ნაბეღლავის წარმოება

„ნაბეღლავის“ სადისტრიბუციო კომპანიის თანამშრომლებმა გაფიცვა შეწყვიტეს

43
კომპანია „წყალი მარგებელის“ თანამშრომლების გაფიცვა მაისში დაიწყო - „ბორჯომის“ ქარხნის მუშების გაფიცვის პარალელურად.

თბილისი, 3 ივნისი  – Sputnik. სადისტრიბუციო კომპანია შპს „ენგადის“ მენეჯმენტსა და თანამშრომლებს შორის შეთანხმება მიღწეულია. კომპანია „ენგადი“ Margebeli Holding-ის შემადგენლობაში შედის.

კომპანია „წყალი მარგებელის“ თანამშრომლების გაფიცვა მაისში დაიწყო - „ბორჯომის“ ქარხნის მუშების გაფიცვის პარალელურად. გაფიცულები ხელფასების გაზრდას და შრომის პირობების გაუმჯობესებას მოითხოვდნენ.

თავიდან უკმაყოფილება გამოთქვეს მძღოლებმა და დისტრიბუტორებმა, შემდეგ გაფიცვას შეუერთდნენ ჩოხატაურში მდებარე ქარხნის მუშებიც.

ქარხნის თანამშრომლებმა გაფიცვა 25 მაისს შეწყვიტეს. კომპანიის მონაცემებით, სულ გაფიცული იყო 70 ადამიანი.

კომპანიის ინფორმაციით, დისტრიბუციის პროცესი სრულად აღდგა.

„დღეიდან კი, ოჯახურ გარემოში ჩატარებული წარმატებული მოლაპარაკებების შედეგად დისტრიბუცია ქვეყნის მასშტაბით 100%-ით აღდგება. გვინდა მადლობა მოვახსენოთ ჩვენს თანამშრომლებს ნდობისათვის და ასევე, ჩვენს მომხმარებლებსა და საზოგადოებას მოთმინებისა და ერთგულებისთვის“, - ნათქვამია კომპანიის განცხადებაში.

მოლაპარაკებების შედეგად დისტრიბუტორების ხელფასი 900 ლარამდე გაიზარდა, ბონუსების სისტემა ჯერჯერობით არ შეცვლილა, მაგრამ მისი გადახედვა უახლოეს ვადებში იგეგმება.

ქართული კომპანია „მარგებელი ჰოლდინგი“ 1997 წელს დაარსდა. ჰოლდინგში გაერთიანებულია მინერალური წყალი „ნაბეღლავის“ მწარმოებელი კომპანია „წყალი მარგებელი“, „მარნეულის სასურსათო ქარხანა“, კომპანია „ენგადი“ და საწარმო „მარნეული აგრო“.

2017 წელს „მარგებელმა“ დაიწყო ერთობლივი წარმოება Rauch-თან, რომელიც ევროპაში წვენებისა და უალკოჰოლო სასმელების ერთ-ერთი უმსხვილესი მწარმოებელია.

2017 წლის 24 ივნისს უალკოჰოლო სასმელების ახალი მრავალპროფილური ქარხანა გაიხსნა. აქ „წყალი მარგებელი“ აწარმოებს „ნაბეღლავის მინერალურ წყალს და წყაროს წყალს „ბახმარო“, ასევე წვენებს, ცივ ჩაის, ლიმონათსა და სხვა უალკოჰოლო სასმელებს.

43
LED განათება

გაძვირდება თუ არა ელექტროენერგია საქართველოში? - სემეკის პასუხი

12
ბუნებრივი აირის გაძვირებას თბილისში აქციები მოჰყვა, მანამდე კი გაიზარდა ელექტროენერგიისა და წყლის ტარიფები, პანდემიისა და მზარდი უმუშევრობის პირობებში კომუნალური გადასახადების გაძვირება მოსახლეობას მძიმე ტვირთად დააწვა.

თბილისი, 16 ივნისი - Sputnik. 1 ივლისიდან თბილისსა და რეგიონებში ელექტროენერგიის სამომხმარებლო ტარიფის ზრდა არ იგეგმება, აღნიშნულია ენერგეტიკისა და წყალმომარაგების ეროვნული მარეგულირებელი კომისიის (სემეკი) ვებგვერდზე გამოქვეყნებულ განცხადებაში.

სემეკმა ეს განცხადება გააკეთა ტარიფის შესაძლო მატების შესახებ პოლიტიკური პარტიების მიერ გავრცელებული ხმების გასაქარწყლებლად.

როგორც კომისიაში აღნიშნავენ, „საკუთარი პოლიტიკური მიზნებისთვის გავრცელებული არასწორი ინფორმაცია წარმოადგენს საზოგადოების შეცდომაში შეყვანის მიზანმიმართულ მცდელობას“.

კომისია ვარაუდობს, რომ დეზინფორმაციის მიზანია ელექტროენერგიის ბაზრის ლიბერალიზაციის პროცესის ხელის შეშლა.

„კომისია კიდევ ერთხელ ხაზგასმით აცხადებს, რომ ელექტროენერგიის სამომხმარებლო ტარიფი არ იცვლება. სემეკი მოუწოდებს ყველა დაინტერესებულ პირს, თავი შეიკავონ გადაუმოწმებელი ინფორმაციის გავრცელებისგან“, - აღნიშნულია განცხადებაში.

საქართველოში ელექტროენერგია 1 იანვრიდან გაძვირდა. სემეკის გადაწყვეტილებით, მოსახლეობისთვის 1 კვტ ელექტროენერგიის ფასმა 3,5 თეთრით მოიმატა და 26,537 თეთრი შეადგინა, მოხმარებული ელექტროენერგიის მიხედვით.

12
ბათუმი

1000-ზე მეტი ვაკანსია: ბათუმში დასაქმების ფორუმი გაიმართა

29
(განახლებულია 19:31 16.06.2021)
ღონისძიებაზე სამუშაოს მაძიებლებს შესაძლებლობა ჰქონდათ შეხვედროდნენ დამსაქმებლებს, გასაუბრებოდნენ სასურველი ვაკანსიის თაობაზე და წარმოეჩინათ საკუთარი უნარები.

თბილისი, 16 ივნისი — Sputnik. ბათუმში დასაქმების მასშტაბური ფორუმი გაიმართა – რეგიონში მოქმედმა 65-მა კომპანიამ 1000-ზე მეტი ვაკანსია წარმოადგინა, ნათქვამია დასაქმების ხელშეწყობის სახელმწიფო სააგენტოს Facebook-გვერდზე გავრცელებულ განცხადებაში.

ფორუმი ჩატარდა ევროკავშირის მიერ მხარდაჭერილი პროექტის „სწავლა, წვრთნა, მიღწევა და კავშირების დამყარება დასაქმებისთვის!" ფარგლებში.

სამუშაო ადგილები ადმინისტრაციული მომსახურების, ვაჭრობის, დისტრიბუციის, სასტუმრო და სარესტორნო, სამრეწველო, სატრანსპორტო, ლოჯისტიკური, სამშენებლო, საფინანსო, სადაზღვევო, ჯანდაცვის და განათლების სფეროებიდან იყო წარმოდგენილი.

ფორუმში ასევე მონაწილეობა მიიღეს სასწავლებლებმა, რომლებმაც სამუშაოს მაძიებლებს შესთავაზეს პროფესიული უნარების განვითარების პროგრამები.

„დასაქმების ფორუმი არის უნიკალური მეთოდოლოგიით შემუშავებული ღონისძიება, რომელიც საშუალებას აძლევს დამსაქმებელს და სამუშაოს მაძიებელს პირდაპირი კავშირები დაამყარონ ფორმალური პროცედურების გარეშე. ღონისძიების შედეგიანობა არ იზომება მხოლოდ დღეს წარმატებული შეთანხმებების რაოდენობით, რადგან ფორუმზე სამუშაოს მაძიებლებს შესაძლებლობა აქვთ დამსაქმებლებთან ურთიერთობის ღირებული გამოცდილება მიიღონ, რაც მომავალში აუცილებლად გამოადგებათ", – განაცხადა განათლების განვითარების და დასაქმების ცენტრის გამგეობის თავმჯდომარემ ლია კილაძემ.

დასაქმების ფორუმები საქართველოს სხვადასხვა ქალაქებში რეგულარულად იმართება. ბათუმში იგი წელს მეორედ ჩატარდა. პირველი ფორუმი „ახალი შესაძლებლობა თქვენი დასაქმებისთვის" მაისში გაიმართა. მაშინ სამუშაოს მაძიებლებს 20-ზე მეტმა კომპანიამ 400-მდე სხვადასხვა ვაკანსია შესთავაზა.

29
თემები:
სოციალური სფერო საქართველოში
აშშ-ის და რუსეთის პრეზიდენტები

რა ამოიკითხეთ ბაიდენის თვალებში: პუტინმა ჟურნალისტის კითხვას უპასუხა

0
რუსეთის პრეზიდენტ ვლადიმირ პუტინისა და აშშ-ის პრეზიდენტ ჯო ბაიდენის შეხვედრა ჟენევაში სამ საათ-ნახევარი გაგრძელდა.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა უპასუხა ამერიკელი ჟურნალისტის კითხვას იმაზე, თუ რა ამოიკითხა მან აშშ-ის პრეზიდენტ ჯო ბაიდენის თვალებში ჟენევაში გამართული შეხვედრისას.

ჟურნალისტმა დასძინა, რომ რამდენიმე წლის წინ ბაიდენმა, როდესაც იგი ვიცეპრეზიდენტი იყო, რუსეთის ლიდერთან შეხვედრის შემდეგ აღნიშნა, რომ პუტინს თვალებში ჩახედა და იქ სული ვერ დაინახა. ჟურნალისტი დაინტერესდა, ჩახედა თუ არა პუტინმა ბაიდენს თვალებში დღევანდელ შეხვედრაზე და რა დაინახა.

„ბაიდენი ძალიან კონსტრუქციული, გაწონასწორებული ადამიანია, როგორც ველოდი კიდეც. ძალიან გამოცდილი. მან გაიხსენა თავისი ოჯახი, რაზე ესაუბრებოდა დედა. ეს მნიშვნელოვანია. თითქოს პირდაპირ არ უკავშირდება საქმეს, მაგრამ მისი მორალური ფასეულობების ხარისხს ავლენს. ეს ყველაფერი საკმაოდ მიმზიდველია და, ვფიქრობ, მთლიანობაში ერთ ენაზე ვსაუბრობდით. ეს სულაც არ ნიშნავს, რომ აუცილებელია სულში, თვალებში ჩაიხედო და სამუდამო სიყვარული და მეგობრობა შეჰფიცო. ჩვენ ჩვენი ქვეყნების, ხალხების ინტერესებს ვიცავთ და ეს ურთიერთობები ყოველთვის პრაგმატული ხასიათისაა“, - აღნიშნა პუტინმა პრესკონფერენციაზე.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება. წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

0