https://sputnik-georgia.com/20210730/saqarTvelos-internet-provaiders-axali-specmmarTveli-hyavs-252459853.html
საქართველოს ინტერნეტ–პროვაიდერს ახალი სპეცმმართველი ჰყავს
საქართველოს ინტერნეტ–პროვაიდერს ახალი სპეცმმართველი ჰყავს
Sputnik საქართველო
სპეციალურ მმართველს უფლება აქვს, შეაჩეროს ან შეზღუდოს მოგების, დივიდენდების ან პრემიების განაწილება, შეცვალოს ხელფასები. 30.07.2021-ს, Sputnik საქართველო
2021-07-30T10:17+0400
2021-07-30T10:17+0400
2021-10-19T18:02+0400
ეკონომიკა
ახალი ამბები
საქართველოს ეკონომიკა
საქართველო
https://cdnn1.img.sputnik-georgia.com/img/07e5/06/01/251893176_0:100:1921:1180_1920x0_80_0_0_92eb24b75a0148fe49f4507c3b1b713d.jpg
თბილისი, 30 ივლისი – Sputnik. საქართველოს კომუნიკაციების ეროვნულმა კომისიამ კომპანია Caucasus Online-ში („კავკასუს ონლაინი") სპეციალური მმართველი შეცვალა, რომელმაც უნდა გამოასწოროს კომპანია „რკინიგზის ტელეკომის“ წილის გაყიდვისას საკანონმდებლო დარღვევები, ნათქვამია კომუნიკაციების კომისიის განცხადებაში.„ელექტრონული კომუნიკაციების შესახებ“ კანონის თანახმად, იმ შემთხვევაში, თუ ავტორიზებული პირი გაასხვისებს 5%-ზე მეტ წილს, ის ვალდებულია მარეგულირებელ კომისიას მიმართოს მისგან თანხმობის მისაღებად. კომპანიამ წილი ისე გაასხვისა, რომ წინასწარ არ აცნობა ამის შესახებ რეგულატორს, რითიც მოქმედი კანონი დაარღვია.კომისიამ 2019 წლის ოქტომბერში კომპანია გააფრთხილა და დარღვევების აღმოფხვრისთვის ვადა იმავე წლის 3 დეკემბერამდე მისცა. „კავკასუს ონლაინმა“ კომისიის გადაწყვეტილება არ შეასრულა მიუხედავად იმისა, რომ ის ამ დარღვევის გამო ექვსჯერ დაჯარიმდა.ავტორიზაციის შეჩერება ნეგატიურად აისახებოდა 2,5 მილიონზე მეტი აბონენტის ინტერნეტით უზრუნველყოფაზე, ამიტომ კომპანიამ გასული წლის ოქტომბერში სპეციალურ მმართველად მარიამ სულაბერიძის დანიშვნის გადაწყვეტილება მიიღო.ახლა „კავკასუს ონლაინს“ ახალი სპეციალური მმართველი ეყოლება, რადგან სულაბერიძემ თანამდებობა საკუთარი სურვილით დატოვა. ახალი სპეცმმართველი მომხმარებელთა უფლებების ყოფილი საზოგადოებრივი დამცველი თამთა ტეფნაძე იქნება, რომელსაც ამ სფეროში მუშაობის 14-წლიანი გამოცდილება აქვს.ამ თანამდებობაზე ტეფნაძეს უფლება ექნება დანიშნოს ან გაათავისუფლოს დირექტორები, სამეთვალყურეო საბჭოს წევრები და კომპანიის თანამშრომლები. ასევე მას შეუძლია სასამართლოს მიმართოს და ამ გზით კითხვის ნიშნის ქვეშ დააყენოს კომპანიის ბოლო წლის გარიგებების საკითხი.სპეციალურ მმართველს უფლება აქვს შეაჩეროს ან შეზღუდოს მოგების, დივიდენდების ან პრემიების განაწილება, შეცვალოს ხელფასები; ამასთან, კომპანიის ნებისმიერ გადაწყვეტილებას მის გარეშე ძალა არ ექნება.2008 წლიდან „კავკასუს ონლაინი“ 1200 კილომეტრის სიგრძის ოპტიკურ-ბოჭკოვანი წყალქვეშა კაბელის ერთპიროვნული მფლობელია. სწორედ ამ კაბელის მეშვეობით მიეწოდება ტრანზიტით ინტერნეტი ევროპიდან სამხრეთ კავკასიასა და კასპიის ზღვის რეგიონს. ოპტიკურ-ბოჭკოვანი კაბელის დახმარებით, რომელიც შავი ზღვის ფსკერზე გადის, შესაძლებელი გახდა ხარისხიანი ინტერნეტის ტრანზიტი ევროპასა და აზიას შორის.
https://sputnik-georgia.com/20210325/Caucasus-Online-ukanono-mflobelad-azerbaijanuli-kompaniis-Svilibil-dasaxelda-251264961.html
https://sputnik-georgia.com/20200821/internetprovaiderma-bolo-gafrTxileba-miiRo-Caucasus-Online-249255366.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ეკონომიკა, ახალი ამბები, საქართველოს ეკონომიკა, საქართველო
ეკონომიკა, ახალი ამბები, საქართველოს ეკონომიკა, საქართველო
საქართველოს ინტერნეტ–პროვაიდერს ახალი სპეცმმართველი ჰყავს
10:17 30.07.2021 (განახლებულია: 18:02 19.10.2021) სპეციალურ მმართველს უფლება აქვს, შეაჩეროს ან შეზღუდოს მოგების, დივიდენდების ან პრემიების განაწილება, შეცვალოს ხელფასები.
თბილისი, 30 ივლისი – Sputnik. საქართველოს კომუნიკაციების ეროვნულმა კომისიამ კომპანია Caucasus Online-ში („კავკასუს ონლაინი") სპეციალური მმართველი შეცვალა, რომელმაც უნდა გამოასწოროს კომპანია „რკინიგზის ტელეკომის“ წილის გაყიდვისას საკანონმდებლო დარღვევები, ნათქვამია კომუნიკაციების კომისიის
განცხადებაში.
„ელექტრონული კომუნიკაციების შესახებ“ კანონის თანახმად, იმ შემთხვევაში, თუ ავტორიზებული პირი გაასხვისებს 5%-ზე მეტ წილს, ის ვალდებულია მარეგულირებელ კომისიას მიმართოს მისგან თანხმობის მისაღებად. კომპანიამ წილი ისე გაასხვისა, რომ წინასწარ არ აცნობა ამის შესახებ რეგულატორს, რითიც მოქმედი კანონი დაარღვია.
კომისიამ 2019 წლის ოქტომბერში კომპანია გააფრთხილა და დარღვევების აღმოფხვრისთვის ვადა იმავე წლის 3 დეკემბერამდე მისცა. „კავკასუს ონლაინმა“ კომისიის გადაწყვეტილება არ შეასრულა მიუხედავად იმისა, რომ ის ამ დარღვევის გამო ექვსჯერ დაჯარიმდა.
ავტორიზაციის შეჩერება ნეგატიურად აისახებოდა 2,5 მილიონზე მეტი აბონენტის ინტერნეტით უზრუნველყოფაზე, ამიტომ კომპანიამ გასული წლის ოქტომბერში სპეციალურ მმართველად მარიამ სულაბერიძის დანიშვნის გადაწყვეტილება მიიღო.
ახლა „კავკასუს ონლაინს“ ახალი სპეციალური მმართველი ეყოლება, რადგან სულაბერიძემ თანამდებობა საკუთარი სურვილით დატოვა. ახალი სპეცმმართველი მომხმარებელთა უფლებების ყოფილი საზოგადოებრივი დამცველი თამთა ტეფნაძე იქნება, რომელსაც ამ სფეროში მუშაობის 14-წლიანი გამოცდილება აქვს.
ამ თანამდებობაზე ტეფნაძეს უფლება ექნება დანიშნოს ან გაათავისუფლოს დირექტორები, სამეთვალყურეო საბჭოს წევრები და კომპანიის თანამშრომლები. ასევე მას შეუძლია სასამართლოს მიმართოს და ამ გზით კითხვის ნიშნის ქვეშ დააყენოს კომპანიის ბოლო წლის გარიგებების საკითხი.
სპეციალურ მმართველს უფლება აქვს შეაჩეროს ან შეზღუდოს მოგების, დივიდენდების ან პრემიების განაწილება, შეცვალოს ხელფასები; ამასთან, კომპანიის ნებისმიერ გადაწყვეტილებას მის გარეშე ძალა არ ექნება.
2008 წლიდან „კავკასუს ონლაინი“ 1200 კილომეტრის სიგრძის ოპტიკურ-ბოჭკოვანი წყალქვეშა კაბელის ერთპიროვნული მფლობელია. სწორედ ამ კაბელის მეშვეობით მიეწოდება ტრანზიტით ინტერნეტი ევროპიდან სამხრეთ კავკასიასა და კასპიის ზღვის რეგიონს. ოპტიკურ-ბოჭკოვანი კაბელის დახმარებით, რომელიც შავი ზღვის ფსკერზე გადის, შესაძლებელი გახდა ხარისხიანი ინტერნეტის ტრანზიტი ევროპასა და აზიას შორის.
