თბილისის ცენტრში განახლდა მშენებლობა, რომელიც რამდენიმე წლის მანძილზე პროექტის TbilisiPlaza ფარგლებში იგეგმებოდა. უნივერმაღ "თბილისის" ადგილზე ა კლასის თანამედროვე სავაჭრო ცენტრი აშენდება.
ა კლასის ახალი სავაჭრო ცენტრის Tbilisi Gallery საერთო ფართობი 22 კვადრატული მეტრი იქნება. ცენტრთან ახლოს 300 მანქანაზე გათვლილი მიწისქვეშა სადგომი აშენდება.
ახალი სავაჭრო ცენტრის მშენებლობა 2017 წლის ზაფხულში დასრულდება. შენობა მოიცავს გრიბოედოვის სახელობისა და თავისუფალ თეატრებს და მეტროსადგურ "თავისუფლების მოედნის" შესასვლელს. ახალ ცენტრში განთავსდება ხუთვარსკვლავიანი სასტუმროც.
პროექტში მონაწილეობს ჰოლანდიური საინვესტიციო ჯგუფი Doryphore Investment BV. დიზაინი შექმნა ცნობილმა ებრაულმა კომპანიამ MOSHE TZUR ARCHITECTS. პროექტს ხელმძღვანელობს ბიძინა ივანიშვილის მიერ სპეციალურად შექმნილი ფონდი. პროექტის საფასური 70 000 000 აშშ დოლარია.
ამ დროისათვის ცენტრის მშენებლობის მოსამზადებელი სამუშაოების ფარგლებში გრიბოედოვის სახელობის თეატრის ეზოში უკვე დაწყებულია მიწისქვეშა სადგომის მშენებლობა და უნივერმაღ "თბილისის" ძველი კონსტრუქციების ნგრევა.
