„ეს შენ გეხება“ აქცია თბილისში

11
(განახლებულია 10:30 20.03.2016)
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება
  • ეს შენ გეხება

რამდენიმე ასეული ადამიანი გამოვიდა შაბათს თბილისის ქუჩებში, რათა პირადი ცხოვრებაზე უკანონო მიყურადება და ფარული კამერით გადაღებული მაკომპრომეტირებელი კადრების გავრცელება გაეპროტესტებინათ. იხილეთ აქციის ამსახველი ფოტოლენტა.

დაახლოებით სამასმა ადამიანმა, რომელთა შორისაც იყვნენ პოლიტიკოსები, ჟურნალისტები და ხელოვნების მოღვაწეები, თბილისის ცენტრში — ფილარმონიიდან მთავრობის კანცელარიამდე — მსვლელობა მოაწყო, რათა პირად ცხოვრებაზე უკანონო თვალთვალი გაეპროტესტებინათ. აქციის ორგანიზატორი იყო არასამთავრობო ორგანიზაციათა ჯგუფი „ეს შენ გეხება“.

პროტესტი გასულ კვირაში პირადი ცხოვრების ამსახველი, ინტიმური ხასიათის ვიდეოკადრების ინტერნეტით გავრცელებას მოჰყვა, რომლის ერთ–ერთი მონაწილე პირი, გავრცელებული ინფორმაციით, პოლიტიკოსი ქალბატონი გახლდათ. ამ კვირის დასაწყისში კი კიდევ ერთი ვიდეო გამოჩნდა, რომელშიც მონაწილეთა სახეები დაფარული იყო, თუმცა შეიცავდა მუქარას, რომ ავტორი პოლიტიკოსებისა და ჟურნალისტების ინტიმური ცხოვრების ამსახველ კადრებსაც გამოამზეურებდა. ორივე ფაქტზე გამოძიებაა დაწყებული.

აქციის მონაწილეებმა სამართალდამცავი ორგანოებისგან ფაქტების სწრაფი გამოძიება და დამნაშავეთა დასჯა მოითხოვეს.

11
  • ეს შენ გეხება
    © Sputnik/ Levan Avlabreli

    აქციის მონაწილეები რუსთაველის გამზირის გავლით მთავრობის კანცელარიისკენ მიემართებიან.

  • ეს შენ გეხება
    © Sputnik/ Levan Avlabreli

    აქციაში ასობით ადამიანი მონაწილეობდა, რომლებიც პირად ცხოვრებაზე უკანონო მიყურადებას აპროტესტებდნენ.

  • ეს შენ გეხება
    © Sputnik/ Levan Avlabreli

    საპროტესტო აქციის მონაწილეები აცხადებენ, რომ უკანონო მიყურადება ადამიანის ფუნდამენტური უფლებების დარღვევაა.

  • ეს შენ გეხება
    © Sputnik/ Levan Avlabreli

    აქციის მონაწილეებმა სპეციალური სამსახურის შექმნა მოითხოვეს, რომელიც პირად ცხოვრებაზე უკანონო მიყურადების ფაქტების გამოძიებით დაკავდება.

  • ეს შენ გეხება
    © Sputnik/ Levan Avlabreli

    ფილარმონიიდან მთავრობის კანცელარიამდე მსვლელობას პოლიტიკოსები, ჟურნალისტები და კულტურის მოღვაწეებიც შეურთდნენ.

  • ეს შენ გეხება
    © Sputnik/ Levan Avlabreli

    საპროტესტო აქციის ორგანიზატორი არასამთავრობო ორგანიზაციათა გაერთიანებული ჯგუფი "ეს შენ გეხება" იყო.

  • ეს შენ გეხება
    © Sputnik/ Levan Avlabreli

    საპროტესტო აქციის მონაწილეები ამგვარი პლაკატებით პირადი ცხოვრების ხელშეუხებლობას მოითხოვდნენ.

  • ეს შენ გეხება
    © Sputnik/ Levan Avlabreli

    აქციის მონაწილეები სასტვენებითა და დოლებით გამვლელების ყურადღების მიქცევას ცდილობდნენ.

  • ეს შენ გეხება
    © Sputnik/ Levan Avlabreli

    აქციის მონაწილეები მთავრობის კანცელარიის წინ.

  • ეს შენ გეხება
    © Sputnik/ Levan Avlabreli

    საპატრულო პოლიცია თვალყურს ადევნებდა აქციას, რომელმაც ექსცესების გარეშე ჩაიარა.

  • ეს შენ გეხება
    © Sputnik/ Levan Avlabreli

    აქციის მონაწილეები პროტესტს გამოთქვამდნენ, რომ აქამდე არავინ დასჯილა ფარული ვიდეოკადრების გავრცელების გამო.

  • ეს შენ გეხება
    © Sputnik/ Levan Avlabreli

    პროტესტი გასულ კვირაში პირადი ცხოვრების ამსახველი, ინტიმური ხასიათის ვიდეოკადრების ინტერნეტით გავრცელებას მოჰყვა, რომლის ერთ–ერთი მონაწილე პირი, გავრცელებული ინფორმაციით, პოლიტიკოსი ქალბატონი გახლდათ.