ლონდონის საფონდო ბირჟა

საქართველო ლონდონის საფონდო ბირჟაზე ევრობონდების განთავსებას იწყებს

40
(განახლებულია 16:48 14.04.2021)
2020 წელს საქართველოს მთავრობის საგარეო ვალმა დაახლოებით 7,2 მლრდ დოლარი შეადგინა – 2019 წელთან შედარებით 30,4%-ით მეტი.

თბილისი, 14 აპრილი — Sputnik. საქართველოს ფინანსთა სამინისტრომ უახლოეს დროში ლონდონის საფონდო ბირჟაზე 500 მლნ აშშ დოლარის ღირებულების ევრობონდების განთავსებისთვის მოსამზადებელი ეტაპი დაასრულა, ნათქვამია უწყების მიერ გავრცელებულ განცხადებაში. 

უწყების ცნობით, ევრობონდების განთავსებისთვის მოსამზადებელი ეტაპი საინვესტიციო ბანკებთან – JP Morgan, Goldman Sachs, ICBC Standard, TBC Capital და Galt & Taggart, იურიდიულ მრჩევლებთან Backer & McKenzie და BLC და ფისკალურ აგენტ Citi-სთან ერთობლივად ჩატარდა.

ტრანზაქცია სამშაბათს Bloomberg-ის სავაჭრო პლატფორმაზე გამოცხადდა, უახლოეს ორ დღეში კი საერთაშორისო ინვესტორებთან ონლაინ–შეხვედრები გაიმართება.

ახალი ევრობონდები ბირჟაზე სახელმწიფო ვალის ეფექტური მართვის მიზნით თავსდება.

2011 წელს საქართველომ ლონდონის საფონდო ბირჟაზე 10-წლიანი დაფარვის ვადის 500 მლნ დოლარის ევროობლიგაციები განათავსა, რომლის ძირითადი თანხის დაფარვის ვადა 2021 წლის აპრილია. არსებული ევროობლიგაციების ძირითადი თანხის დასაფარად და ფინანსური რესურსების მოსაზიდად აუცილებელი გახდა ახალი ევრობონდების გამოშვება.

საქართველოს ფინანსთა სამინისტროს მონაცემებით, საქართველოს სახელმწიფო საგარეო ვალის და სახელმწიფო გარანტიებით აღებული სესხების მოცულობა 2020 წელს 31,3%-ით გაიზარდა და 7,5 მილიარდ აშშ დოლარზე მეტი შეადგინა.

რამდენი აქვს ვალი საქართველოს

საქართველოს მთავრობის საგარეო სესხმა 2020 წელს შეადგინა დაახლოებით 7,2 მილიარდი დოლარი – 2019 წელთან შედარებით ის 30,4%-ით გაიზარდა, ხოლო ეროვნული ბანკის ვალი თითქმის 50%-ით გაიზარდა და ის 373 მილიონ აშშ დოლარზე მეტს შეადგენს. 

საქართველოს ვალი საერთაშორისო ორგანიზაციების წინაშე 2020 წელს გაიზარდა 27,6%-ით და 5 მილიარდ დოლარზე მეტს შეადგენს. ქვეყნის ყველაზე დიდი კრედიტორი მსოფლიო ბანკია – 2020 წლის ბოლოსთვის საქართველოს ამ საერთაშორისო ორგანიზაციის 2,1 მილიარდი დოლარი ვალი ჰქონდა – 9,5%-ით მეტი, ვიდრე 2019 წელს.

ხოლო საქართველოს მთლიანი ვალი 17 კრედიტორი ქვეყნის წინაშე 2020 წელს 55,2%-ით გაიზარდა და დაახლოებით 1,7 მილიარდ დოლარს შეადგენს. საქართველოს ყველაზე მეტი გერმანიის მართებს – დაახლოებით 731,5 მილიონი დოლარი, რაც 95%-ით მეტია, ვიდრე 2019 წელს.

საგარეო ვალი ასევე მოიცავს სახელმწიფო ფასიან ქაღალდებს: 500 მილიონი აშშ დოლარის ევროობლიგაციები, განთავსებული 2008 წლის აპრილში.

მოყვანილი რიცხვები არ მოიცავს სესხის მომსახურების სახსრებს. საგარეო ვალის თანხები მოყვანილია 2020 წლის 31 დეკემბრის გაცვლითი კურსის გათვალისწინებით.

 

40
თემები:
საქართველოს ეკონომიკა (1012)
ვალუტის გაცვლის პუნქტი

ლარის კურსი 6 მაისს

30
(განახლებულია 09:29 06.05.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა.

თბილისი, 6 მაისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4399 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა.

ლარის კურსი 6 მაისს
ლარის კურსი 6 მაისს
30
თემები:
ლარის კურსი დღეს
მოსავლის აღება

რამდენად აისახება საქართველოზე რუსეთიდან წიწიბურის ექსპორტის აკრძალვა: თურნავას განმარტება

95
(განახლებულია 22:59 05.05.2021)
რუსეთის მთავრობამ წიწიბურა შიდა ბაზრისთვის აუცილებელი პროდუქტების ჩამონათვალში დაამატა და მისი საზღვარგარეთ ექსპორტი დროებით აკრძალა.

თბილისი, 5 მაისი – Sputnik. რუსეთიდან წიწიბურის გატანაზე დაწესებული დროებითი აკრძალვა ქართულ ბაზარზე არ აისახება, განაცხადა ჟურნალისტებთან ეკონომიკისა და მდგრადი განვითარების მინისტრმა ნათია თურნავამ.

რუსეთის მთავრობამ წიწიბურა შიდა ბაზრისთვის აუცილებელი პროდუქტების ჩამონათვალში დაამატა და მისი საზღვარგარეთ ექსპორტი დროებით აკრძალა. აკრძალვა 2021 წლის 5 ივნისიდან ამოქმედდება და ძალაში 31 აგვისტომდე დარჩება. მიზეზად დასახელდა რუსეთის ბაზარზე პროდუქციის საჭირო მოცულობების შენარჩუნება და ფასების მკვეთრი რყევების თავიდან აცილება. 

„რა თქმა უნდა, სამწუხაროა, რომ რუსეთმა ეს გადაწყვეტილება მიიღო, ეს თავისუფალი ვაჭრობის სულისკვეთებას არ შეესაბამება, თუმცა, როგორ ჩანს, ამას თავისი შიდა მიზეზები აქვს. ჩვენს ბაზარზე ეს არ აისახება, ჩვენ გვაქვს თავისუფალი ვაჭრობის რეჟიმი მსოფლიო ბაზრების 2/3-თან, შესაბამისად, ძალიან მარტივად ჩანაცვლდება ეს დანაკლისი, თუ შეიქმნება, მაგრამ დღეს ეს დანაკლისი არ არის“, – აღნიშნა ნათია თურნავამ.

რუსეთი საქართველოსთვის წიწიბურის ძირითადი მომწოდებელია. სტატისტიკის ეროვნული სამსახურის „საქსტატის“ მონაცემებით, მიმდინარე წლის პირველ სამ თვეში საქართველომ 701,7 ათასი დოლარის ღირებულების წიწიბურა შეიძინა, აქედან 701,4 ათასი დოლარის ღირებულების პროდუქცია რუსეთიდან შემოვიდა.

ადრე რუსეთის სოფლის მეურნეობის სამინისტროში აღნიშნეს, რომ რუსეთში მარცვლოვანი კულტურების წარმოების მიმდინარე მოცულობები მოსახლეობის მოთხოვნებს ძირითადი სახეობების ბურღულეულზე, მათ შორის წიწიბურაზე, სრულად უზრუნველყოფს. ამასთან, 2020 წლის ნოემბრიდან მსოფლიოში არსებული კონიუნქტურის ფონზე იმპორტიორ ქვეყნებში რუსული წიწიბურის ექსპორტის მნიშვნელოვანი ზრდა ფიქსირდება.

რუსეთში წიწიბურის ფასი წლის დასაწყისიდან იზრდება. უწყვეტი ზრდა მარტიდან ფიქსირდება. 19 აპრილის მდგომარეობით 1 კგ წიწიბურა რუსეთში ღირდა 96 რუბლი, რაც დაახლოებით 4,4 ლარს უდრის.

საქართველოში 1 კგ წიწიბურის ფასი 3,5 ლარიდან იწყება.

 

95
კორონავირუსის საწინააღმდეგო ვაქცინები

საქართველოში 43 ათასი დოზა AstraZeneca-ს ვაქცინა ჩამოვიდა

0
(განახლებულია 09:28 06.05.2021)
საქართველოში AstraZeneca-ს ვაქცინის მიღებაში „იუნისეფი“ დაეხმარა. აღნიშნული ვაქცინები განკუთვნილია მათთვის, ვინც AstraZeneca-ს ვაქცინის პირველი დოზა უკვე გაიკეთა.  

თბილისი, 6 მაისი - Sputnik. საქართველოში დღეს დილას, გამთენიისას 43 ათასი დოზა კორონავირუსის საწინააღმდეგო AstraZeneca-ს ვაქცინა ჩამოვიდა.

აღნიშნული ვაქცინები განკუთვნილია იმ ადამიანებისთვის, ვინც AstraZeneca-ს ვაქცინის პირველი დოზა უკვე გაიკეთა.  საქართველომ AstraZeneca-ს  ანალოგიური რაოდენობის პირველი პარტია 13 მარტს მიიღო.

AstraZeneca-ს ვაქცინის მეორე დოზისთვის რეგისტრაცია გუშინ დაიწყო. ​მოქალაქეებს შეუძლიათ, მეორე დოზის გასაკეთებლად დარეგისტრირდნენ ნებისმიერ დაწესებულებაში პირველი აცრიდან 4-12 კვირის ინტერვალში. უშუალოდ აცრა კი 10 მაისიდან იქნება შესაძლებელი.

აპრილის დასაწყისში ექსპერტთა საბჭომ ჯანმოს რეკომენდაციის საფუძველზე მიიღო გადაწყვეტილება, რომ AstraZeneca-ს ვაქცინით მხოლოდ 55 წელს ზემოთ მოქალაქეების აცრა ჩატარდეს და 8 აპრილიდან ქვეყანაში ეს პირობა არის დაცული, მაგრამ ეს ასაკობრივი შეზღუდვა არ გავრცელდება მათზე, ვინც მანამდე პირველი დოზით აცრა AstraZeneca-ს ვაქცინით ჩაიტარა.

რეგისტრაცია შესაძლებელია სპეციალურ ვებ-პორტალზე booking.moh.gov.ge.

საქართველომ ივლისში შეიძლება Novavax-ის ვაქცინა მიიღოს>>

საქართველოში კორონავირუსის საწინააღმდეგო ვაქცინაცია 15 მარტს პრეპარატ AstraZeneca-თი მედპერსონალიდან დაიწყო. დაბალი მიმართვიანობის გამო ჯგუფების რაოდენობა ეტაპობრივად გაიზარდა.

ბოლო მონაცემებით, ქვეყანაში ჯამში აცრილია თითქმის 48 ათასი ადამიანი.

0
თემები:
კორონავირუსი საქართველოში: ბოლო ცნობები