იუსტიციის სახლი, სადაც ეროვნული ბანკის ოფისი მდებარეობს

საქართველო საბანკო ზედამხედველობის საერთაშორისო ჯგუფს უხელმძღვანელებს

41
(განახლებულია 10:01 29.05.2021)
თბილისი 2022 წელს ცენტრალური და აღმოსავლეთ ევროპის საბანკო ზედამხედველების ჯგუფის ყოველწლიურ კონფერენციას უმასპინძლებს.

თბილისი, 29 მაისი - Sputnik. საქართველო ცენტრალური და აღმოსავლეთ ევროპის საბანკო ზედამხედველების ჯგუფის (BSCEE) 2022 წლის თავმჯდომარე ქვეყნად აირჩიეს, ნათქვამია საქართველოს ეროვნული ბანკის განცხადებაში.

ქვეყანას წარმოადგენს ეროვნული ბანკის ვიცე-პრეზიდენტი პაპუნა ლეჟავა, რომელიც BSCEE-ს თავმჯდომარის პოსტს 16 დეკემბერს დაიკავებს.

გარდა ამისა, თბილისი 2022 წელს ცენტრალური და აღმოსავლეთ ევროპის საბანკო ზედამხედველების ჯგუფის ყოველწლიურ კონფერენციას უმასპინძლებს.

2021 წლის კონფერენციაზე პაპუნა ლეჟავა წარდგა მოხსენებით, სადაც ისაუბრა საქართველოს გამოცდილებაზე პანდემიასთან ბრძოლაში და ამ დროს საბანკო ზედამხედველობის პრიორიტეტზე.

„კოვიდპანდემია უპრეცედენტო გამოწვევა იყო და მისი ზეგავლენა ჯერ არ დასრულებულა. ამ გამოწვევებმა მნიშვნელოვანი დასკვნების გამოტანის საშუალება მოგვცა: კრიზისადმი მუდმივი მზადყოფნა ფინანსური სექტორის სტაბილურობის შენარჩუნების აუცილებელი წინაპირობაა“, - განაცხადა ლეჟავამ.

ეროვნული ბანკის ვიცე-პრეზიდენტმა ასევე აღნიშნა, რომ პანდემიამ საქართველოს ფინანსური სტაბილურობის ხელშეწყობის შესაძლებლობაც დაანახა.

BSCEE ჯგუფი 1991 წელს დაარსდა. რეგიონული ჯგუფის მიზნებია - წევრთა შორის მჭიდრო თანამშრომლობისა და კომუნიკაციის წახალისება და შენარჩუნება, ტექნიკური დისკუსიებისთვის მაღალი დონის პლატფორმის შეთავაზება, საბანკო რეგულატორებს შორის საუკეთესო პრაქტიკების, ინფორმაციისა და ნოუ-ჰაუს გაცვლა და ცენტრალური და აღმოსავლეთ ევროპის რეგიონი ქვეყნების წარდგენა ბაზელის საბანკო ზედამხედველობის კომიტეტთან (BCBS) დიალოგში.

BSCEE- მოიცავს საბანკო ზედამხედველობის ორგანოებს შემდეგი ქვეყნებიდან: ავსტრია, ალბანეთი, სომხეთი, ბელორუსია, ბულგარეთი, ბოსნია და ჰერცეგოვინა, უნგრეთი, საქართველო, ყაზახეთი, ლატვია, ლიეტუვა, ჩრდილოეთ მაკედონია, მოლდოვა, პოლონეთი, რუსეთი, რუმინეთი, სერბეთი, სლოვაკეთი, სლოვენია, სლოვენია, თურქეთი, უკრაინა, ხორვატია, ჩეხეთი, ესტონეთი და მონტენეგრო.

41
ვალუტის გადამცვლელი პუნქტი

ლარის კურსი 19 ივნისს

44
(განახლებულია 09:52 19.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

თბილისი, 19 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1681 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

ლარის კურსი 19 ივნისს

 

44
მზის პანელების მწარმოებელი ქარხანა ქუთაისში

დაზუსტდა პირველ კვარტალში საქართველოში ეკონომიკის ვარდნის მაჩვენებელი

26
(განახლებულია 08:52 19.06.2021)
მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

თბილისი, 19 ივნისი – Sputnik. საქართველოში 2021 წლის პირველ კვარტალში მშპ-ის (მთლიანი შიდა პროდუქტი) შემცირებამ 4,5% შეადგინა 2020 წლის იანვარ-მარტთან შედარებით, იუწყება საქართველოს სტატისტიკის ეროვნული სამსახური „საქსტატი“.

წინასწარი მონაცემებით, ეკონომიკის ვარდნა პირველ კვარტალში 4,2%-ს შეადგენდა.

დაზუსტებული მონაცემებით, მიმდინარე ფასებში 2021 წლის 1 კვარტალში მშპ-ის მოცულობამ 3,4 მლრდ დოლარი შეადგინა. აღნიშნულ პერიოდში დეფლატორმა 6,8% შეადგინა. მშპ ერთ სულ მოსახლეზე საანგარიშო პერიოდში 912,5 დოლარს შეადგენდა (ერთი წლის წინ – 1.016,3 დოლარს).

სფეროები – ლიდერები ზრდის მიხედვით

ყველაზე მეტი შემცირება 2021 წლის პირველ   კვარტალში აჩვენა სასტუმრო ბიზნესის, ადმინისტრაციული საქმიანობის, ასევე დასვენებისა და გართობის სფეროებმა.

ეკონომიკის სფეროების ტოპ-5 2021 წლის I კვარტალში ყველაზე დიდი ვარდნით

ეკონომიკის სფერო ვარდნა, %
სასტუმრო ბიზნესი 54,0
ადმინისტრაციული საქმიანობა 34,0
დასვენება და გართობა 25,4
მშენებლობა     19,4
ტრანსპორტი 9,0

ყველაზე დიდი ზრდა დაფიქსირდა სამთომომპოვებელ (50,3%), საფინანსო (24%) და კავშირგაბმულობის (16,8%) სფეროებში.

მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

ეკონომიკის სფეროების ტოპ-5 2021 წლის I კვარტალში მშპ-ის სტრუქტურაში ყველაზე მაღალი ხვედრითი წონით

ეკონომიკის სფერო ხვედრითი წონა მშპ-ში %
ვაჭრობა   14,9
უძრავ ქონებასთან დაკავშირებული ოპერაციები 11,8
გადამამუშავებელი მრეწველობა 10,6
სახელმწიფო მმართველობა 8,3
მშენებლობა     6,8

                    

 

  

    

    

 

 

26
პოლიცია სიღნაღში

მედია: წნორში ერთ-ერთ ოჯახს ნათესავმა სახლი დაუწვა

0
(განახლებულია 16:00 19.06.2021)
არსებული ინფორმაციით, ხუთსულიანი ოჯახი სახლის გარეშე დარჩა. ოჯახის წევრები ახლა ნათესავთან აფარებენ თავს.

თბილისი, 19 ივნისი — Sputnik. სიღნაღის მუნიციპალიტეტის ქალაქ წნორში მცხოვრებ სომხიშვილების ოჯახს ნათესავმა საცხოვრებელი სახლი დაუწვა, იუწყება ტელეკომპანია „რუსთავი 2“.

შემთხვევა სამი დღის წინ მოხდა.

ოჯახი ადგილობრივ პოლიციას უყურადღებობაში ადანაშაულებს და აცხადებს, რომ ფაქტთან დაკავშირებით სამართალდამცველებს რეაგირება ამ დრომდე არ მოუხდენიათ. მათივე ინფორმაციით, სავარაუდო დამნაშავე პოლიციელებმა მხოლოდ გამოკითხეს და სახლში გაუშვეს.

არსებული ინფორმაციით, მხარეებს შორის დავა წლებია გრძელდება. დაპირისპირება სახლის გამო დაიწყო, რომელიც გულნაზ სომხიშვილს პაპამ აჩუქა.

დაზარალებული გულნაზი სომხიშვილი, გარდა ზიანისა, ბიძის მხრიდან მუქარაზე საუბრობს და მის დაკავებას ითხოვს. მისი თქმით, მამაკაცმა სახლის დაწვის ფაქტი აღიარა.

დაზარალებულების ინფორმაციით, მამაკაცი, რომელმაც სახლი დაწვა, მკვლელობაზეა ნასამართლევი და ახლაც პირობითი სასჯელის ქვეშ იმყოფება.

შინაგან საქმეთა სამინისტროს ინფორმაციით, სისხლის სამართლის საქმე სსკ-ის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

0