დოლარის და ლარის კუპიურები

რატომ გამყარდა ლარი - პარლამენტის დეპუტატის ხედვა

120
(განახლებულია 18:43 03.06.2021)
დეპუტატის აზრით, ეროვნული ბანკის გადაწყვეტილება გარკვეულწილად დაგვიანდა, მაგრამ ეს არის ნაბიჯი სწორი მიმართულებით, რომლის შედეგი დღეს ვლინდება, მიიჩნევს საპარლამენტო კომიტეტის თავმჯდომარე.

თბილისი, 3 ივნისი – Sputnik. ქართული ეროვნული ვალუტის გამყარება განპირობებულია რამდენიმე ფაქტორით, ერთ-ერთ მთავარ ფაქტორს წარმოადგენს ეროვნული ბანკის მონეტარული პოლიტიკა, განაცხადა პარლამენტის საფინანსო-საბიუჯეტო კომიტეტის თავმჯდომარემ, ირაკლი კოვზანაძემ.

წლის დასაწყისიდან ხანგრძლივი ვარდნის შემდეგ ლარის კურსმა დოლარის მიმართ გამყარება დაიწყო - მაისში ეროვნული ვალუტა 4,2%-ით გამყარდა. საქართველოს ეროვნულმა ბანკმა ლარის კურსი აშშ დოლარის მიმართ 3,2228 GEL/$1 ნიშნულზე დაადგინა. 

„ლარის გამყარება არის რამდენიმე ფაქტორიდან გამომდინარე გამოწვეული, მაგრამ უპირველეს ყოვლისა, ვიტყოდი, რომ ეს არის ეროვნული ბანკის გადაწყვეტილების შედეგი, როდესაც მან სწრაფი და მყისიერი გადაწყვეტილებებიდან გამომდინარე, მონეტარული საპროცენტო განაკვეთი ერთი პროცენტით ასწია. აქედან გამომდინარე, არის ის რეაქციები, რაც ბაზარს მოჰყვა. ამ პროცესის თანმდევი არის ლარის გამყარებაც, რომელსაც ჩვენ დღეს ვხედავთ. გადადგმული ნაბიჯი, რის შედეგსაც ჩვენ დღეს ვუყურებთ“, – განაცხადა კოვზანაძემ „პირველი არხის“ ეთერში.

ეროვნული ბანკის ფულად-საკრედიტო კომიტეტმა აპრილის ბოლოს რეფინანსირების განაკვეთი 1 საპროცენტო პუნქტით 9,5%-მდე გაზარდა.

დეპუტატის აზრით, ეროვნული ბანკის გადაწყვეტილება გარკვეულწილად დაგვიანდა, მაგრამ ეს არის ნაბიჯი სწორი მიმართულებით, რომლის შედეგი დღეს ვლინდება.

რამდენიმე დღის წინ ფინანსთა მინისტრმა ლაშა ხუციშვილმა ლარის სტაბილიზაცია დაუკავშირა ტურიზმის სექტორის აღდგენისა და ეკონომიკური ზრდის დაჩქარების მიმართულებით არსებულ საკმაოდ პოზიტიურ მოლოდინებს. მასობრივი ვაქცინაცია, კოვიდ-შეზღუდვების მოხსნა და საზღვრების გახსნა ეკონომიკური აქტივობის აღდგენას შეუწყობს ხელს, ამიტომ ხელისუფლება მიიჩნევს, რომ ქართული ვალუტა გამყარებას მომავალშიც განაგრძობს.

სტატისტიკის ეროვნული სამსახურის მონაცემებით, აპრილში მშპ–ის ზრდამ 44.8% შეადგინა გასული წლის ამავე პერიოდთან შედარებით, ხოლო რეალური ზრდის საშუალო მაჩვენებელმა წლის დასაწყისიდან (ოთხ თვეში) 8.1% შეადგინა.

ლარის გაცვლითი კურსის ანტირეკორდი 2020 წლის 27 მარტს დაფიქსირდა, როდესაც ეროვნული ვალუტა 3,4842 GEL/$1 ნიშნულზე ჩამოვიდა.

სავალუტო ბაზრის დასტაბილურებისა და მკვეთრი გაუფასურების თავიდან აცილების მიზნით 2020 წელს ეროვნულმა ბანკმა 26 აუქციონი ჩაატარა, რომლებზეც საერთო ჯამში 873,2 მილიონი დოლარი გაყიდა. წელს მარეგულირებელმა შვიდ აუქციონზე უკვე გაყიდა 242,9 მილიონი დოლარი.

120
საბურთალო, სპორტის სასახლის ტერიტორია

ბიზნეს–ასოციაცია: ხუთი მიზეზი რაც ბიზნესს ხელს უშლის

22
(განახლებულია 17:47 20.06.2021)
მიუხელადავ ეროვნული ვალუტის გამყარებისა, მაღალია  იმ კომპანიების წილი, რომლებსაც მომდევნო 6 თვეში ლარის კურსის გამყარების მოლოდინი აქვთ.

თბილისი, 21 ივნისი – Sputnik. ლარის კურსი არასტაბილურობა, სამართლებრივი და ადმინისტრაციული ბარიერები, საქონელსა და მომსახურებაზე მოთხოვნის სიმცირე, სპეციალისტების ნაკლებობა და შეზღუდული ფინანსური რესურსები წარმოადგენს საქართველოში ბიზნესის წარმოებისთვის ყველაზე მნიშვნელოვან ბარიერს, ნათქვამია საქართველოს ბიზნეს–ასოციაციის (BAG) კვლევაში.

BAG–ის მიერ ჩატარებული გამოკითხვის თანახმად, 2021 წლის მეორე კვარტალში გამოკითხული ბიზნესმენთა 77% საქმიანობისათვის ხელშემშლელი ფაქტორების არსებობაზე საუბრობს. აღნიშნული მაჩვენებელი გასული ერთი წლის განმავლობაში სტაბილური იყო  და 70-80%-ის ფარგლებში მერყეობდა. 


 „პრობლემებს შორის მიმდინარე კვარტალში პირველ ადგილს უცვლელად ისევ ეროვნული ვალუტის კურსის არასტაბილურობა იკავებს – აღნიშნულ ფაქტორს ხელის შემშლელად გამოკითხულთა 76% ასახელებს. მეორე ადგილს კი სამართლებრივი და ადმინისტრაციული ბარიერები იკავებს, რომელთაგანაც ყველაზე მთავარი სწორედ COVID-19-ით გამოწვეული შეზღუდვებია“, – ნათქვამია განცხადებაში.

ლარის კურსმა დოლარის მიმართ გამყარება მაისში დაიწყო და დღეისათვის ეროვნული ვალუტის გაცვლითი კურსი 7,8%-ით გაიზარდა. 19 ივნისისთვის ლარის გაცვლითი კურსი აშშ დოლარის მიმართ 3,1681 GEL/$1 ნიშნულზე დადგინდა. 

BAG–ის ინფორმაციით, მიუხელადავ ეროვნული ვალუტის გამყარებისა, მაღალია  იმ კომპანიების წილი (49%), რომლებსაც მომდევნო 6 თვეში დოლართან მიმართებით ლარის კურსის გამყარების მოლოდინი აქვთ.

ბიზნეს–კლიმატი

BAG–ის  ბიზნეს–კლიმატი 2021 წლის II კვარტალში, I კვარტლის მსგავსად, დადებითია ყველა სექტორში გარდა მშენებლობის სექტორისა. ნაწილობრივ ეს დაკავშირებულია სექტორში გაყიდვების 37,5%–ით შემცირებით. მშენებლობის სექტორში გამოკითხული კომპანიების 63%–ს აზრით, 2021 წლის II კვარტალში მათ მიერ დაწესებული ფასები საკმარისია მხოლოდ დანახარჯების დასაფარად.

 რაც შეეხება ბიზნესის მომდევნო ექვსი თვის მოლოდინს, 2021 წლის II კვარტალში, მშენებლობის სექტორის გარდა, ყველა სექტორისთვის მაჩვენებელი დადებითია. სექტორებს შორის ყველაზე ოპტიმისტური განწყობა ვაჭრობის სექტორში დაფიქსირდა. ეს გარკვეულწილად განაპირობებულია  დადებითი მოლოდინებით გაყიდვების ფასების ზრდისა და გაყიდვების ზრდის მიმართულებით.

დასაქმების ბარომეტრი

BAG–ის  დასაქმების ბარომეტრი, რომელიც ასახავს  კომპანიების მოლოდინს მომავალ სამ თვეში დასაქმების მიმართულებით, 2021 წლის მეორე კვარტალში დადებითი იყო და 27,4 ქულა შეადგინა. 

შედარებისთვის, 2020 წლის პირველ კვარტალში BAG–ის წევრ–საწარმოებს დასაქმების კუთხით უარყოფითი მოლოდინები ჰქონდათ, ამიტომაც დასაქმების ბარომეტრი უარყოფითი იყო და 46,7 შეადგინა.

აღნიშნული მაჩვენებელი 2020 წლის მეორე კვარტალთან (30,2 პუნქტით) და 2021 წლის პირველ კვარტალთან (12,7 პუნქტით) შედარებით მნიშვნელოვნად გაუმჯობესდა.

ბიზნეს–ასოციაციის გამოკითხვის თანახმად, მიმდინარე წლის მეორე კვარტალში დასაქმების ბარომეტრი მხოლოდ მშენებლობის სფეროში გაუარესდა. გამოკითხული კომპანიების მხოლოდ 12,5% ელოდება თანამშრომელთა რაოდენობის ზრდას.

საქართველოს ბიზნეს–ასოციაცია 2009 წელს დაფუძნდა და ქვეყნის 70–ზე მეტ წამყვან კომპანიას, მათ შორის ბანკებს, სააფთიაქო ქსელებს, სამშენებლო კომპანიებს, საკომუნიკაციო კომპანიებსა და მსხვილი სუპერმარკეტების ქსელებს აერთიანებს.

22
თემები:
საქართველოს ეკონომიკა
ვალუტის კურსი

ლარის კურსი 21 ივნისს

71
(განახლებულია 17:58 20.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

თბილისი, 21 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1681 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

ლარის კურსი 21 ივნისს
71
თემები:
ლარის კურსი დღეს
გიორგი გახარია

გიორგი გახარია ბრიუსელის შემდეგ შეხვედრებს აშშ–ში გამართავს

0
(განახლებულია 12:49 21.06.2021)
ვიზიტის ფარგლებში გახარიას შეხვედრები აქვს დაგეგმილი სახელმწიფო დეპარტამენტის, სხვადასხვა საერთაშორისო ორგანიზაციების, აკადემიური და პოლიტიკური წრეების წარმომადგენლებთან.

თბილისი, 21 ივნისი – Sputnik. საქართველოს ყოფილი პრემიერ-მინისტრი გიორგი გახარია ბრიუსელის შემდეგ სამუშაო ვიზიტით აშშ–ში გაემგზავრა, იუწყება პარტიის „საქართველოსთვის" პრეს-სამსახური.

ვაშინგტონში მას შეხვედრები აქვს დაგეგმილი აშშ–ის სახელმწიფო დეპარტამენტის, სხვადასხვა საერთაშორისო ორგანიზაციების, საექსპერტო, აკადემიური და პოლიტიკური წრეების წარმომადგენლებთან. გახარიასთან ერთად აშშ–ში გამგზავრნენ პარტიის პოლიტსაბჭოს წევრი კახაბერ ქემოკლიძე და ექს–პრემიერის პოლიტიკური მრჩეველი ლევან დოლიძე. 

გახარია აშშ–ში ბრიუსელიდან გ აემგზავრა, სადაც სამუშაო შეხვედრები გამართა დასავლელ პარტნიორებთან –  ევროპული საბჭოს პრეზიდენტის ოფისში, ევროპარლამენტის დეპუტატებთან, ევროკავშირის საგარეო საქმეთა და უსაფრთხოების პოლიტიკის სამსახურისა და ნატოს წარმომადგენლებთან.

გახარიამ პრემიერის პოსტი და მმართველი პარტია მიმდინარე წლის თებერვალში დატოვა. მიზეზი პარტიის ხელმძღვანელობასთან, მათ შორის, მის თავმჯდომარესთან ირაკლი კობახიძესთან უთანხმოება გახდა „ერთიანი ნაციონალური მოძრაობის" ლიდერის ნიკა მელიას დაპატიმრების გამო. წასვლის შემდეგ მან თავისი პარტია შექმნა, „ქართული ოცნება" გააკრიტიკა და ბრალად დასდო, რომ ის საკუთარ პარტიულ ინტერესებზე უფრო ზრუნავს, ვიდრე სახელმწიფოზე. ამის პასუხად მმართველმა პარტიამ და ბიძინა ივანიშვილმა გახარიას "სახელმწიფოს ღალატში" დასდეს ბრალი.

გადადგომის მომენტში გახარია პოპულარული პოლიტიკოსი იყო. მისმა პოსტებმა და ფოტოებმა სოციალურ ქსელებში ათასობით მოწონება დაიმსახურა, რაც ქართული პოლიტიკისთვის რეკორდია.

აშშ-ის საერთაშორისო რესპუბლიკური ინსტიტუტის (IRI) მიერ საზოგადოებრივი აზრის ბოლო გამოკითხვის თანახმად (2021 წლის თებერვალში, გადადგომამდე), საქართველოში პოპულარულ პერსონებს შორის, პატრიარქ ილია მეორის შემდეგ, გახარიას მეორე ადგილი ეკავა.

ჯერ კიდევ პარტიის შექმნამდე მან თავის მხარეს გადაიბირა პარლამენტის ექვსი დეპუტატი, ასევე სხვადასხვა სახელმწიფო სტრუქტურაში დასაქმებული რეგიონული ჩინოვნიკების ნაწილი.

0
თემები:
საქართველოს პოლიტიკური ცხოვრება