თბილისის ხედები

დაიწყო თუ არა ლარმა უკუსვლა?

1177
(განახლებულია 19:58 10.06.2021)
საით გადაიხრება სასწორი, რა ტენდენციას შეინარჩუნებს ლარი მოკლე და საშუალოვადიან პერიოდში? ეროვნული ვალუტის გამყარების მიუხედავად ინფლაცია გაიზარდა, რატომ?

სამსონ ხონელი

წინამდებარე სტატიის პროლოგად ეროვნული ბანკის ყოფილი პრეზიდენტის, ამჟამად კი „ერთიანი ნაციონალური მოძრაობის“ ერთ-ერთი ლიდერისა და პარლამენტის წევრის რომან გოცირიძის სიტყვებს მოვიშველიებ:

„რა ხდება 2021 წელს? იგივე, რაც წინა წლებში. ლარი იწყებს სეზონურ გამყარებას... რატომ არის ეს პროცესი აშკარა სეზონური შინაარსის მატარებელი? არა მხოლოდ იმიტომ, რომ თბილი ამინდებია, არამედ იმიტომ, რომ ფინანსური ნაკადები ამ პერიოდში სხვანაირად მოძრაობს. ბიუჯეტის ხარჯვით ნაწილში მუდმივი ჩამორჩენაა. საბიუჯეტო რესურსების ინტენსიური „ათვისება“ წლის მეორე ნახევარში იწყება. ასე რომ, დავანებოთ თავი ტვინის ჭყლეტას იმაზე, თუ რა მოსდის ლარს. ისიამოვნეთ იმით, რაც გვაქვს. ლარი ყოველთვის ასე ხომ არ გვანებივრებს?! თანაც ვიცით, რომ ეს სიამოვნება დიდხანს არ გასტანს“, − წერს რომან გოცირიძე სოციალურ ქსელში.

ეს სიამოვნება დიდხანს არ გასტანსო − ბრძანა ყოფილმა მთავარმა ბანკირმა და, ვეჭვობ, დანავსა ეროვნული ვალუტა. ფაქტი ჯიუტია, ვარაუდი გამართლდა. თავად განსაჯეთ, ერთთვიანი მკვეთრი გამყარების შემდეგ მიმდინარე სამუშაო კვირა ეროვნულმა ვალუტამ უმნიშვნელო გაუფასურებით დაიწყო. Bloomberg-ის სავაჭრო პლატფორმაზე 1 ამერიკული დოლარის ღირებულება 3.150-3.165 ლარის ფარგლებში მერყეობდა.

ბიზნეს–ასოციაციის აღმასრულებელმა დირექტორმა ლევან ვეფხვაძემ განაცხადა, რომ ლარის კურსის კვლავ გაუფასურება ბუნებრივი პროცესია. იმ შემთხვევაში, თუ ეროვნული ვალუტის კურსთან მიმართებაში პოზიტიური მოლოდინები იქნება, ლარის გაცვლითი კურსი რეალურ ნიშნულს დაუახლოვდება.

„არსებობს რეალური და რეალური ეფექტური გაცვლითი კურსი, რომელიც გვაძლევს კარგ ინდიკატორს – ჩვენი სავაჭრო პარტნიორების ვალუტებთან მიმართებით როგორია ლარის კურსი. ლარი იმაზე მეტად იყო გაუფასურებული, ვიდრე ამის საშუალებას ეფექტური გავლითი კურსი იძლეოდა. შესაბამისად, არ მიკვირს, რომ ლარი დაუბრუნდა 3.15–3.16 ნიშნულს. ეს იყო დაახლოებით ის, რასაც სამი კვირის წინ ვპროგნოზირებდით. ჩვენ ვამბობდით, რომ იყო სპეკულაციური განწყობები, არ იყო ნდობა და, შესაბამისად, ლარი იმაზე უფრო ძვირი იყო, ვიდრე ეს ჩანდა ეფექტური გაცვლითი კურსით“, − განაცხადა ლევან ვეფხვაძემ.

სტატიის სათაურში დასმულ კთხვაზე − დაიწყო თუ არა ლარმა უკუსვლა, პასუხს, იმედია, უახლოეს დღეებში მივიღებთ. მანამდე კი შეგახსენებთ, რომ ჯერ კიდევ ერთი თვის წინ 1 ამერიკული დოლარი 3.4430 ლარი ღირდა. მაისის თვის მეორე ნახევრიდან დაწყებული ივნისის თვის პირველი კვირის ჩათვლით ეროვნული ვალუტა 36.4 თეთრით, ანუ 11,6 პროცენტით გამყარდა და შედეგად – ამერიკული დოლარის მიმართ ლარის კურსი გასული წლის სექტემბრის დასაწყისის მაჩვენებელს დაუბრუნდა.

ლარის მკვეთრი გამყარების მიზეზად ანალიტიკოსებმა რამდენიმე ფაქტორი დასახელეს. კერძოდ: შემსუბუქდა COVID-19-ის პანდემიის გამო დაწესებული მკაცრი შეზღუდვები; კომენდატის საათმა ორი საათით გადაინაცვლა; რესტორნებსა და კვების სხვა ობიექტებს მუშაობის უფლება უკვე უქმე დღეებშიც მიეცათ. ზოგადად, გააქტიურდა ეკონომიკური საქმიანობა. მაისის თვის სტატისტიკური მონაცემები ჯერჯერობით უცნობია, მიმდინარე წლის აპრილის თვეში კი, გასული წლის ანალოგიურ პერიოდთან შედარებით, ექსპორტი თითქმის 70 პროცენტით გაიზარდა. ცნობილია, რომ პანდემიის დაწყებიდან მაისის თვეში ქვეყანაში რეკორდული რაოდენობის − 104.700 ვიზიტორი იმყოფებოდა, რაც წინა წელთან შედარებით 180 პროცენტით მეტია. სტატისტიკური მონაცემებით ირკვევა, რომ გასული თვის განმავლობაში ვიზიტორთა ნახევარზე მეტი – 52.688 ვიზიტორი ქვეყანაში საჰაერო გზით შემოვიდა, რაც თავის მხრივ ბოლო პერიოდში გააქტიურებულ საჰაერო მიმოსვლას უკავშირდება. ეროვნული ბანკის მიერ მონეტარული პოლიტიკის გამკაცრების შედეგად რეფინანსირების სესხის ჯამური მოცულობა 3 მილიარდი ლარიდან 980 მილიონ ლარამდე შემცირდა. რეკორდულად გაიზარდა უცხოეთიდან ფულადი გზავნილების მოცულობა... მაკროეკონომიკური პარამეტრების მკვეთრად გაუმჯობესების შედეგად, განახლებული ოპტიმისტური პროგნოზით, მიმდინარე წლის ბოლოს ეკონომიკური ზრდის მაჩვენებელი, ნაცვლად 5,5 პროცენტისა, 6-7 პროცენტის ფარგლებში იქნება...

ეს ყველაფერი კარგია და იმედის მომცემი, მაგრამ ცხოვრება სულ უფრო ძვირდება. მაისის თვეში, აპრილის თვესთან შედარებით, ინფლაციის მაჩვენებელმა 0,5 პროცენტით მოიმატა და წლიური 7,7 პროცენტი შეადგინა. როგორც ანალიტიკოსები აღნიშნავენ, სტატისტიკის ეროვნულ სამსახურს პურის ფქვილსა და ელექტროენერგიაზე სუბსიდირება ფასების შენარჩუნების ნაცვლად გაძვირებად რომ ჩაეთვალა, ინფლაციის ორნიშნა მაჩვენებელი გვექნებოდა. როდის აისახება ეროვნული ვალუტის გამყარება ფასებზე? − დაინტერესდება მკითხველი და თუ გავითვალისწინებთ, რომ ანალიტიკოსები ფასების ზრდის ერთ-ერთ ძირითად მიზეზად ლარის გაუფასურებას ასახელებენ, მართალიც იქნება. საკამათო არ არის, რომ შეკითხვა ლოგიკურია და შესაბამის პასუხსაც მოითხოვს. არადა, სასიკეთო პირი არ უჩანს. ვერაფრით გაგახარებთ. ანალიტიკოსთა უმრავლესობის მოსაზრებით, მიმდინარე წელს ფასების შემცირება ნაკლებად სავარაუდოა.

„რა თქმა უნდა, ფასების ზრდის დინამიკას ლარის გამყარება მნიშვნელოვნად შეაკავებს, მაგრამ მომდევნო თვეებში გვაქვს გასული წლიდან გადმოყოლილი ე.წ. დაბალი საბაზრო ეფექტი. ამიტომ საკამათოა, წელსვე შევძლებთ თუ არა წლიური ინფლაციის შეკავებას და შემცირებას. სხვა საკითხია, რომ თუ ლარის გამყარება ასე გაგრძელდა, დიდი შანსია, მომდევნო წელს დეფლაცია მივიღოთ, რაც ბევრის და, მათ შორის, ჩემი აზრითაც, ჩვენს რეალობაში, შესაძლოა, დიდი ტრაგედია არ იყოს. განსაკუთრებით მოკლე პერიოდში მაღალი ინფლაცია ყოველთვის გამყარების მოლოდინს იძლევა იმ თვალსაზრისით, რომ გამკაცრდება მონეტარული პოლიტიკა და ლარის კურსიც გამყარდება, ხოლო როდესაც მოლოდინები პირიქით არის, საპირისპირო ხდება. ვფიქრობ, ფრთხილად უნდა ვიყოთ და ოპტიმისტური პროგნოზებისგანაც თავი შევიკავოთ“, – აცხადებს ანალიტიკოსი ოთარ ნადარაია.

იმედია, დამეთანხმებით, გაძვირებული ცხოვრების პირობებში ჩვენი მოსახლეობის დიდი უმრავლესობის ჯიბეს ყველაზე მეტად სურსათზე გაზრდილი ფასები ურტყამს. როგორც ირკვევა, საკვები პროდუქტების გაძვირება გლობალური პრობლემაა. გაეროს სურსათის საერთაშორისო ორგანიზაციის (FAO) მონაცემებით, მაისში სურსათზე ფასების ზრდამ ათწლიან მაქსიმუმს მიაღწია. მიმდინარე წლის მაისში, გასული წლის ანალოგიურ პერიოდთან შედარებით, შესაბამისი ინდექსი 40 პროცენტით

გაიზარდა, რაც უახლოეს თვეებში ფასების კიდევ უფრო მეტად ზრდის საფრთხეს ქმნის.

ამავე ორგანიზაციის პროგნოზით, ჯერჯერობით გაუმჯობესება მოსალოდნელი არ არის, პირიქით, მიმდინარე წელს სურსათის ფასების ინდექსი გასულ წელთან შედარებით ჯამში 6,3 პროცენტით გაიზრდება. ეს მაშინ, როდესაც გასულ წელს წინა წელთან შედარებით ზრდამ 4,6 პროცენტი შეადგინა.

საერთაშორისო ექსპერტები შიშობენ, რომ შექმნილ ვითარებაში ყველაზე მეტად ღარიბი ქვეყნები დაზარალდებიან, სადაც ან იმპორტზე არიან დამოკიდებული, ან მოსახლეობა შემოსავლების უდიდეს ნაწილს სწორედ სურსათზე ხარჯავს...


1177
სამკერვალო ფაბრიკა

ძველ საწარმოს ახალი სიცოცხლე - რაში დაეხმარა „იმერს“ სახელმწიფო

11
(განახლებულია 11:31 13.06.2021)
ქუთაისის ერთ-ერთი უძველესი სამკერვალო ფაბრიკა დღეს პროდუქციას ისეთი ცნობილი ბრენდებისთვის კერავს, როგორიცაა Lebek,  Joy Lucy და Marks&Spencer.

თბილისი, 13 ივნისი - Sputnik. ქუთაისის ერთ-ერთ უძველეს საწარმო „იმერს“, რომელიც 90 წლის არის, პროგრამის „აწარმოე საქართველოში“ მხარდაჭერით ახალი სიცოცხლე მიეცა,  განაცხადა ეკონომიკისა და მდგრადი განვითარების მინისტრმა ნათია თურნავამ.

სამკერვალო კომპანია „იმერი“ პროგრამის „აწარმოე საქართველოში“ ბენეფიციარია 2016 წლის დეკემბრიდან. საწარმო ორიენტირებულია პალტოების, ლაბადების და ტრიკოტაჟის ნაწარმის დამზადებაზე.

„პროგრამაში მონაწილეობით მოხდა საწარმოს გადაიარაღება. დღეს „იმერი“ წარმოებული პროდუქციის უდიდეს ნაწილს ექსპორტზე გზავნის, საწარმოში კი 400 ადამიანია დასაქმებული“, - აღნიშნა ნათია თურნავამ.

ეკონომიკის მინისტრი ქუთაისში სამკერვალო საწარმო „იმერის“ საწარმოო პროცესს გაეცნო.

მინისტრს საწარმოს მფლობელმა მაია სიმონიძემ მიაწოდა ინფორმაცია განვითარების გეგმებისა და ახალი საერთაშორისო პარტნიორების შესახებ.

„იმერში“ უკვე მზადდება პროდუქცია ისეთი ცნობილი ბრენდებისთვის, როგორიცაა გერმანული Lebek და Joy Lucy, აგრეთვე ბრიტანული Marks&Spencer.

2016 წელს საწარმო გაფართოვდა, რამაც კომპანიას მისცა საშუალება უფრო მეტი დასავლელი პარტნიორი ჰყოლოდა. ჯამურმა ინვესტიციამ 315 ათასი ევრო შეადგინა. ინვესტიციის შედეგად საწარმოში 170 სამუშაო ადგილი შეიქმნა. მთლიანად, საწარმოში 400 ადამიანია დასაქმებული. საწარმოს პროდუქცია თითქმის მთლიანად ექსპორტზე გადის.

„აწარმოე საქართველოში“ – საქართველოს ხელისუფლების ერთ-ერთი წარმატებული პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.

11
ვალუტის გადამცვლელი პუნქტი

ლარის კურსი 12 ივნისს

96
(განახლებულია 08:46 12.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0088 ლარით გაუფასურდა.

თბილისი, 12 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1701 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0088 ლარით გაუფასურდა.

ლარის კურსი 12 ივნისს
ლარის კურსი 12 ივნისს
96

სიცოცხლის ხე და ამოყირავებული სამყარო: კონკურსის გამარჯვებული წლის ფოტოები

0
(განახლებულია 13:51 12.06.2021)
  • „ამოყირავებული სამყარო“ კონკურს Nature TTL Photographer of the Year 2021-ის გამარჯვებული. ავტორი ტომას ვიჯაიანი
  • ფოტო სახელწოდებით „თევზი“, ავტორი იოჰან ვანდრაგი. მეორე ადგილი კატეგორიაში „ცხოველების ქცევა“
  • ფოტო სახელწოდებით „რჩეული“, ავტორი ტომას ისტერბრუკი, კატეგორია „16 წლამდე“
  • ფოტო სახელწოდებით „3 ... 2 ... 1 ... გაფრინდა!“ ავტორი კრისტიან ბროკესი, კატეგორია „პატარა სამყარო“
  • ფოტო სახელწოდებით „მთვლემარე დათვი“, ავტორი დენის სტოგსდილი, ნომინაცია „ველური პორტრეტები“
  • ფოტო სახელწოდებით „ბლედი“, ავტორი ტომაშ როიეკი, კატეგორია „პეიზაჟები“
  • ფოტო სახელწოდებით „ბრძოლა მთებში“, ავტორი რაფაელ შენკერი, მეორე ადგილი კატეგორიაში „16 წლამდე“
  • ფოტო სახელწოდებით „მრგვალი“, ავტორი ჩჟიუე ში, მეორე ადგილი კატეგორიაში „წყალქვეშა სამყარო“
  • ფოტო „ტერმიტების ცეკვა“, ავტორი ჯეიმს გიფორდი, კატეგორია „პატარა სამყაროს“ გამარჯვებული
  • ფოტო „კარი“, ავტორი ხოსე ლუის ჰიმენესი, კატეგორია „ქალაქური სამყარო“
  • ფოტო „თვალი“, ავტორი ივან პედრეტი, კატეგორია „ღამის ცის“ გამარჯვებული
  • ფოტო „ხის თაგვის სილუეტი“, ავტორი ჯონ ფორმსტონი, კატეგორია „ფოტოხაფანგის“ გამარჯვებული
  • ფოტო „სიცოცხლის ხე“, ავტორი ჯეი როუდი, კატეგორია „პეიზაჟების“ გამარჯვებული
  • ფოტო „ოჯახური დასვენება“, ავტორი ტომას კაუდრონი, კატეგორია „ფოტოხაფანგი“
  • ფოტო „მეწამული ცა“, ავტორი ბენცე მატე, კატეგორია „ღამის ცა“
  • ფოტო „ოჯახის ფრთოსანი წევრები“, ავტორი კალოლ მუკერჯი, კატეგორია „ქალაქური სამყაროს“ გამარჯვებული
  • ფოტო „კოსმოსური ხომალდი მანტა“, ავტორი გრანტ ტომასი, კატეგორია „წყალქვეშა სამყაროს“ გამარჯვებული
  • ფოტო „შემოქმედების ქვაბი“, ავტორი ჯეიმს გიფორდი, მეორე ადგილი კატეგორიაში „ველური პორტრეტები“
ველური ბუნების ფოტოკონკურს Nature TTL Photographer of the Year-ის ჟიურიმ 2021 წლის გამარჯვებულები გამოავლინა. იხილეთ საოცარი ნამუშევრები Sputnik-ის ფოტოლენტაში

წელს კონკურსზე 8000-ზე მეტი ნამუშევარი იყო წარდგენილი მთელი მსოფლიოდან. 

მთავარი პრიზი კანადელმა ფოტოგრაფმა ტომას ვიჯაიანმა მიიღო ფოტოსთვის „ამოყირავებული სამყარო“. მასზე აღბეჭდილია ხეზე თავდაყირა ჩამოკიდებული ორანგუტანი, ტოტებს ზემოთ კი ღრუბლებით მოფენილი ცის ნაგლეჯი ჩანს. 

 

0
  • „ამოყირავებული სამყარო“ კონკურს Nature TTL Photographer of the Year 2021-ის გამარჯვებული. ავტორი ტომას ვიჯაიანი

    „ამოყირავებული სამყარო“ კონკურს Nature TTL Photographer of the Year 2021-ის გამარჯვებული. ავტორი ტომას ვიჯაიანი

  • ფოტო სახელწოდებით „თევზი“, ავტორი იოჰან ვანდრაგი. მეორე ადგილი კატეგორიაში „ცხოველების ქცევა“

    ფოტო სახელწოდებით „თევზი“, ავტორი იოჰან ვანდრაგი. მეორე ადგილი კატეგორიაში „ცხოველების ქცევა“

  • ფოტო სახელწოდებით „რჩეული“, ავტორი ტომას ისტერბრუკი, კატეგორია „16 წლამდე“

    ფოტო სახელწოდებით „რჩეული“, ავტორი ტომას ისტერბრუკი, კატეგორია „16 წლამდე“

  • ფოტო სახელწოდებით „3 ... 2 ... 1 ... გაფრინდა!“ ავტორი კრისტიან ბროკესი, კატეგორია „პატარა სამყარო“

    ფოტო სახელწოდებით „3 ... 2 ... 1 ... გაფრინდა!“ ავტორი კრისტიან ბროკესი, კატეგორია „პატარა სამყარო“

  • ფოტო სახელწოდებით „მთვლემარე დათვი“, ავტორი დენის სტოგსდილი, ნომინაცია „ველური პორტრეტები“

    ფოტო სახელწოდებით „მთვლემარე დათვი“, ავტორი დენის სტოგსდილი, ნომინაცია „ველური პორტრეტები“

  • ფოტო სახელწოდებით „ბლედი“, ავტორი ტომაშ როიეკი, კატეგორია „პეიზაჟები“

    ფოტო სახელწოდებით „ბლედი“, ავტორი ტომაშ როიეკი, კატეგორია „პეიზაჟები“

  • ფოტო სახელწოდებით „ბრძოლა მთებში“, ავტორი რაფაელ შენკერი, მეორე ადგილი კატეგორიაში „16 წლამდე“

    ფოტო სახელწოდებით „ბრძოლა მთებში“, ავტორი რაფაელ შენკერი, მეორე ადგილი კატეგორიაში „16 წლამდე“

  • ფოტო სახელწოდებით „მრგვალი“, ავტორი ჩჟიუე ში, მეორე ადგილი კატეგორიაში „წყალქვეშა სამყარო“

    ფოტო სახელწოდებით „მრგვალი“, ავტორი ჩჟიუე ში, მეორე ადგილი კატეგორიაში „წყალქვეშა სამყარო“

  • ფოტო „ტერმიტების ცეკვა“, ავტორი ჯეიმს გიფორდი, კატეგორია „პატარა სამყაროს“ გამარჯვებული

    ფოტო „ტერმიტების ცეკვა“, ავტორი ჯეიმს გიფორდი, კატეგორია „პატარა სამყაროს“ გამარჯვებული

  • ფოტო „კარი“, ავტორი ხოსე ლუის ჰიმენესი, კატეგორია „ქალაქური სამყარო“

    ფოტო „კარი“, ავტორი ხოსე ლუის ჰიმენესი, კატეგორია „ქალაქური სამყარო“

  • ფოტო „თვალი“, ავტორი ივან პედრეტი, კატეგორია „ღამის ცის“ გამარჯვებული

    ფოტო „თვალი“, ავტორი ივან პედრეტი, კატეგორია „ღამის ცის“ გამარჯვებული

  • ფოტო „ხის თაგვის სილუეტი“, ავტორი ჯონ ფორმსტონი, კატეგორია „ფოტოხაფანგის“ გამარჯვებული

    ფოტო „ხის თაგვის სილუეტი“, ავტორი ჯონ ფორმსტონი, კატეგორია „ფოტოხაფანგის“ გამარჯვებული

  • ფოტო „სიცოცხლის ხე“, ავტორი ჯეი როუდი, კატეგორია „პეიზაჟების“ გამარჯვებული

    ფოტო „სიცოცხლის ხე“, ავტორი ჯეი როუდი, კატეგორია „პეიზაჟების“ გამარჯვებული

  • ფოტო „ოჯახური დასვენება“, ავტორი ტომას კაუდრონი, კატეგორია „ფოტოხაფანგი“

    ფოტო „ოჯახური დასვენება“, ავტორი ტომას კაუდრონი, კატეგორია „ფოტოხაფანგი“

  • ფოტო „მეწამული ცა“, ავტორი ბენცე მატე, კატეგორია „ღამის ცა“

    ფოტო „მეწამული ცა“, ავტორი ბენცე მატე, კატეგორია „ღამის ცა“

  • ფოტო „ოჯახის ფრთოსანი წევრები“, ავტორი კალოლ მუკერჯი, კატეგორია „ქალაქური სამყაროს“ გამარჯვებული

    ფოტო „ოჯახის ფრთოსანი წევრები“, ავტორი კალოლ მუკერჯი, კატეგორია „ქალაქური სამყაროს“ გამარჯვებული

  • ფოტო „კოსმოსური ხომალდი მანტა“, ავტორი გრანტ ტომასი, კატეგორია „წყალქვეშა სამყაროს“ გამარჯვებული

    ფოტო „კოსმოსური ხომალდი მანტა“, ავტორი გრანტ ტომასი, კატეგორია „წყალქვეშა სამყაროს“ გამარჯვებული

  • ფოტო „შემოქმედების ქვაბი“, ავტორი ჯეიმს გიფორდი, მეორე ადგილი კატეგორიაში „ველური პორტრეტები“

    ფოტო „შემოქმედების ქვაბი“, ავტორი ჯეიმს გიფორდი, მეორე ადგილი კატეგორიაში „ველური პორტრეტები“