ირაკლი ღარიბაშვილი

საქართველოს ეკონომიკა აღდგება პრემიერის პროგნოზი

49
(განახლებულია 21:42 20.07.2021)
ეკონომიკის ზრდამ ბიუჯეტში დამატებითი რესურსების მობილიზების საშუალება მოგვცა და პარლამენტში დოკუმენტის კორექტირებული ვარიანტი შევიდა, განაცხადა ღარიბაშვილმა.

თბილისი, 20 ივლისი – Sputnik. საქართველოს ეკონომიკის რეალური ზრდის საშუალო მაჩვენებელი ექვს თვეში დაახლოებით 12% იქნება, განაცხადა საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე სამშაბათს.

სტატისტიკის ეროვნული სამსახურის „საქსტატის“ მონაცემებით, საქართველოში აპრილიდან აღდგენის საკმაოდ სწრაფი პროცესი მიმდინარეობს, რაც პრაქტიკულად ეკონომიკის ყველა პარამეტრზე აისახება. ესაა ექსპორტისა და იმპორტის, ფულადი გადარიცხვებისა და საწარმოების ბრუნვის ზრდა. ეკონომიკურმა ზრდამ აპრილში 45% შეადგინა, ხოლო ზრდამ წლის დასაწყისიდან ხუთ თვეში – 11,5%.

„წინასწარი ინფორმაცია მაქვს, რომ ივნისის თვეში გვექნება ასევე საკმაოდ მაღალი ზრდა და ეს იქნება ორნიშნა ეკონომიკური ზრდა, დაახლოებით 15-დან 18%-მდე. საბოლოო ჯამში, გამოდის, რომ პირველ ექვს თვეში ჩვენი ქვეყნის ეკონომიკა გაიზრდება დაახლოებით 12%-ით“, – განაცხადა პრემიერმა.

მისი თქმით, ეკონომიკის ასეთმა ზრდამ ბიუჯეტში დამატებითი რესურსების მობილიზების საშუალება მოგვცა, ამიტომ ფინანსთა მინისტრმა შესაბამისი ცვლილებები მოამზადა და პარლამენტს სახელმწიფო ბიუჯეტის კორექტირებული ვარიანტი წარუდგინა.

ძირითადი მიზეზი იმისა, რომ მთავრობამ პარლამენტში განსახილველად სახელმწიფო ბიუჯეტის განახლებული ვერსია შეიტანა, ეკონომიკური ზრდა გახდა. შესწორებების მიხედვით, ბიუჯეტის დეფიციტის მაჩვენებლები 7,5-დან 6,9 პროცენტამდე მცირდება, ხოლო სახელმწიფო ვალის მაჩვენებელი – მშპ-ის 60-დან 54,6%-მდე.

ცვლილებებს 2021 წლის სახელმწიფო ბიუჯეტში პარლამენტის პლენარულ სხდომაზე რიგგარეშე სესიის ფარგლებში 23 ივლისს განიხილავენ.

ფინანსთა სამინისტრომ გადახედა 2021 წლის რეალური ეკონომიკური ზრდის პროგნოზს და განაცხადა, რომ მაისისა და ივნისის მაჩვენებლების გათვალისწინებით ზრდა 6,5-დან 7,7%-მდე იქნება, ხოლო მშპ-ის ნომინალური მაჩვენებელი – 57,2 მლრდ ლარამდე.

ოპტიმისტური სცენარით, საქართველოში ეკონომიკური ზრდაა მოსალოდნელი და ის 10,2%-ს მიაღწევს, ხოლო ნომინალურ გამოხატვაში – 58,8 მლრდ ლარს. ამასთან შემცირდება ბიუჯეტის დეფიციტი და ვალი მშპ-სთან მიმართებით. კერძოდ, ბიუჯეტის დეფიციტი შეადგენს მშპ-ის 6,2%-ს, ხოლო სახელმწიფო ვალი – მშპ-ის 53,1%-ს.

49
თემები:
საქართველოს ეკონომიკა (1115)
ახალი მაღალტექნოლოგიური საწარმო „ფაბრიკა 1900“

რეკორდული ეკონომიკური ზრდა საქართველოში - გამოქვეყნდა ახალი სტატისტიკა

52
(განახლებულია 09:38 31.07.2021)
2021 წლის ივნისში, გასული წლის ანალოგიურ პერიოდთან შედარებით, ეკონომიკის პრაქტიკულად ყველა სფეროში ზრდა შეინიშნება.

თბილისი, 31 ივლისი - Sputnik. საქართველოს ეკონომიკის აღდგენა გრძელდება - მშპ-ს ზრდამ ივნისში 18,7% შეადგინა გასული წლის იმავე პერიოდთან შედარებით, აღნიშნულია სტატისტიკის ეროვნული სამსახურის განცხადებაში.

ამავე დროს, საქართველოს ეკონომიკა მეორე კვარტალში გასული წლის ანალოგიურ პერიოდთან შედარებით 29,8%-ით გაიზარდა.

2020 წლის ივნისში ეკონომიკურმა ვარდნამ 7,7% შეადგინა. კორონავირუსის პანდემიით გამოწვეული ეკონომიკის ვარდნის ტემპი შემცირდა - 2021 წლის თებერვალში, გასული წლის იმავე პერიოდთან შედარებით, მშპ 5,1%-ით შემცირდა.

რეალური ზრდის საშუალო მაჩვენებელი წლის დასაწყისიდან ხუთ თვეში 11,5%-ს შეადგენს.

2021 წლის ივნისში წინა წლის შესაბამის პერიოდთან შედარებით, ზრდის ტენდენცია გამოვლინდა თითქმის ყველა სექტორში. ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, საფინანსო და სადაზღვევო  საქმიანობა, ვაჭრობა, უძრავ ქონებასთან დაკავშირებული საქმიანობა, სასტუმროები და რესტორნები, მშენებლობა, ტრანსპორტი და დასაწყობება. კლება დაფიქსირდა მხოლოდ სამთო-მოპოვებით მრეწველობაში.

საქართველო 2021 წელს ეკონომიკის რეკორდულ ზრდას ელოდება

2021 წელს ეკონომიკური ზრდა 7,7%-ს შეადგენს, რაც დადებითად აისახება სამუშაო ადგილებზე, განუცხადა ჟურნალისტებს ეკონომიკისა და მდგრადი განვითარების მინისტრმა ნათია თურნავამ.

„მოლოდინი გვაქვს, რომ, ჯერ ერთი, შესრულდება ვარაუდი, რომ მიმდინარე წელი სულ მცირე 7,7%-იანი ეკონომიკური ზრდით დასრულდება, ასევე გაიზრდება დასაქმება“, – განაცხადა თურნავამ.

მისი განცხადებით, ივნისში ეკონომიკა გაიზარდა არამხოლოდ 2020 წელთან შედარებით, არამედ 2019 წელთანაც, როდესაც საქართველოს ეკონომიკის დონე სწრაფად ვითარდებოდა.

„ივნისში საკმაოდ მაღალი – 18,7%- იანი ეკონომიკის ზრდა დაფიქსირდა, რაც მართლაც უპრეცედენტოდ მაღალია ამ პერიოდისთვის. ამასთან, ზრდა გვაქვს არა მხოლოდ 2020 წლის ივნისთან შედარებით. 2019 წლის ანალოგიურ პერიოდს თუ შევადარებთ, წელს 9%-იანი ზრდა დაფიქსირდა“, - განაცხადა თურნავამ.

მინისტრის თქმით, მნიშვნელოვანია, რომ ზრდა არის პრაქტიკულად ყველა დარგში და განსაკუთრებით გამოირჩევიან მსხვილი დამსაქმებლები - გადამამუშავებელი მრეწველობა, საბანკო და საფინანსო სექტორი, სასტუმრო და სხვა განთავსების ობიექტები, მშენებლობა და ვაჭრობა.

ამას წინათ ფინანსთა სამინისტრომ გადახედა საქართველოს 2021 წლის ეკონომიკური ზრდის პროგნოზს. იხილება ზრდის სამი სცენარი - საბაზო 7,7%, ოპტიმისტური 10,2% და პესიმისტური 4,3%. პროგნოზით, მშპ მაღალი იქნება 2022 წელსაც და 6,9%-ს მიაღწევს.

52
ვალუტის გაცვლის პუნქტი

ლარის კურსი 31 ივლისს

71
(განახლებულია 06:50 31.07.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0047 ლარით გაუფასურდა.

თბილისი, 31 ივლისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1244 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0047 ლარით გაუფასურდა.

ლარის კურსი 31 ივლისს
ლარის კურსი 31 ივლისს
71
თემები:
ლარის კურსი დღეს
სეისმოგრაფი

საქართველოში მიწისძვრა მოხდა კვლავ სოფელ სამებასთან

0
მიწისძვრის ეპიცენტრი დმანისის მუნიციპალიტეტში, სოფელ სამებასთან ახლოს, ცხრა კილომეტრ სიღრმეში მდებარეობდა

თბილისი, 1 აგვისტო – Sputnik. დმანისიდან 24 კილომეტრში, სოფელ სამებასთან 3,1 მაგნიტუდის მიწისძვრა დაფიქსირდა, იუწყება სეისმური მონიტორინგის ეროვნული ცენტრი.

სეისმოლოგი: გახშირებული მიწისძვრები საქართველოში საყურადღებოა>>

მიწისქვეშა ბიძგები თბილისის დროით 21:09 საათზე დაფიქსირდა. ეპიცენტრი 9 კმ სიღრმეში მდებარეობდა.

ივნისსა და ივლისში სეისმოლოგებმა ამ ტერიტორიაზე 3,0–4,0 მაგნიტუდის ორ ათეულამდე მიწისძვრა დააფიქსირეს.

0
თემები:
შემთხვევები საქართველოში