საქონლის კონტეინერში მოთავსება

საქართველოს ეკონომიკა აღორძინებას იწყებს ზრდამ მარტში 4% შეადგინა

39
(განახლებულია 16:12 30.04.2021)
მარტში ზრდა ქვეყნის ეკონომიკის პრაქტიკულად ყველა სექტორში შეინიშნებოდა გარდა მშენებლობისა, სამთო–მომპოვებელი მრეწველობისა და გართობის სფეროსი.

თბილისი, 30 აპრილი – Sputnik. ბოლო წლის განმავლობაში პირველად ქართული ეკონომიკა გაიზარდა – მშპ-ის ზრდამ მარტში 4% შეადგინა გასული წლის ამავე პერიოდთან შედარებით, იუწყება საქართველოს სტატისტიკის ეროვნული სამსახური „საქსტატი“.

ამავე დროს საქართველოს ეკონომიკა პირველ კვარტალში, გასული წლის ამავე პერიოდთან შედარებით, 4,2%-ით შემცირდა.

ეკონომიკურმა ვარდნამ 2020 წლის მარტში 2,7% შეადგინა, ხოლო აპრილში 16,6%-ს მიაღწია. საქართველოს ეკონომიკის ვარდნის ტემპები, რაც კორონავირუსის პანდემიითაა გამოწვეული, შემცირდა – 2021 წლის თებერვალში, გასული წლის ამავე თვესთან შედარებით, მშპ შემცირდა 5,1%-ით.

2021 წლის მარტში, გასული წლის ამავე პერიოდთან შედარებით, ზრდა შეინიშნებოდა საქმიანობის უმეტეს სახეობებში: ფინანსური და სადაზღვევო საქმიანობა, ვაჭრობა, გადამამუშავებელი მრეწველობა, უძრავ ქონებასთან დაკავშირებული ოპერაციები, ელექტროენერგიის, გაზის, ორთქლისა და ჰაერის კონდიცირების მიწოდება, ტრანსპორტირება და დასაწყობება, ინფორმაცია და კომუნიკაცია.

მსოფლიო ბანკი 2021 წელს საქართველოს ეკონომიკის 4%-იან ზრდას ვარაუდობს>>

შემცირების ტენდენცია შეინიშნებოდა მშენებლობის, სამთო–მომპოვებელი მრეწველობის, ხელოვნებისა და გართობის სფეროებში.

ეკონომიკის ვარდნამ 2020 წელს, წინა წელთან შედარებით, 6,2% შეადგინა იმ დროს, როდესაც რეალური ზრდა 2019 წელს პროგნოზზე მაღალი იყო და 5%-ს შეადგენდა.

მთავრობის შეფასება

საქართველოს ეკონომიკისა და მდგრადი განვითარების მინისტრი ნათია თურნავა მიიჩნევს, რომ ეკონომიკური ზრდის ტემპები წლის ბოლოს უფრო მაღალი იქნება.

„ოთხპროცენტიანი ეკონომიკური ზრდა მარტის თვეში არის იმის დასტური, რომ დაბალანსებული მიდგომა, რასაც ჩვენ ვიჩენთ, არის გამართლებული – ქვეყანაში ცალსახად მიმდინარეობს ეკონომიკური ზრდა, მიუხედავად იმისა, რომ ჯერ კიდევ პანდემიის მესამე ტალღის პროცესში ვიმყოფებით და პანდემია არ არის დამარცხებული“, – განაცხადა თურნავამ.

მისი თქმით, გასული წლის მარტში ეკონომიკა 2,7 პროცენტით შემცირდა და, შესაბამისად, 2021 წლის მარტში დაფიქსირებული ეკონომიკური აქტიურობის დონე აღემატება არა მხოლოდ 2020 წლის, არამედ 2019 წლის მონაცემებს.

„ჩვენ ვახერხებთ, რომ დარგები აღდგეს, ტურიზმიც ნელ-ნელა ვითარდება, კვლავ აღდგენისკენ მიდის და ეს გვაძლევს იმედს, რომ წლის ბოლომდე გვექნება საკმაოდ მნიშვნელოვანი ეკონომიკური ზრდა“, – აღნიშნა მინისტრმა.

პროგნოზი საიმედოა

საქართველოს ეროვნული ბანკი მიიჩნევს, რომ 2021 წლის განმავლობაში შეზღუდვების შემსუბუქების ფონზე მოსალოდნელია ეკონომიკური აქტივობის აღდგენა, რომლის ძირითადი მამოძრავებელი ძალა ადგილობრივი მოთხოვნა იქნება.

ბანკში აცხადებენ, რომ გარე მოთხოვნა მნიშვნელოვნად შემცირებული დარჩება. რაც შეეხება მიმდინარე ციფრებს, შემოსავლები საერთაშორისო მოგზაურებისგან მინიმალურია და იანვარში, წლიური გათვლებით, 95%-ით დაეცა. წინასწარი მონაცემებით, საქონლის იმპორტი თებერვალში დაეცა 12%-ით წლიური გათვლით, ხოლო ექსპორტი ცოტა გაუმჯობესდა და 3%-ით გაიზარდა, აღნიშნავენ ბანკში.

ბანკის ანალიტიკოსების აზრით, თუ წლის მეორე ნახევარში ეპიდემიოლოგიური ვითარება გაუმჯობესდება და ტურისტული სექტორი ნელ-ნელა დაიწყებს აღდგენას, ეკონომიკის ნაწილობრივი აღდგენა 2021 წელს 4%-ს შეადგენს.

საერთაშორისო სავალუტო ფონდმა საქართველოს ეროვნული ბანკის პოლიტიკა მოიწონა>>

თუ პანდემიის გამო გლობალური შეზღუდვები გაგრძელდება, ეს იმოქმედებს ქვეყნის ეკონომიკაზე და აღდგენის პროცესი შენელდება. შედეგად, თუ საქართველოში ტურიზმი არ აღდგება, ეკონომიკური ზრდა 2021 წელს საქართველოში დაახლოებით 1% იქნება, მიიჩნევენ ეროვნული ბანკის ანალიტიკოსები.

39
თემები:
საქართველოს ეკონომიკა (1014)
ავტოსამრეცხაო

საქართველოში ეკოლოგიურად სუფთა სარეცხ საშუალებებს გამოუშვებენ

35
(განახლებულია 21:21 07.05.2021)
კომპანიამ სპეციალური ფორმულა შექმნა, რომელიც ითვალისწინებს ადგილობრივი წყლის სიხისტეს, ამას გარდა მინიმალურად აბინძურებს გარემოს.

თბილისი, 7 მაისი – Sputnik. ფონიჭალაში სახელმწიფოს მხარდაჭერით სარეცხი და საწმენდი საშუალებების მწარმოებელი საწარმო აშენდება, ნათქვამია საქართველოს ეკონომიკის სამინისტროს განცხადებაში.

თბილისსა და რეგიონებში ოთხი მცირე საწარმოს შექმნის პროექტი საქართველოს მთავრობამ აპრილის ბოლოს დაამტკიცა. ის განხორციელდება სახელმწიფო პროგრამის „აწარმოე საქართველოში“ ფარგლებში.

ქიმიური პროდუქციის საწარმოს შესაქმნელად შპს „ეკოკემიკა სერვის ჯგუფს“ (Ekokemika International) სიმბოლურ ფასად – ერთ ლარად საკუთრებაში გადაეცემა თბილისში, ფონიჭალის დასახლებაში მდებარე არასასოფლო-სამეურნეო დანიშნულების მიწის ნაკვეთი და მასზე მდებარე შენობა-ნაგებობა.

Ekokemika International წარმოადგენს საერთაშორისო სავაჭრო კომპანიას, რომლის სათავო ოფისი და ძირითადი საწარმოო ბაზა მდებარეობს იტალიის ქალაქ პიაცენსაში. საწარმო აწარმოებს პროდუქტებს, რომელთა ფორმულები თვითონ Ekokemika International-მა შეიმუშავა და მის საკუთრებაშია.

ნედლეულს, რომელიც პროდუქტების შესაქმნელად გამოიყენება, ევროპის სხვადასხვა ქვეყანაში აწარმოებენ. კომპანია 20 წელზე მეტია ბაზარზე მოქმედებს და მისი ძირითადი პროფილია ავტომობილების სარეცხი საშუალებების წარმოება.

ახალ ქარხანაში სარეცხ საშუალებებს სპეციალურად ქართული ბაზრისთვის დაამზადებენ. Ekokemika International-მა სპეციალური ფორმულა შექმნა ადგილობრივი წყლის სიხისტის გათვალისწინებით, ასევე გარემოს დაბინძურების შესამცირებლად. აგრეთვე გათვალისწინებულია ტექნოლოგიები, რომლითაც ადგილობრივი ავტოსამრეცხაოები მუშაობენ.

ამ დროისთვის კომპანია Ekokemika International-ს წარმომადგენლობა აქვს საქართველოში, ბელარუსში, სომხეთში, რუსეთსა და ყაზახეთში, ასევე ცენტრალური და აღმოსავლეთ ევროპის და აზიის ათზე მეტ ქვეყანაში.

35
თემები:
საქართველოს ეკონომიკა (1014)
ვაზილ ჰუდაკი

პრემიერმა უცხოური ინვესტიციების მოზიდვის მიმართულებით მრჩევლად ვაზილ ჰუდაკი წარმოადგინა

50
(განახლებულია 18:02 07.05.2021)
ჩემი მიზანია დავეხმარო საქართველოს მთავრობას სხვადასხვა რესურსის მობილიზაციაში, განაცხადა ვაზილ ჰუდაკმა.

თბილისი, 7 მაისი — Sputnik. საქართველოს პრემიერ-მინისტრმა ირაკლი ღარიბაშვილმა უცხოური ინვესტიციების მოზიდვის მიმართულებით სპეციალურ მრჩევლად ევროპის საინვესტიციო ბანკის ყოფილი ვიცე-პრეზიდენტი, სლოვაკეთის ფინანსთა ყოფილი მინისტრი ვაზილ ჰუდაკი წარმოადგინა.

საქართველოს მთავრობის მეთაურის თქმით, ჰუდაკი კარგად იცნობს საქართველოს და ქვეყნის ეკონომიკურ გუნდს.

„როგორც თქვენთვის ცნობილია, კორონავირუსით გამოწვეულ რთულ ვითარებაში ეკონომიკის აღდგენის ახალ გეგმაზე ვმუშაობთ, ამ გეგმაში საქართველოს სამომავალო განვითარებისთვის უცხოურ ინვესტიციებს ექნება წამყვანი როლი“, – განაცხადა ღარიბაშვილმა. 

ქვეყანას სჭირდება ინვესტიციები, რაც ნიშნავს ეკონომიკის სწრაფ აღდგენას, მეტ დასაქმებას და მეტ შემოსავალს ჩვენი მოქალაქეებისთვის, აღნიშნა მთავრობის მეთაურმა.

„აქედან გამომდინარე, ჩვენ შევარჩიეთ ვაზილ ჰუდაკი, რომელიც არის საქართველოს დიდი მეგობარი. მისი წარმატებული კარიერის განმავლობაში იგი მუშაობდა ევროპის საინვესტიციო ბანკის ვიცე-პრეზიდენტად, სლოვაკეთის ეკონომიკის მინისტრად, ფინანსთა მინისტრად, მანამდე მუშაობდა კერძო ბანკებში. ასევე მინდა გითხრათ, რომ როდესაც ის იყო ევროპის საინვესტიციო ბანკის ვიცე-პრეზიდენტი, ხშირად სტუმრობდა საქართველოს. ძალიან კარგად იცნობს საქართველოს და ჩვენს ეკონომიკურ გუნდს“, – განაცხადა ღარიბაშვილმა.

თავის მხრივ, ჰუდაკმა აღნიშნა, რომ მისი მიზანია დაეხმაროს საქართველოს მთავრობას სხვადასხვა რესურსის მობილიზებაში. ამასთან, მან კერძო სექტორის ჩართულობის მნიშვნელობასაც გაუსვა ხაზი.

„ჩემთვის დიდი პატივია, რომ საქართველოს პრემიერ-მინისტრის სპეციალური წარმომადგენლის რანგში ვიმუშავებ ქვეყნის განვითარებისთვის, მთავრობისა და საზოგადოების ხელშეწყობისთვის. პანდემიის გამო ეკონომიკის აღდგენისა და ინვესტიციების მოზიდვის მიმართულებით ქვეყნებს რთულ პერიოდში უწევთ მუშაობა, თუმცა ეს ახალი შესაძლებლობების პერიოდიც არის. შესაძლებლობა გვაქვს, რომ გავიზარდოთ, განვვითარდეთ სხვადასხვა მიმართულებით, სხვადასხვა სფეროს საუკეთესო ხარისხი შევქმნათ“, – განაცხადა ჰუდაკმა.

50
არწივი მთებში

დღის ასტროპროგნოზი ზოდიაქოს ნიშნებისთვის: 8 მაისი

0
(განახლებულია 18:38 07.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 8 მაისია, შაბათი. კლებადი მთვარე ვერძის ნიშანშია. ამ დღეს პლანეტა სატურნი მფარველობს.

იღბალი იქნება თანმდევი ყველა საქმეში, რაც ოგანიზაციულ მომენტებსა და ურთიერთობებს უკავშირდება. საუკეთესო დღეა კომპრომისების მოსაძებნად, რთული სიტუაციების გასაშიფრად, ნესბიემიერი ღონისძიებისთვის – ოფიციალური მოლაპარაკებებიდან დაწყებული წვეულების მოწყობით დამთავრებული. ძალზე ხელსაყრელი დროა იმისთვის, რომ საქმეები კარგად დაალაგოთ და საჭირო კალაპოტი მისცეთ.

ეგვიპტური ჰოროსკოპი – დაინახეთ თქვენი თავი განსხვავებულად>>

ვერძი: დღეს ვითარება თქვენგან მოითხოვს, რომ ინიციატივა აიღოთ ხელში. თუნდაც ეს თქვენთვის ჩვეული არ იყოს, იგრძნობთ მოთხოვნილებას, რომ მიიღოთ გადაწყვეტილებები და მათზე პასუხისმგებლობა აიღოთ. საინტერესო ისაა, რომ გარშემომყოფები მშვიდად დაგითმობენ პირველობას. შესაძლოა, ყველა გადაწყვეტილება და მოქმედება სწორი არ იყოს, მაგრამ ამით მოგეცემათ შანსი, ყველას და საკუთარ თავსაც აჩვენოთ, რომ ბევრი რამ შეგიძლიათ.

კურო: დღეს გარშემომყოფებმა შეიძლება თქვენით მანიპულირება მოინდომონ. არ არის გამორიცხული, რომ ვიღაც შეეცადოს თავისი მდგომარეობის, კავშირების ან პირადი მომხიბვლელობის გამოყენებას, რათა თავის თამაშში ჩაგითრიოთ. თუ ამ მცდელობას აჰყვებით, დროთა განმავლობაში ინანებთ – ამან შეიძლება თქვენს რეპუტაციას დაარტყას. ასე რომ, დღეს თქვენი თვალსაზრისი უნდა დაიცვათ და მოერიდოთ ადამიანებს, რომლებიც თქვენით მანიპულირებას შეეცდებიან.

ტყუპი: დღეს კარგად ვერ გაართმევთ თავს იმ საქმეებს, სადაც ლოგიკური აზროვნებაა საჭირო – გათვლები, ანალიტიკა, მეცნიერება, დაგეგმვა, სწავლა. სამაგიეროდ, ძალიან იოლი იქნება კონტაქტები ადამიანებთან, მათი თქვენი იდეებითა და ემოციებით დამუხტვა. ამას გარდა, ურთიერთობებში მწვავედ იგრძნობთ სიყალბეს, რისი გამოყენებაც „სიცრუის დეტექტორის“ სახით შეგიძლიათ.

კირჩხიბი: ვარსკვლავები გირჩევენ, დრო გამონახოთ კარიერული, პროფესიული თუ პიროვნული ზრდის მეთოდიკის გასაცნობად. ამ თემებზე წიგნების ნახვა ადვილია – ნებისმიერი წიგნის მაღაზიიდან დაწყებული ინტერნეტით დამთავრებული. თუნდაც სკეპტიკურად უყურებდეთ მსგავს ლიტერატურას, ნამდვილად ღირს მისი შესწავლა, ან შეგიძლიათ შეეგუოთ დღევანდელ მდგომარეობას. მაგრამ გახსოვდეთ, რომ რამდენიმე რჩევის გათვალისწინებაც კი წარმატებებს მოგიტანთ.

ლომი: დღეს ნებისმიერი შეკრების „მიზიდულობის ცენტრი“ შეგიძლიათ გახდეთ. გარეშემომყოფები თქვენკენ მოილტვიან. საჭირო შედეგი რომ მიიღოთ, საკმარისია თქვენი ქარიზმა გამოიყენოთ – უარს ვერავინ გეტყვით. სხვათა შორის, დღევანდელი ვითარება სხვანაირადაც შეიძლება შემობრუნდეს თქვენთვის – ირგვლივ მყოფებმა გასაქანი არ მოგცენ, სულის მოთქმა არ გაცადონ და სულ „ნაწილ–ნაწილ“ დაგიტაცონ.

ქალწული: დღეს შეიძლება დიდ მანიპულატორად იქცეთ და ადამიანები თოჯინებივით ათამაშოთ. თუნდაც ეს მანიპულაცია სუსტი იყოს, მაგრამ არსი მაინც არ იცვლება. მზად ხართ, გარშემომყოფების მოქმედებებს საჭირო კალაპოტი მისცეთ. ამისთვის კი აამუშაოთ კავშირები, მინიშნებები, დაპირებები, ჭორები... ამან რომ არ იმუშაოს კიდეც, თქვენსას მაინც მიაღწევთ, მაგრამ უფრო ადვილი გზებით – ქედუხრელობითა და სხვების დარწმუნების უნარით.

სასწორი: დღეს ის იშვიათი დღეა, როდესაც ირგვლივმყოფებთან კამათში ნამდვილად შეიძლება დაიბადოს ჭეშმარიტება. მაგრამ მაინც სჯობს, არა იკამათოთ, არამედ განიხილოთ, იმსჯელოთ ნებისმიერ თემაზე – იდეებზე, გეგმებზე, პერსპექტივებზე. დღეს არაფერი ისე არ გაგამხნევებთ, არაფერი გაგიჩენთ ცინცხალ იდეებსა და მოქმედების სურვილს, როგორც ტვინის კარგი „შეჯანჯღარება“. თანამოაზრეებთან ერთად ნებისმიერ ამოცანასთან შეჭიდებას შეძლებთ.

მორიელი: მოთმინებითა და გაგებით უნდა მოეკიდოთ ადამიანს, რომელსაც დღეს თქვენი დახმარება, მხარდაჭერა ან რჩევა სჭირდება. თუ კეთილ საქმეს დროს დაუთმობთ, არ ინანებთ. პირიქით, კეთილისმყოფელის როლში თავს არაჩვეულებრივად იგრძნობთ. თქვენც ხომ დაგჭირვებიათ ვინმეს დახმარება ან რჩევა, და რატომ არ უნდა დაეხმაროთ თქვენ? და გახსოვდეთ, რომ სიკეთეცა და ბოროტებაც უკან ბუმერანგივით გვიბრუნდება.

მშვილდოსანი: დღეს ძალიან გაგიჭირდებათ თავის მოთოკვა, რომ ახლობლებს ბრძანებები არ მისცეთ და თქვენი ვალდებულებების ნაწილიც მათ არ გადააბაროთ. ვერაფერს გააწყობთ – ეს გუნდის კანონია, ყოველთვის დამყოლი ვერ იქნებით, ხანდახან კლანჭებიც უნდა გამოაჩინოთ. ამასთან დღეს ეს თავისთავადაც შეიძლება გამოვიდეს – სიტუაცია ისე ჩამოყალიბდეს, რომ არჩევნის წინაშე დადგეთ: ან ვერ გაუმკლავდეთ ყველა საქმეს, ან სხვა დაიხმაროთ.

თხის რქა: დღეს ირგვლივ არსებული ატმოსფერო გაგახარებთ. სითბოსა და ურთიერთდახმარების განცდა თქვენში დაბადებს გრძნობას, რომ ყველა, ვინც გარშემო ტრიალებს, ერთი დიდი ოჯახია. ასეთი სიკეთით სავსე განწყობა აუცილებლად აისახება თქვენ ქცევაზე – ჩვეულებრივზე მეტად გულგახსნილი იქნებით ურთიერთობებში. თქვენი მომხიბვლელობისთვის წინააღმდეგობის გაწევას ირგვლივ მყოფნი ვერ შეძლებენ – თუ მოინდომებთ, დაუძინებელ მტერსაც კი საუკეთესო მეგობრად აქცევთ.

მერწყული: თქვენი კომუნიკაბელურობა დღეს სასიამოვნო დივიდენდებით შეიძლება შემოგიბრუნდეთ. შესაძლოა, გარშემომყოფებთან თქვენი ცოდნით გაიბრწყინოთ, ან პერსპექტიული ნაცნობობა გააბათ. სხვაგვარად რომ ვთქვათ, დღეს სრულად უნდა წარმოაჩინოთ თქვენი დიდი ორატორული ნიჭი. რა თქმა უნდა, ლაპარაკი ყოველთვის არაა მისასალმებელი, მაგრამ დღეს გამონაკლისი შეგიძლიათ დაუშვათ და „მჭევრმეტყველების მაგიური ძალა“ აჩვენოთ.

თევზები: დღის განმავლობაში საინტერესო შეხვედრები და ნაცნობობა გელოდებათ, რომლებიც ზეგავლენას მოახდენს თქვენ შემდგომ ცხოვრებაზე. რა სახის იქნება ეს გავლენა – დადებითი თუ უარყოფითი, უკვე თვითონ თქვენზეა დამოკიდებული. ამიტომ ვარსკვლავები გირჩევენ, ყოველი შემთხვევისთვის, მთელი თქვენი ბუნებრივი ხიბლი აამოქმედოთ თითოეულ თანამოსაუბრესთან. მომხიბვლელობა კი, რაც მართალი, მართალი – არ გაკლიათ.

0