გაცვლითი კურსი

ბიზნეს-ასოციაცია: ლარის გამყარებას გრძელვადიანი ტენდენცია აქვს

85
(განახლებულია 09:23 05.06.2021)
გაუმჯობესების ტენდენციის შენარჩუნება უნდა იყოს ხელისუფლების, ბიზნესის და რიგითი მოქალაქეების პასუხისმგებლობა, მიაჩნიათ ბიზნეს ასოციაციაში.

თბილისი, 3 ივნისი - Sputnik. აპრილში ეკონომიკის თითქმის 45%-იანი ზრდა უაღრესად მნიშვნელოვანი და გარდამტეხი მომენტია პოსტ-კოვიდურ პერიოდში საქართველოს ეკონომიკის აღსადგენად, ნათქვამია საქართველოს ბიზნეს ასოციაციის განცხადებაში.

სტატისტიკის ეროვნული სამსახურის მონაცემებით, მშპ-ის ზრდამ აპრილში 44,8% შეადგინა გასული წლის ანალოგიურ პერიოდთან შედარებით, ხოლო წლის დასაწყისიდან ოთხ თვეში რეალური ზრდის საშუალო მაჩვენებელმა 8,1% შეადგინა.

„უაღრესად მნიშვნელოვანი და პოსტ-კოვიდური ეკონომიკის აღდგენისთვის გარდამტეხი მაჩვენებელი, რომელიც ბიზნესის საინვესტიციო აქტივობისთვის უმნიშვნელოვანესი პარამეტრის, ოპტიმიზმის საფუძველს ქმნის“, - ნათქვამია საქართველოს ბიზნეს ასოციაციის განცხადებაში.

ასოციაციის ინფორმაციით, რიგი მაკროეკონომიკური მაჩვენებლების მნიშვნელოვანი გაუმჯობესება იძლევა იმის იმედს, რომ პოსტ-კოვიდურ პერიოდში ქვეყნის ეკონომიკის აღდგენა მოსალოდნელზე უფრო სწრაფად მოხდება.

„ამას გარდა, დადებითი ტენდენციების ფონზე უნდა ვივარაუდოთ, რომ უკანასკნელ პერიოდში დაწყებული ეროვნული ვალუტის გაცვლითი კურსის გამყარება არა დროებით, ხანმოკლე ცვალებადობას, არამედ კონკრეტული მიზეზებით გამოწვეულ ტენდენციას წარმოადგენს, რომელიც, თავის მხრივ, ეკონომიკის შემდგომი გახსნის პარალელურად, დამატებით გახდება ბიზნესის გაზრდილი აქტივობის ყველაზე უფრო მნიშვნელოვანი და ღირებული მიზეზი“, - ნათქვამია განცხადებაში.

როგორც საქართველოს ბიზნეს ასოციაცია აღნიშნავს, გაუმჯობესების ტენდენციის შენარჩუნება საქართველოს ხელისუფლების, ბიზნესისა და თითოეული მოქალაქის პასუხისმგებლობაა, რადგანაც დაჩქარებული ვაქცინაცია და ეპიდუსაფრთხოების შესაბამისი ნორმების დაცვა უნდა გახდეს ლარის კურსის გამყარებისა და ეკონომიკის შემდგომი ზრდის აუცილებელი გარანტი.

საქართველოს მთავრობამ ქვეყნის 2021 წლის ეკონომიკური ზრდის პროგნოზი 4,3–დან 6,5%–მდე განაახლა. მიმდინარე წელს ფინანსთა სამინისტრო ქართული ეკონომიკის ზრდის სამ სცენარს განიხილავს. ოპტიმისტური სცენარი ითვალისწინებს ტურიზმის უფრო სწრაფ ზრდას, კერძოდ, 2019 წლის დონიდან 40–45%–ის დონეზე. ის ასევე ითვალისწინებს დინამიურ ეკონომიკურ ზრდას ეკონომიკის სხვა სექტორებში.

COVID-19-მდე ტურიზმის წილი საქართველოს ეკონომიკაში 10%-მდე შეადგენდა. ამიტომ მის აღდგენას ქვეყანაში საქმიანი აქტიურობის აღორძინებისთვის კრიტიკული მნიშვნელობა გააჩნია.

კორონავირუსის პანდემიამ ადგილობრივ ბიზნესს მძიმე დარტყმა მიაყენა. ეკონომიკა ჯერ კიდევ იმკის პანდემიის მძიმე შედეგებს, რომელიც ყველა სფეროს შეეხო. ეკონომიკის ვარდნის ტემპები კორონავირუსის მეორე ტალღის დროს დაჩქარდა, რამაც 2020 წელს მშპ-ის 6,2%-ით შემცირება გამოიწვია. ამ დროისთვის, შეზღუდვების შერბილების მიუხედავად, ქვეყანაში მძიმე ეკონომიკური სიტუაცია რჩება.

 

 

85
ვალუტის გადამცვლელი პუნქტი

ლარის კურსი 19 ივნისს

41
(განახლებულია 09:52 19.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

თბილისი, 19 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1681 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

ლარის კურსი 19 ივნისს

 

41
მზის პანელების მწარმოებელი ქარხანა ქუთაისში

დაზუსტდა პირველ კვარტალში საქართველოში ეკონომიკის ვარდნის მაჩვენებელი

24
(განახლებულია 08:52 19.06.2021)
მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

თბილისი, 19 ივნისი – Sputnik. საქართველოში 2021 წლის პირველ კვარტალში მშპ-ის (მთლიანი შიდა პროდუქტი) შემცირებამ 4,5% შეადგინა 2020 წლის იანვარ-მარტთან შედარებით, იუწყება საქართველოს სტატისტიკის ეროვნული სამსახური „საქსტატი“.

წინასწარი მონაცემებით, ეკონომიკის ვარდნა პირველ კვარტალში 4,2%-ს შეადგენდა.

დაზუსტებული მონაცემებით, მიმდინარე ფასებში 2021 წლის 1 კვარტალში მშპ-ის მოცულობამ 3,4 მლრდ დოლარი შეადგინა. აღნიშნულ პერიოდში დეფლატორმა 6,8% შეადგინა. მშპ ერთ სულ მოსახლეზე საანგარიშო პერიოდში 912,5 დოლარს შეადგენდა (ერთი წლის წინ – 1.016,3 დოლარს).

სფეროები – ლიდერები ზრდის მიხედვით

ყველაზე მეტი შემცირება 2021 წლის პირველ   კვარტალში აჩვენა სასტუმრო ბიზნესის, ადმინისტრაციული საქმიანობის, ასევე დასვენებისა და გართობის სფეროებმა.

ეკონომიკის სფეროების ტოპ-5 2021 წლის I კვარტალში ყველაზე დიდი ვარდნით

ეკონომიკის სფერო ვარდნა, %
სასტუმრო ბიზნესი 54,0
ადმინისტრაციული საქმიანობა 34,0
დასვენება და გართობა 25,4
მშენებლობა     19,4
ტრანსპორტი 9,0

ყველაზე დიდი ზრდა დაფიქსირდა სამთომომპოვებელ (50,3%), საფინანსო (24%) და კავშირგაბმულობის (16,8%) სფეროებში.

მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

ეკონომიკის სფეროების ტოპ-5 2021 წლის I კვარტალში მშპ-ის სტრუქტურაში ყველაზე მაღალი ხვედრითი წონით

ეკონომიკის სფერო ხვედრითი წონა მშპ-ში %
ვაჭრობა   14,9
უძრავ ქონებასთან დაკავშირებული ოპერაციები 11,8
გადამამუშავებელი მრეწველობა 10,6
სახელმწიფო მმართველობა 8,3
მშენებლობა     6,8

                    

 

  

    

    

 

 

24
საქართველოში ლტოლვილთა მსოფლიო დღე სოლიდარობის მარშით აღნიშნეს

საქართველოში ლტოლვილთა მსოფლიო დღე სოლიდარობის მარშით აღნიშნეს

0
პარლამენტის თავმჯდომარემ აღნიშნა, რომ საქართველოსთვის ეს დღე განსაკუთრებით მნიშვნელოვანია, რადგან ქვეყანაში ძალიან ბევრია იძულებით გადაადგილებული ოჯახი.

თბილისი, 19 ივნისი — Sputnik. ლტოლვილთა საერთაშორისო დღესთან დაკავშირებით, რომელიც 20 ივნისს აღინიშნება, თბილისის ბოტანიკურ ბაღში სოლიდარობის მარში გაიმართა, იუწყება Sputnik-კორესპონდენტი.

მარშში მონაწილეობა მიიღო რამდენიმე ათეულმა ადამიანმა, მათ შორის საქართველოში აკრედიტებული დიპლომატიური კორპუსის წარმომადგენლები.

„მადლობა, რომ აქ ხართ და გვიერთდებით მსოფლიოს ლტოლვილთა დღის აღნიშვნაში. უამრავი ადამიანი იძულებული გახდა, დაეტოვებინა საკუთარი საცხოვრებელი კონფლიქტებისა და ომების გამო. გასულ წელს ასეთ მდგომარეობაში 80 მილიონზე მეტი ადამიანი იყო. თითოეულ ადამიანს თავისი ისტორია აქვს. ძალიან მნიშვნელოვანია, რომ ჩვენ სოლიდარობა ვაჩვენოთ“, - განაცხადა საქართველოში გაეროს მუდმივმა კოორდინატორმა საბინე მახლიმ.

შეკრებილებს მიმართა საქართველოს პარლამენტის თავმჯდომარემ კახა კუჭავამაც, რომელმაც აღნიშნა, რომ საქართველოსთვის ეს დღე განსაკუთრებით მნიშვნელოვანია, რადგან ქვეყანაში ძალიან ბევრია იძულებით გადაადგილებული ოჯახი.

„ჩვენი ვალია, ყოველთვის შევეცადოთ, მაქსიმუმი გავაკეთოთ, გვერდში დავუდგეთ და გავუადვილოთ მათ ცხოვრება“, – განაცხადა კახა კუჭავამ.

ლტოლვილთა მსოფლიო დღე გაეროს გენერალურმა ასამბლეამ 2000 წელს დააწესა.

ყოველწლიურად 20 ივნისს, გაერო, გაეროს ლტოლვილთა სააგენტო (UNHCR) სამოქალაქო საზოგადოებები მთელი მსოფლიოს მასშტაბით ატარებენ ღონისძიებებს, რათა საზოგადოების ყურადღება მიიპყრონ მილიონობით ლტოლვილზე და ქვეყნების შიგნით იძულებით გადაადგილებულ პირებზე, რომლებსაც ომების, კონფლიქტების და დევნის გამო საკუთარი სახლების იძულებით დატოვება მოუხდათ.

2021 წელს ლტოლვილთა მსოფლიო დრე ინკლუზიის ძალას მიეძღვნა.

ამ დღე გაერო მოუწოდებს ლტოლვილების მეტი ჩართულობისკენ ჯანდაცვის, განათლების სისტემაში და სპორტში.

0