მეშახტეები ტყიბულში

ოზურგეთში გაფიცვა შეწყდა თანამშრომლებმა ადმინისტრაციასთან შეთანხმებას მიაღწიეს

29
(განახლებულია 21:30 10.06.2021)
გურიაში ფქვილის საწარმოს თანამშრომლები ხელფასის მომატებასა და შრომის პირობების გაუმჯობესებას მოითხოვდნენ.

თბილისი, 10 ივნისი – Sputnik. ოზურგეთში ფქვილის საწარმო „გურია ექსპრესის“ თანამშრომლებმა 36-დღიანი გაფიცვა დაასრულეს. ამის შესახებ „Sputnik–საქართველოს“ კომპანიის ადმინისტრაციაში აცნობეს.

როგორც კომპანიაში აღნიშნავენ, მხარეები შეთანხმდნენ და თანამშრომლების ყველა მოთხოვნა დაკმაყოფილდება.

„ახალ კონტრაქტებს ხელი, სავარაუდოდ, შაბათს მოეწერება. ჯერჯერობით ზეპირი შეთანხმება დავდეთ. მას შემდეგ, რაც შეთანხმებას ხელი მოეწერება, თანამშრომლები სამუშაო ადგილებს დაუბრუნდებიან“, – განუცხადეს „Sputnik–საქართველოს“ კომპანიაში.

გაფიცულები მუშაობას, სავარაუდოდ, ორშაბათს განაახლებენ.

„გურია ექსპრესის“ თანამშრომლები ხელფასების მომატებას, სამუშაო პირობებისა და უსაფრთხოების ნორმების გაუმჯობესებას მოითხოვდნენ.

ფქვილის საწარმო, რომელიც აწარმოებს ფქვილ „გულისტანს“ და აქვს საკუთარი ლაბორატორია, დასავლეთ საქართველოში 20 წელზე მეტია ფუნქციონირებს.

29
თემები:
საქართველოს ეკონომიკა (1065)
ვალუტის გადამცვლელი პუნქტი

ლარის კურსი 19 ივნისს

43
(განახლებულია 09:52 19.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

თბილისი, 19 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1681 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

ლარის კურსი 19 ივნისს

 

43
მზის პანელების მწარმოებელი ქარხანა ქუთაისში

დაზუსტდა პირველ კვარტალში საქართველოში ეკონომიკის ვარდნის მაჩვენებელი

25
(განახლებულია 08:52 19.06.2021)
მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

თბილისი, 19 ივნისი – Sputnik. საქართველოში 2021 წლის პირველ კვარტალში მშპ-ის (მთლიანი შიდა პროდუქტი) შემცირებამ 4,5% შეადგინა 2020 წლის იანვარ-მარტთან შედარებით, იუწყება საქართველოს სტატისტიკის ეროვნული სამსახური „საქსტატი“.

წინასწარი მონაცემებით, ეკონომიკის ვარდნა პირველ კვარტალში 4,2%-ს შეადგენდა.

დაზუსტებული მონაცემებით, მიმდინარე ფასებში 2021 წლის 1 კვარტალში მშპ-ის მოცულობამ 3,4 მლრდ დოლარი შეადგინა. აღნიშნულ პერიოდში დეფლატორმა 6,8% შეადგინა. მშპ ერთ სულ მოსახლეზე საანგარიშო პერიოდში 912,5 დოლარს შეადგენდა (ერთი წლის წინ – 1.016,3 დოლარს).

სფეროები – ლიდერები ზრდის მიხედვით

ყველაზე მეტი შემცირება 2021 წლის პირველ   კვარტალში აჩვენა სასტუმრო ბიზნესის, ადმინისტრაციული საქმიანობის, ასევე დასვენებისა და გართობის სფეროებმა.

ეკონომიკის სფეროების ტოპ-5 2021 წლის I კვარტალში ყველაზე დიდი ვარდნით

ეკონომიკის სფერო ვარდნა, %
სასტუმრო ბიზნესი 54,0
ადმინისტრაციული საქმიანობა 34,0
დასვენება და გართობა 25,4
მშენებლობა     19,4
ტრანსპორტი 9,0

ყველაზე დიდი ზრდა დაფიქსირდა სამთომომპოვებელ (50,3%), საფინანსო (24%) და კავშირგაბმულობის (16,8%) სფეროებში.

მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

ეკონომიკის სფეროების ტოპ-5 2021 წლის I კვარტალში მშპ-ის სტრუქტურაში ყველაზე მაღალი ხვედრითი წონით

ეკონომიკის სფერო ხვედრითი წონა მშპ-ში %
ვაჭრობა   14,9
უძრავ ქონებასთან დაკავშირებული ოპერაციები 11,8
გადამამუშავებელი მრეწველობა 10,6
სახელმწიფო მმართველობა 8,3
მშენებლობა     6,8

                    

 

  

    

    

 

 

25
მომავლის გზა - მამა და შვილი

საქართველოში მამის დღე აღინიშნება

0
(განახლებულია 14:41 19.06.2021)
მამის დღე ახსენებს საზოგადოებას, თუ რამდენად დიდია შვილების აღზრდის პროცესში მამების ჩართულობა და აქტივობა.

თბილისი, 19 ივნისი — Sputnik. საქართველოში 20 ივნისს მამის საერთაშორისო დღეს აღნიშნავენ.

მამის დღე საქართველოში, გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია Care Together-ის ინიციატივით, კამპანიის „კაცები ზრუნავენ“ ფარგლებში წელს მეექვსედ აღინიშნება.

ამ დღის აღსანიშნავად ზუგდიდსა და ოზურგეთში რამდენიმე ღონისძიება იგეგმება.

კერძოდ, 19 ივნისს, 12:00 საათიდან 17:00 საათამდე, ზუგდიდის სპორტულ დარბაზში მამებისა და შვილებისთვის გაიმართება ტექნოლოგიური ვორქშოპი.

ვორქშოპის მიმდინარეობისას მამები და შვილები ერთად იმუშავებენ ტექნოლოგიურ პროექტებზე, რაც, ერთი მხრივ, დააახლოებს მათ და, მეორე მხრივ, ბავშვების ტექნოლოგიებით დაინტერესებას შეუწყობს ხელს.

შეხვედრა ილიას სახელმწიფო უნივერსიტეტთან და საქართველოს ინოვაციებისა და ტექნოლოგიების სააგენტოსთან თანამშრომლობით გაიმართება.

ასევე, 19 ივნისს, 18:00 საათზე, ზუგდიდის ბოტანიკურ ბაღში გაიმართება წიგნის „მამები და შვილები“ პრეზენტაცია, რომელიც 2020 წელს გამომცემლობა „არტანუჯის“ მიერ გამოიცა.

წიგნში თავმოყრილია 13 წლის მუხრან მაჭავარიანის წერილი მამისადმი, ოთარ და თაკო ჭილაძეები, გელა ჩარკვიანი და მისი შვილები – ირაკლი და თეონა, ფრიდონ და ზაზა ხალვაშები, ვახტანგ და ირინა ჯავახაძეები, ბაჩანა ბრეგვაძე და მისი ქალიშვილები ქეთევანი და ანა. ასევე ამ წიგნში შეგხვდებათ, თუ რას წერდნენ ერთმანეთს და ერთმანეთის შესახებ მიხეილ და ქეთევან ჯავახიშვილები, პაოლო და მედეა იაშვილები, კონსტანტინე და ზვიად გამსახურდიები.

ღონისძიებას ზვიად კვარაცხელია და დავით გორგილაძე გაუძღვებიან.

ხვალ, 20 ივნისს, ოზურგეთში, კაფეში „8+1“, საბავშვო წიგნის „ლუნა და ციცინათელების პლანეტა“ პრეზენტაცია გაიმართება.

წიგნის ავტორი დავით გორგილაძეა. წიგნი ერთი ჩვეულებრივი ოჯახის თავგადასავლებზე მოგვითხრობს, რომლის გარშემოც ჯადოსნური ამბები ხდება, დედა და მამა თანაბრად ინაწილებენ შვილების აღზრდის პასუხისმგებლობასა და საოჯახო საქმეებს. უახლოეს ადამიანებზე ყოველდღიური ზრუნვა და საერთო გამოწვევების გააზრება ამ ოჯახის ბედნიერებისა და ჰარმონიის საფუძველია.

ღონისძიებას წიგნის ავტორები, მწერალი დათო გორგილაძე და ილუსტრატორი თათია ნადარეიშვილი გაუძღვებიან.

მამის დღე არის დღესასწაული, რომელიც ბევრ ქვეყანაში მამობის აღსანიშნავად და მამების პატივსაცემად ყოველწლიურად აღინიშნება. ის, როგორც წესი, ივნისის მესამე კვირა დღეს იმართება. დღესასწაული პირველად აშშ-ში 1910 წლის 19 ივნისს აღინიშნა.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია We Care-ის ინიციატივით საქართველოში 2016 წელს დაიწყო კამპანია „კაცები ზრუნავენ“ გაეროს ერთობლივი პროგრამის „გენდერული თანასწორობისთვის" ფარგლებში და შვედეთის მთავრობის ფინანსური მხარდაჭერით.

0