმპიური და მსოფლიოს ჩემპიონის ტიტულები მოიპოვა. 2011 წლიდან საბონისი ლიტვის კალათბურთის ფედერაციას ხელმძღვანელობს. საბონისის სიმაღლეა 2,21 მეტრი, მაისურის ნომერი — 11.
"ბავშვობაში აკორდეონზე დაკვრას ვსწავლობდი. მშობლებს სურდათ, რომ მუსიკოსი ვყოფილიყავი. მაგრამ მე ეს არ მომწონდა - და რამდენიმე წელიწადში თავი დავანებე. კალათბურთში შემთხვევით აღმოვჩნდი. ფიზკულტურის გაკვეთილზე მასწავლებელმა თქვა, რომ მე კარგად გამომდიოდა ბურთის ფარში ჩაგდება და ამ უნარის განვითარება მირჩია. არც კალათბურთი მომწონდა თავიდან, მხოლოდ მას შემდეგ, რაც წელიწადნახევარი ვივარჯიშე. თამაშისგან სიამოვნების მიღება დავიწყე. შემეძლო კალათბურთსაც მოვშვებოდი, როგორც მუსიკაზე სიარულს, მაგრამ მშობლებმა ამიკრძალეს", - გაიხსენა საბონისმა. ფოტოზე: ახლგაზრდა საბონისი უმცროს და-ძმასთან ერთად.
პროფესიონალი სპორტსმენის კარიერა საბონისმა 1981 წელს კაუნასის "ჟალგირისში" დაიწყო, სადაც ის 1982 წელს მსოფლიოს ჩემპიონი გახდა.
1985-1987 წლებში საბონისმა საკუთარ გუნდთან ერთად ოქროს მედლები მოიპოვა სსრკ-ოს კალათბურთის ჩემპიონატზე.
1984 და 1985 წლებში იტალიურმა გამოცემამ Gazzetta dello Sport საბონისი ევროპის საუკეთესო კალათბურთელად დაასახელა.
სსრკ-ის კალათბურთის ნაკრების ტრენერმა ალექსანდრ გომელსკიმ 1988 წელს საბონისი ნაკრებში აიყვანა. ფოტოზე: ალექსანდრ გომელსკი და არვიდას საბონისი სეულში გამართულ XXIV ოლიმპიურ თამაშებზე ოქროს მედლით.
1988 წელს სსრკ-ის ნაკრებმა სეულში გაამრთულ ოლიმპიურ თამაშებზე აშშ-ის ნაკრები დაამარცხა, და ეს აშშ-ისთვის 1936 წლის შემდეგ რიგით მეორე წაგება იყო.
1989 წლიდან 2003 წლამდე საბონისი სპორტულ კარიერას ესპანეთის საკალათბურთო კლუბებში აგრძელებდა.
1993-1995 წლებში საბონისმა ევროპის საუკეთესო კალათბურთელის ტიტული მოიპოვა.
1999 წელს ვებ გვერდის NBA.com სტუმრებმა საბონისი აირჩიეს იმ უცხოელად, რომელმაც ყველაზე მეტი წვლილი შეიტანა NBA-ში. ფოტოზე: საბონისი დასთან და ძმასთან ერთად სეირნობისას.
პროფესიონალი კალათბურთელის კარიერა სრულ დატვირთვას მოითხოვს. ფოტოზე: სსრკ-ის საკალათბურთო ნაკრების წევრი არვიდას საბონისი ვარჯიშის დროს.
კალათბურთელი არვიდას საბონისი ვარჯიშის დროს უმცროს ძმასთან, ანდრიუსთან ერთად
არვიდასი 1988 წელს დაქორწინდა ლიტვის სილამაზის კონკურსის გამარჯვებულ ინგრიდ მიკიქლიონიტზე, მათ ოთხი შვილი ჰყავთ
საბონისს სამი ვაჟი ჰყავს - დომანტასი, ტაუტვიდასი და ჟიგიმანტასი, ასევე ქალიშვილი აუშრუნე. დომანტასმა კალათბურთელის კარიერა აირჩია და თამაშობს NBA-ის ლიგაში, კერძოდ კლუბში Oklahoma City Thunder
