„თელასი

„თელასის“ მიერ მოხმარებული ელექტროენერგიის რაოდენობა შემცირდა

48
(განახლებულია 21:50 26.04.2021)
2021 წლის პირველი კვარტალში კომპანიის მიერ მოხმარებული ელექტროენერგიის რაოდენობა გასულ წელთან შედარებით შემცირდა, ხოლო აბონენტების რაოდენობა გაიზარდა.

თბილისი, 26 აპრილი – Sputnik. 2021 წლის პირველ კვარტალში კომპანია „თელასმა“ 0,723 მილიარდი კვტ/სთ ელექტროენერგია მოიხმარა, რაც 5,3%-ით ნაკლებია 2020 წლის ამავე პერიოდთან შედარებით, ნათქვამია კომპანიის მიერ გამოქვეყნებულ ინფორმაციაში.

  • ელექტროენერგიის მოხმარების კლება ქვეყანაში კორონავირუსის გავრცელების პრევენციის მიზნით ეკონომიკის მრავალ სფეროში საქმიანობის შეზღუდვამ განაპირობა, მიაჩნიათ კომპანიაში.

2021 წლის იანვარი-მარტში, 2020 წლის პირველ კვარტალთან შედარებით, 9,7%-ით შემცირდა მომხმარებელზე დარიცხული ელექტროენერგიის მოცულობა და 0,670 მილიარდი კვტ/სთ შეადგინა.

კომპანიის ცნობით, ამ მაჩვენებლის შემცირებაც ეკონომიკური აქტივობის შეზღუდვამ განაპირობა.

ამავე დროს, „თელასის“ აბონენტთა რაოდენობა 2021 წლის სამი თვის მონაცემებით, 2020 წლის ამავე პერიოდთან შედარებით, 3,1%-ით გაიზარდა და 686,3 ათასი აბონენტი შეადგინა, საიდანაც 618,5 ათასი – ფიზიკური პირია, ხოლო 67,8 ათასი – იურიდიური პირი.

„აბონენტთა რაოდენობა ქსელის განვითარებისა და ახალი აბონენტების მიერთების შედეგად გაიზარდა“, – აღნიშნულია კომპანიის ინფორმაციაში.

2021 წლის პირველი კვარტლის მონაცემებით, კომპანიის ელექტროგადამცემი ხაზების საერთო სიგრძემ 6.156 კმ შეადგინა, რაც 3,9%-ით (238 კმ-ით) აღემატება 2020 წლის პირველი კვარტლის მაჩვენებელს (5.918 კმ).

კომპანიის ელექტროგადამცემი ხაზების საერთო სიგრძე ქსელის განვითარების, რეკონსტრუქციისა და მოდერნიზების სამუშაოების ჩატარების შედეგად გაიზარდა.

სს „თელასი" ემსახურება საქართველოს დედაქალაქს. კომპანია ახორციელებს ელექტროენერგიის განაწილებას და გასაღებას. 

ფინანსისტები ხელისუფლებას მოუწოდებენ, გამოაქვეყნონ იმპორტირებული ელექტროენერგიის ტარიფები>>

თბილისში ელექტროენერგიის წლიური მოხმარება დაახლოებით 2,935 მლრდ კვტ/სთ-ს შეადგენს.

მომხმარებელთა მომსახურება და ელექტრული ქსელების ექსპლუატაცია ხორციელდება 10 ბიზნეს-ცენტრის დახმარებით, რომლებიც განთავსებულია ქალაქის ყველა ადმინისტრაციულ რაიონში.

48
თემები:
საქართველოს ენერგეტიკა (126)
ვალუტის გაცვლის პუნქტი

ლარის კურსი 6 მაისს

63
(განახლებულია 09:29 06.05.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა.

თბილისი, 6 მაისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4399 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა.

ლარის კურსი 6 მაისს
ლარის კურსი 6 მაისს
63
თემები:
ლარის კურსი დღეს
მოსავლის აღება

რამდენად აისახება საქართველოზე რუსეთიდან წიწიბურის ექსპორტის აკრძალვა: თურნავას განმარტება

131
(განახლებულია 22:59 05.05.2021)
რუსეთის მთავრობამ წიწიბურა შიდა ბაზრისთვის აუცილებელი პროდუქტების ჩამონათვალში დაამატა და მისი საზღვარგარეთ ექსპორტი დროებით აკრძალა.

თბილისი, 5 მაისი – Sputnik. რუსეთიდან წიწიბურის გატანაზე დაწესებული დროებითი აკრძალვა ქართულ ბაზარზე არ აისახება, განაცხადა ჟურნალისტებთან ეკონომიკისა და მდგრადი განვითარების მინისტრმა ნათია თურნავამ.

რუსეთის მთავრობამ წიწიბურა შიდა ბაზრისთვის აუცილებელი პროდუქტების ჩამონათვალში დაამატა და მისი საზღვარგარეთ ექსპორტი დროებით აკრძალა. აკრძალვა 2021 წლის 5 ივნისიდან ამოქმედდება და ძალაში 31 აგვისტომდე დარჩება. მიზეზად დასახელდა რუსეთის ბაზარზე პროდუქციის საჭირო მოცულობების შენარჩუნება და ფასების მკვეთრი რყევების თავიდან აცილება. 

„რა თქმა უნდა, სამწუხაროა, რომ რუსეთმა ეს გადაწყვეტილება მიიღო, ეს თავისუფალი ვაჭრობის სულისკვეთებას არ შეესაბამება, თუმცა, როგორ ჩანს, ამას თავისი შიდა მიზეზები აქვს. ჩვენს ბაზარზე ეს არ აისახება, ჩვენ გვაქვს თავისუფალი ვაჭრობის რეჟიმი მსოფლიო ბაზრების 2/3-თან, შესაბამისად, ძალიან მარტივად ჩანაცვლდება ეს დანაკლისი, თუ შეიქმნება, მაგრამ დღეს ეს დანაკლისი არ არის“, – აღნიშნა ნათია თურნავამ.

რუსეთი საქართველოსთვის წიწიბურის ძირითადი მომწოდებელია. სტატისტიკის ეროვნული სამსახურის „საქსტატის“ მონაცემებით, მიმდინარე წლის პირველ სამ თვეში საქართველომ 701,7 ათასი დოლარის ღირებულების წიწიბურა შეიძინა, აქედან 701,4 ათასი დოლარის ღირებულების პროდუქცია რუსეთიდან შემოვიდა.

ადრე რუსეთის სოფლის მეურნეობის სამინისტროში აღნიშნეს, რომ რუსეთში მარცვლოვანი კულტურების წარმოების მიმდინარე მოცულობები მოსახლეობის მოთხოვნებს ძირითადი სახეობების ბურღულეულზე, მათ შორის წიწიბურაზე, სრულად უზრუნველყოფს. ამასთან, 2020 წლის ნოემბრიდან მსოფლიოში არსებული კონიუნქტურის ფონზე იმპორტიორ ქვეყნებში რუსული წიწიბურის ექსპორტის მნიშვნელოვანი ზრდა ფიქსირდება.

რუსეთში წიწიბურის ფასი წლის დასაწყისიდან იზრდება. უწყვეტი ზრდა მარტიდან ფიქსირდება. 19 აპრილის მდგომარეობით 1 კგ წიწიბურა რუსეთში ღირდა 96 რუბლი, რაც დაახლოებით 4,4 ლარს უდრის.

საქართველოში 1 კგ წიწიბურის ფასი 3,5 ლარიდან იწყება.

 

131
რუსუდან კერვალიშვილი

კერვალიშვილი: როცა საპატიმროში შევედი, მაია დავინახე, კუთხეში იჯდა

0
(განახლებულია 17:02 06.05.2021)
ყოფილი დეპუტატი, სამშენებლო კომპანია „ცენტრ პოინტ გრუპის“ ერთ-ერთი დამფუძნებელი რუსუდან კერვალიშვილი იხსენებს საპატიმროში დასთან, მაია რჩეულიშვილთან შეხვედრის მომენტს.
კერვალიშვილი: როცა საპატიმროში შევედი, მაია დავინახე, კუთხეში იჯდა
„საპატიმროში შესვლა ჩემთვის განსაკუთრებული განცდა იყო -  ჩვენი ოთახის კუთხეში იჯდა მაია. როდესაც კარები დაიხურა, მომეცა საშუალება, მასთან მივსულიყავი. ამას ვნატრობდი მთელი 9 თვის განმავლობაში. მაიას წინაშე დანაშულის შეგრძნება მქონდა, რადგან ჩვენ ერთად ვაკეთებდით საქმეს. პირველი შეგრძნება მქონდა ასეთი - „მაია, მე მოვედი, ჩვენ ერთად ვართ“. მაია დაფეთებული დამხვდა, მოულოდნელი იყო მისთვის ჩემი დაკავება“, -ამბობს კერვალიშვილი.

დებს – სამშენებლო კომპანია „ცენტრ პოინტ გრუპის“ დამფუძნებლებს რუსუდან კერვალიშვილსა და მაია რჩეულიშვილს  2004–2009 წლებში ამხანაგობა „თაბუკაშვილი 88"-ის მენაშენეთა თანხებიდან 11 მლნ ლარის მითვისებისთვის  4–4 წლით თავისუფლების აღკვეთა შეეფარდათ. კერვალიშვილი 2017 წლის 31 მარტს სასამართლო დარბაზში დააკავეს. რჩეულიშვილი კი იმ დროისთვის უკვე პატიმრობაში იმყოფებოდა სხვა საქმეზე – აჭარაში საცხოვრებელი კომპლექსის მშენებლობისას თანხების მითვისებაზე.

კერვალიშვილმა ოთხწლიანი სასჯელი სრულად მოიხადა და პენიტენციური დაწესებულება მიმდინარე წლის 30 მარტს დატოვა.

0