საქართველოს დედაქალაქში, თბილისის ზღვის მიმდებარე ტერიტორიაზე ახალი ზოოპარკი შენდება. იხილეთ Sputnik-ის ფოტომასალა, თუ როგორ გამოიყურება დღეს ადგილი, სადაც რამდენიმე წლის შემდეგ თანამედროვე სტანდარტების ზოოლოგიური პარკი იქნება.
ახალი ზოოპარკისთვის 48 ჰექტარზე მეტი ტერიტორია გამოიყო. ცხოველებისთვის ფართო ვოლიერები გაკეთდება და მათი საცხოვრებელი პირობები ძალიან კომფორტული იქნება.
პირველი ვოლიერები დათვებისა და მგლებისთვის ახალი ზოოპარკის ტერიტორიაზე უკვე შენების პროცესშია. გარდა ამისა, აქ უკვე მოქმედებს კავკასიური ნაგაზების ძაღლსაშენი და საცხენოსნო კლუბი "სპირიტი", რომელიც თბილისის მცხოვრებლებში პოპულარობას იხვეჭს.
ერთ-ერთი პირველი ვოლიერი, რომლებიც უკვე შენდება თბილისის ახალი ზოოპარკის ტერიტორიაზე. მშენებლობისას გათვალისწინებულია ყველა თანამედროვე სტანდარტი.
ახალი ზოოპარკისათვის 48 ჰექტარზე მეტი ტერიტორია გამოიყო თბილისის ზღვის მიმდებარე ტერიტორიაზე.
თბილისის ზოოპარკის დირექტორის, ზურაბ გურიელიძის თქმით, ახალი ზოოპარკის აშენებას რამდენიმე წელი დასჭირდება.
ახალი ზოოპარკის ტერიტორიაზე იქნება არამხოლოდ ქვეითთა ბილიკები, არამედ ცხენებით სასეირნო სპეციალური გზებიც. ფოტოზე: საცხენოსნო კლუბ "სპირიტის" სტუმრები ცხენებით სეირნობენ თბილისის ზოოპარკის ახალ ტერიტორიაზე
საცხენოსნო კლუბი "სპირიტი" უკვე ფუნქციონირებს ახალი ზოოპარკის ტერიტორიაზე. აქ უკვე 10-ზე მეტი ცხენი ჰყავთ.
კლუბ "სპირიტში" ინსტრუქტორის დახმარებით ჯირითის სწავლაც შეიძლება
7/9
© photo: Sputnik
თბილისის ახალი ზოოპარკის ტერიტორიაზე კავკასიური ნაგაზების ძაღლსაშენის დაარსებაც გადაწყდა - ამისათვის დიდი ტერიტორია გამოიყო, ამიტომ ვოლიერებში სხვა ჯიშის ძაღლებიც ბინადრობენ.
ძაღლსაშენში დღეს ათი ზრდასრული კავკასიური ნაგაზია - ზოოპარკის დირექტორის თქმით, ამ მომენტისათვის ეს საკმარისია, მომავალში ძაღლსაშენი გაფართოვდება.
ძაღლსაშენიდან ლეკვებს საქართველოს მაღალმთიან რეგიონებში მცხოვრებ ფერმერებს გადასცემენ, რათა ჯიში ბუნებრივ პირობებში გამრავლდეს.
