გაზკომპრესორული სადგური

საქართველოში მიწისქვეშა გაზსაცავის მშენებლობაზე მოლაპარაკებები დაიწყო

49
(განახლებულია 16:21 09.06.2021)
უკვე მომზადებულია პროექტის ტექნიკურ-ეკონომიკური დასაბუთება, გარემოზე ზემოქმედების შეფასების ანგარიში და შესაბამისი კანონმდებლობის პროექტი.

თბილისი, 9 ივნისი — Sputnik. გამოვლინდა კომპანია, რომელიც საქართველოში პირველ მიწისქვეშა გაზსაცავს ააშენებს, და მასთან ხელშეკრულების გაფორმების მიზნით მოლაპარაკებები გრძელდება, ნათქვამია მინისტრთა კაბინეტის მიერ სამთავრობო პროგრამის შესრულების შესახებ მოხსენებაში, რომელიც პრემიერ-მინისტრმა პარლამენტს წარუდგინა.

საქართველოში 300 მილიონი კუბური მეტრის მოცულობის მიწისქვეშა გაზსაცავის მშენებლობაზე საუბარი გასული საუკუნის 90-იანი წლებიდან დაიწყო. პროექტმა ახალი სიცოცხლე მას შემდეგ შეიძინა, რაც მთავრობამ საცავის ასაშენებლად ტენდერი გამოაცხადა. მშენებლობა 2022 წლისთვის უნდა დასრულებულიყო, მაგრამ პროექტის განხორციელების სირთულის გამო ვადები 2024 წლამდე გადაიწია.

ტენდერის ფარგლებში უკვე გამოვლინდა კომპანია, რომელიც გარდაბანში ააშენებს მიწისქვეშა გაზსაცავს და რომელთანაც ხელშეკრულების გაფორმების მიზნით გაგრძელდება მოლაპარაკებები.

მთავრობის მონაცემებით, უკვე მომზადებულია პროექტის ტექნიკურ-ეკონომიკური დასაბუთება, გარემოზე ზემოქმედების შეფასების ანგარიში და მიწისქვეშა გაზსაცავის მოწყობა–ოპერირების მარეგულირებელი შესაბამისი კანონმდებლობის პროექტი.

მიწისქვეშა გაზსაცავის მშენებლობის პროექტის საერთო ღირებულება დაახლოებით 250 მლნ ევროს შეადგენს, დაფინანსება მოხდება „საქართველოს ნავთობისა და გაზის კორპორაციის" სახსრებით, რომლებსაც ის საერთაშორისო საფინანსო ინსტიტუტებიდან მოიძიებს.

საქართველო ამ დროისათვის ერთადერთი ქვეყანაა ამიერკავკასიაში, რომელსაც საკუთარი მიწისქვეშა გაზსაცავი არ გააჩნია. საქართველოს გაზმომარაგება მხოლოდ იმპორტის ხარჯზე ხორციელდება.

საქართველოში გაზის ძირითადი მომწოდებელი აზერბაიჯანია.

 

49
ვალუტის გადამცვლელი პუნქტი

ლარის კურსი 19 ივნისს

45
(განახლებულია 09:52 19.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

თბილისი, 19 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1681 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

ლარის კურსი 19 ივნისს

 

45
მზის პანელების მწარმოებელი ქარხანა ქუთაისში

დაზუსტდა პირველ კვარტალში საქართველოში ეკონომიკის ვარდნის მაჩვენებელი

26
(განახლებულია 08:52 19.06.2021)
მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

თბილისი, 19 ივნისი – Sputnik. საქართველოში 2021 წლის პირველ კვარტალში მშპ-ის (მთლიანი შიდა პროდუქტი) შემცირებამ 4,5% შეადგინა 2020 წლის იანვარ-მარტთან შედარებით, იუწყება საქართველოს სტატისტიკის ეროვნული სამსახური „საქსტატი“.

წინასწარი მონაცემებით, ეკონომიკის ვარდნა პირველ კვარტალში 4,2%-ს შეადგენდა.

დაზუსტებული მონაცემებით, მიმდინარე ფასებში 2021 წლის 1 კვარტალში მშპ-ის მოცულობამ 3,4 მლრდ დოლარი შეადგინა. აღნიშნულ პერიოდში დეფლატორმა 6,8% შეადგინა. მშპ ერთ სულ მოსახლეზე საანგარიშო პერიოდში 912,5 დოლარს შეადგენდა (ერთი წლის წინ – 1.016,3 დოლარს).

სფეროები – ლიდერები ზრდის მიხედვით

ყველაზე მეტი შემცირება 2021 წლის პირველ   კვარტალში აჩვენა სასტუმრო ბიზნესის, ადმინისტრაციული საქმიანობის, ასევე დასვენებისა და გართობის სფეროებმა.

ეკონომიკის სფეროების ტოპ-5 2021 წლის I კვარტალში ყველაზე დიდი ვარდნით

ეკონომიკის სფერო ვარდნა, %
სასტუმრო ბიზნესი 54,0
ადმინისტრაციული საქმიანობა 34,0
დასვენება და გართობა 25,4
მშენებლობა     19,4
ტრანსპორტი 9,0

ყველაზე დიდი ზრდა დაფიქსირდა სამთომომპოვებელ (50,3%), საფინანსო (24%) და კავშირგაბმულობის (16,8%) სფეროებში.

მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

ეკონომიკის სფეროების ტოპ-5 2021 წლის I კვარტალში მშპ-ის სტრუქტურაში ყველაზე მაღალი ხვედრითი წონით

ეკონომიკის სფერო ხვედრითი წონა მშპ-ში %
ვაჭრობა   14,9
უძრავ ქონებასთან დაკავშირებული ოპერაციები 11,8
გადამამუშავებელი მრეწველობა 10,6
სახელმწიფო მმართველობა 8,3
მშენებლობა     6,8

                    

 

  

    

    

 

 

26
ნიკოლოზ წულუკიძე ამსტერდამში

ნიკოლოზ წულუკიძე: „შემიძლია ადამიანების მიმართ ძალიან დიდი სითბო გავცე“

0
(განახლებულია 17:07 19.06.2021)
ნიკოლოზ წულუკიძე საკუთარ თავზე საუბრობს, იხსენებს ბავშვობას და განმარტავს თუ რა მნიშვნელობა აქვს მისთვის პოპულარობას.

 

წულუკიძე
„ბებიაჩემი რომ რეკავს ხოლმე, სულ ვაფარებ ყურმილს ხელს, რომ არავინ გაიგოს. ის ჩემთან საუბარს სულ სიმღერით და მოფერებით იწყებს: „ბებოს სიხარულებოო“!.. ვფიქრობ, ყველა ადამიანს, ვინც პოპულარობისთვის იღწვის, იმის განცდა აქვს ხოლმე, რომ განსაკუთრებულია“, -ამბობს ნიკოლოზ წულუკიძე.

თეატრმცოდნე და ტელეწამყვანი ნიკოლოზ წულუკიძის თქმით, მას ადამიანებისადმი სიყვარულისა და სითბოს გაცემა ბავშვობიდან ასწავლეს და სურვილს გამოთქვამს, რომ ყველა ადამიანმა უშურველად გასცეს სიკეთე და სიყვარული.

0