სატვირთო ტრაილერები ლარსის გზაზე

ექსპორტი საქართველოდან რუსეთში ოთხ თვეში მეოთხედით გაიზარდა

41
(განახლებულია 10:10 22.05.2021)
მიუხედავად დიპლომატიური ურთიერთობების არარსებობისა და ურთიერთობებში უკიდურესად რთული პოლიტიკური ფონისა, საქონელბრუნვა ქვეყნებს შორის იზრდება.

თბილისი, 22 მაისი – Sputnik. საქართველოს საგარეო-სავაჭრო ბრუნვა რუსეთთან 2021 წლის პირველ ოთხ თვეში გასული წლის ანალოგიურ პერიოდთან შედარებით, 20%-ით გაიზარდა და დაახლოებით 472,6 მლნ დოლარი შეადგინა, რაც საქართველოს საერთო საგარეო ვაჭრობის 12,1%-ია, ნათქვამია ქვეყნის სტატისტიკის ეროვნული სამსახურის „საქსტატის“ მასალებში.

რუსეთი საქართველოს ერთ-ერთი მთავარი სავაჭრო პარტნიორია და პირველობას მხოლოდ თურქეთს უთმობს. მიუხედავად იმისა, რომ დიპლომატიური ურთიერთობები არ არსებობს და ურთიერთობებში უკიდურესად რთული პოლიტიკური ფონია, საქონელბრუნვა ორ ქვეყანას შორის იზრდება.

საგარეო სავაჭრო ბრუნვა საქართველოსა და რუსეთს შორის (2021 წლის იანვარ-აპრილი)

მაჩვენებელი მოცულობა (მლნ დოლარი) ზრდა (%)
ექსპორტი 159,6 26,8
იმპორტი 316,6 16,9
სულ 476,2 20

წლის დასაწყისიდან საქართველოდან რუსეთში გაიტანეს 36,6 ათას ტონაზე მეტი ფეროშენადნობები, 3,2 ათას ტონაზე მეტი ნატურალური ყურძნის ღვინო, დაახლოებით 37,7 ათასი ტონა მინერალური და მტკნარი წყალი, დაახლოებით 2,3 ათასი ტონა სპირტიანი სასმელები და ა.შ.

რუსეთი საქართველოში საწვავის ყველაზე დიდი მომწოდებელია. წლის დასაწყისიდან საქართველოში 79,8 ათასი ტონა ნავთობპროდუქტები შემოიტანეს.

რუსეთიდან ასევე შემოიტანეს დაახლოებით 224,7 ათასი ტონა ნავთობგაზები, 95 ათას ტონაზე მეტი ხორბალი, 11,8 ათას ტონაზე მეტი მცენარეული ზეთი და ა.შ.

რამდენად მნიშვნელოვანია რუსული ბაზარი?

ეკონომიკის საკითხთა ექსპერტმა იოსებ არჩვაძემ დაასახელა რამდენიმე ფაქტორს, რომელიც საქართველოსთვის რუსული ბაზრის მნიშვნელობაზე მიუთითებს.

„რუსეთის ბაზარი დიდი და მოქნილია. რუსეთის მოქალაქეთა საშუალო მსყიდველობითი უნარი გაცილებით მაღალია, ვიდრე საქართველოს მოქალაქეებისა. გეოგრაფიული სიახლოვე, საერთო საზღვარი, გარკვეულწილად მენტალური მსგავსებაც, ენობრივი ბარიერის არარსებობა ხელს უწყობს იმას, რომ რუსეთის ბაზარი დიდი ხნის განმავლობაში დარჩეს ჩვენი ექსპორტის ერთ-ერთ მიმზიდველ და პრიორიტეტულ მიმართულებად“, – აღნიშნა არჩვაძემ „Sputnik-საქართველოსთან“ საუბრისას.

მისი თქმით, საქართველო და რუსეთი ექსპორტირებული პროდუქციით კონკურენტები არ არიან, არამედ ავსებენ ერთმანეთს.

„საქართველოს რუსეთში გააქვს პროდუქცია, რომელზეც რუსეთში მუდამ მაღალი, სტაბილური მოთხოვნილებაა. მეორე მხრივ, რუსეთი ქართველ მომხმარებელს აწვდის პროდუქციას, რომელიც არ იწარმოება ადგილზე, ან იწარმოება მცირე რაოდენობით და ეს არ იწვევს კონკურენციას ადგილობრივ მეწარმეებთან. ორმხრივი ვაჭრობის გასაზრდელად ეს კარგი დასაწყისია“, – ამბობს არჩვაძე.

გასულ წელს რუსეთსა და საქართველოს შორის ვაჭრობამ 1,3 მილიარდ დოლარზე მეტი შეადგინა, რაც 2019 წლის მაჩვენებელზე 9,9%-ით ნაკლებია. მიუხედავად ამისა, 2020 წელს რუსეთი ქართული აგრარული პროდუქციისთვის მთავარი ბაზარი იყო.

41
ვალუტის გადამცვლელი პუნქტი

ლარის კურსი 19 ივნისს

45
(განახლებულია 09:52 19.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

თბილისი, 19 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1681 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0094 ლარით გაუფასურდა. 

ლარის კურსი 19 ივნისს

 

45
მზის პანელების მწარმოებელი ქარხანა ქუთაისში

დაზუსტდა პირველ კვარტალში საქართველოში ეკონომიკის ვარდნის მაჩვენებელი

26
(განახლებულია 08:52 19.06.2021)
მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

თბილისი, 19 ივნისი – Sputnik. საქართველოში 2021 წლის პირველ კვარტალში მშპ-ის (მთლიანი შიდა პროდუქტი) შემცირებამ 4,5% შეადგინა 2020 წლის იანვარ-მარტთან შედარებით, იუწყება საქართველოს სტატისტიკის ეროვნული სამსახური „საქსტატი“.

წინასწარი მონაცემებით, ეკონომიკის ვარდნა პირველ კვარტალში 4,2%-ს შეადგენდა.

დაზუსტებული მონაცემებით, მიმდინარე ფასებში 2021 წლის 1 კვარტალში მშპ-ის მოცულობამ 3,4 მლრდ დოლარი შეადგინა. აღნიშნულ პერიოდში დეფლატორმა 6,8% შეადგინა. მშპ ერთ სულ მოსახლეზე საანგარიშო პერიოდში 912,5 დოლარს შეადგენდა (ერთი წლის წინ – 1.016,3 დოლარს).

სფეროები – ლიდერები ზრდის მიხედვით

ყველაზე მეტი შემცირება 2021 წლის პირველ   კვარტალში აჩვენა სასტუმრო ბიზნესის, ადმინისტრაციული საქმიანობის, ასევე დასვენებისა და გართობის სფეროებმა.

ეკონომიკის სფეროების ტოპ-5 2021 წლის I კვარტალში ყველაზე დიდი ვარდნით

ეკონომიკის სფერო ვარდნა, %
სასტუმრო ბიზნესი 54,0
ადმინისტრაციული საქმიანობა 34,0
დასვენება და გართობა 25,4
მშენებლობა     19,4
ტრანსპორტი 9,0

ყველაზე დიდი ზრდა დაფიქსირდა სამთომომპოვებელ (50,3%), საფინანსო (24%) და კავშირგაბმულობის (16,8%) სფეროებში.

მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.

ეკონომიკის სფეროების ტოპ-5 2021 წლის I კვარტალში მშპ-ის სტრუქტურაში ყველაზე მაღალი ხვედრითი წონით

ეკონომიკის სფერო ხვედრითი წონა მშპ-ში %
ვაჭრობა   14,9
უძრავ ქონებასთან დაკავშირებული ოპერაციები 11,8
გადამამუშავებელი მრეწველობა 10,6
სახელმწიფო მმართველობა 8,3
მშენებლობა     6,8

                    

 

  

    

    

 

 

26
ნიკოლოზ წულუკიძე ამსტერდამში

ნიკოლოზ წულუკიძე: „შემიძლია ადამიანების მიმართ ძალიან დიდი სითბო გავცე“

0
(განახლებულია 17:07 19.06.2021)
ნიკოლოზ წულუკიძე საკუთარ თავზე საუბრობს, იხსენებს ბავშვობას და განმარტავს თუ რა მნიშვნელობა აქვს მისთვის პოპულარობას.

 

წულუკიძე
„ბებიაჩემი რომ რეკავს ხოლმე, სულ ვაფარებ ყურმილს ხელს, რომ არავინ გაიგოს. ის ჩემთან საუბარს სულ სიმღერით და მოფერებით იწყებს: „ბებოს სიხარულებოო“!.. ვფიქრობ, ყველა ადამიანს, ვინც პოპულარობისთვის იღწვის, იმის განცდა აქვს ხოლმე, რომ განსაკუთრებულია“, -ამბობს ნიკოლოზ წულუკიძე.

თეატრმცოდნე და ტელეწამყვანი ნიკოლოზ წულუკიძის თქმით, მას ადამიანებისადმი სიყვარულისა და სითბოს გაცემა ბავშვობიდან ასწავლეს და სურვილს გამოთქვამს, რომ ყველა ადამიანმა უშურველად გასცეს სიკეთე და სიყვარული.

0