სათაფლია

შიდა ტურიზმი და საქართველო: „საქსტატი“ მონაცემებს აქვეყნებს

48
(განახლებულია 18:02 05.04.2021)
2020 წელს საქართველოს მოქალაქეები ყველაზე ხშირად მიემგზავრებოდნენ მეგობრებთან და ნათესავებთან, ასევე საყიდლებზე და სამკურნალოდ.

თბილისი, 5 აპრილი – Sputnik. 2020 წელს საქართველოში შიდა ტურისტების რიცხვი, 2019 წელთან შედარებით, 8,3%-ით შემცირდა, აღნიშნულია საქართველოს სტატისტიკის ეროვნული სამსახურის „საქსტატის“ ვებ-გვერდზე გამოქვეყნებულ მასალებში.

უწყების ცნობით, 2020 წელს საქართველოში თვეში საშუალოდ 910,8 ათასმა საქართველოს მოქალაქემ იმგზავრა – მათ განახორციელეს ერთი მილიონი ვიზიტი სხვა დასახლებულ პუნქტში, საიდანაც ტურისტული ტიპის ვიზიტი 480,4 ათასი იყო.

გასულ წელს ერთ თვეში ტურისტული ვიზიტების საშუალო რაოდენობა 2019 წლის ანალოგიურ პერიოდთან შედარებით 9,5%-ით მეტი იყო.

პანდემია შიდა ტურიზმზე საგარეო ტურიზმთან შედარებით ნაკლებად აისახა

საქართველოში ტურიზმის რეკორდული მაჩვენებელი 2019 წელს დაფიქსირდა, როდესაც საერთაშორისო მოგზაურების რაოდენობამ 9,3 მილიონს გადააჭარბა, დარგიდან შემოსავალმა კი 3,3 მლრდ დოლარი შეადგინა. აღნიშნულ მონაცემებზე დაყრდნობით იყო ვარაუდი, რომ 2020 წელი უკეთესი იქნებოდა.

თუმცა, კორონავირუსის პანდემიამ ტურისტული ინდუსტრიის ყველა გეგმა და მოლოდინი ჩაშალა. 2020 წელს ტურიზმიდან შემოსავალი ყველაზე დაბალი – 427,7 ათასი დოლარი იყო. 

2020 წლის გაზაფხულზე საქართველოში კორონავირუსის გავრცელების პრევენციის მიზნით მკაცრი შეზღუდვები დაწესდა, მათ შორის, საქალაქთაშორისო გადაადგილებაზე. 15 ივნისიდან ქვეყანაში შიდა ტურიზმი ოფიციალურად გაიხსნა და ხელისუფლებამ, აღნიშნული სფეროს დახმარების მიზნით, მოსახლეობას სამშობლოში დასვენებისკენ მოუწოდა.

ტურიზმის ეროვნულმა ადმინისტრაციამ ივნისის ბოლოს პოსტპანდემიურ პერიოდში შიდა ტურიზმის მხარდასაჭერად დაიწყო ახალი კამპანია „აღმოაჩინე ის, რაც შენია და იმოგზაურე საქართველოში". ტრადიციულ ტურისტულ მიმართულებებთან ერთად ტურიზმის ადმინისტრაცია პოპულარიზაციას უწევს ახალ საინტერესო ტურისტულ პროდუქტებსა და აქტივობებს, რაც ხელს შეუწყობს სასტუმროების, კვების ობიექტების, სატრანსპორტო კომპანიების, გიდების ინსტიტუტის განვითარებას. 

შექმნილ ვითარებაში ხელისუფლებამ შიდა ტურიზმის განვითარება გადაწყვიტა. სასტუმროების უმეტესობამ, წინა წლებთან შედარებით, მომსახურების ღირებულება შეამცირა და იგივე ბათუმში სასტუმროს ხარჯები 30%-ით ნაკლები გახდა. თუმცა, 2020 წლის შემოდგომაზე კორონავირუსის მეორე ტალღის გამო ხელისუფლებამ ქვეყანაში მკაცრი შეზღუდვები განმეორებით დააწესა.

როდის გაიხნება ტურისტული სეზონი აჭარაში: თორნიკე რიჟვაძის განმარტება>>>

ტურიზმის სფეროს ექსპერტის ნიკო კვარაცხელიას აზრით, შიდა ტურიზმის შემოსავალი ყოველთვის მიზერული იყო.

„ქართულ ტურიზმში შიდა ტურიზმი დიდ როლს არ თამაშობს, ჩვენ საერთაშორისო ტურიზმზე ვართ დამოკიდებული. საქართველოში ძირითადად ჩამოდიან აზერბაიჯანის, თურქეთის, სომხეთის, რუსეთისა და უკრაინის მოქალაქეები. ეს ქვეყნები ტურიზმიდან მთლიანი შემოსავლების 75%-ზე მეტს იძლევიან. პანდემიიდან გამომდინარე კი ყველაფერი შეჩერდა და წელი ძალზე ცუდი იყო. თავიდან ველოდებოდით, რომ არ იქნებოდა ზაფხულის ტურიზმი, შემდეგ ველოდებოდით, რომ იქნებოდა ზამთრის ტურიზმი. მაგრამ არც ეს გამართლდა. ახლა ველოდებით, რომ ზაფხულის ტურიზმი უკეთესი იქნება“, – განაცხადა კვარაცხელიამ „Sputnik–საქართველოსთან“.

სად იმოგზაურეს და რამდენი დახარჯეს ადგილობრივმა ტურისტებმა

2020 წელს საქართველოს მოქალაქეები ყველაზე ხშირად მიემგზავრებოდნენ მეგობრებთან და ნათესავებთან, ასევე საყიდლებზე და სამკურნალოდ.

საქართველოში ტურისტი რეზიდენტების ვიზიტების მიზანი - ერთ თვეში საშუალო მაჩვენებელი 

ვიზიტის მიზანი ვიზიტების რაოდენობა, ათასი წილი ვიზიტების საერთო რაოდენობაში %
ვიზიტი ნათესავებთან და მეგობრებთან 476,6 45,9
მეორე სახლის მონახულება (აგარაკი ან სხვა) 164,4 15,8
შოპინგი 149,6 14,4
მკურნალობა 89,5 8,6
დასვენება და გართობა 80,4 7,7
პროფესიული მოღვაწეობა 40,4 3,9
რელიგია/მომლოცველობა 15,8 1,5
განათლება 4,6 0,4
სხვა 18,1 1,7

საქართველოს მოქალაქეთა უმეტესობა პირველ კვარტალში სტუმრობდა თბილისს, იმერეთს, ქვემო ქართლს, აჭარას და სამეგრელო–ზემო სვანეთს.

საქართველოში ადგილობრივი ტურისტების ერთ თვეში საშუალო ხარჯმა გასულ წელს 147,1 მილიონი ლარი შეადგინა, რაც 4,5%-ით აღემატება 2019 წლის მაჩვენებელს.

თითო ვიზიტის საშუალო ხარჯი 9,5%-ით გაიზარდა და 141,5 ლარი შეადგინა. ამასთან, მგზავრობისას საქართველოს მოქალაქეებმა ყველაზე მეტი თანხა საყიდლებზე, ტრანსპორტსა და საკვებზე დახარჯეს.

საქართველოს რეზიდენტი ვიზიტორების ხარჯი, ერთ თვეში საშუალო მაჩვენებელი 

ხარჯის სახეობა ხარჯები, მლნ ლარი ხარჯის გადანაწილება %
საყიდლები 53,9 51,8
საკვები და სასმელი 35,6 34,2
ტრანსპორტი 27,5 26,4
განთავსება 7.0 6.7
გართობა 1,3 0,9
სხვა 22,0 21,1

შიდა ტურისტების 53,9%-ს ქალები შეადგენენ.

48
თემები:
საქართველოს ეკონომიკა (980)
ვალუტის კურსი

ლარის კურსი 15 აპრილს

10
(განახლებულია 08:29 15.04.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა.

თბილისი, 15 აპრილი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4432 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა. 

ლარის კურის 15 აპრილს
10
თემები:
ლარის კურსი დღეს
საერთაშორისო საავტომობილო მიმოსვლის შესახებ შეთანხმებას  ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოსა და ტაჯიკეთს შორის საავტომობილო მიმოსვლის შესახებ შეთანხმება გაფორმდა

32
დოკუმენტს თბილისში ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა

თბილისი, 14 აპრილი - Sputnik. საქართველომ და ტაჯიკეთმა სავაჭრო-ეკონომიკური თანამშრომლობის გაღრმავების მიზნით საერთაშორისო საავტომობილო მიმოსვლის შესახებ შეთანხმებას მოაწერეს ხელი.

როგორც საქართველოს ეკონომიკისა და მდგრადი განვითარების სამინისტროს განცხადებაშია აღნიშნული, დოკუმენტს ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოს ეკონომიკის სამინისტროს ინფორმაციით, შეთანხმების გაფორმება ხელს შეუწყობს მხარეთა შორის საავტომობილო მიმოსვლისა და ურთიერთსასარგებლო ეკონომიკური თანამშრომლობის შემდგომ განვითარებას.

დოკუმენტით განსაზღვრულია სატვირთო გადაზიდვების განხორციელება ორმხრივ, სატრანზიტო ან მესამე ქვეყნებში/ქვეყნებიდან მიმოსვლაში კვოტირებული ნებართვების საფუძველზე, რომელთა რაოდენობასაც მხარეები ყოველწლიურად განსაზღვრავენ შეთანხმების საფუძველზე.

შეთანხმება ასევე ითვალისწინებს მხარეებს შორის საავტომობილო გადაყვანა/გადაზიდვასთან დაკავშირებული სამართლებრივი საკითხების დარეგულირებას, რაც ხელს შეუწყობს ორივე ქვეყნის გადამზიდველებს მათი საქმიანობის პროცესში.

ტაჯიკეთის რესპუბლიკასთან ამ დრომდე არ იყო გაფორმებული საავტომობილო მიმოსვლის შესახებ მთავრობათაშორისი შეთანხმება, თუმცა საავტომობილო მიმოსვლაში შეფერხებების თავიდან არიდების მიზნით საქართველოსა და ტაჯიკეთის რესპუბლიკის შესაბამის უწყებებს შორის იცვლებოდა საერთაშორისო საავტომობილო სატვირთო გადაზიდვის ნებართვის ბლანკები და ქვეყნებს შორის საავტომობილო მიმოსვლის სფეროში თანამშრომლობის მრავალწლიანი გამოცდილება დაგროვდა.

დღეიდან ეს თანამშრომლობა უკვე ოფიციალური შეთანხმებით გამყარდება, რაც ხელს შეუწყობს ორ ქვეყანას შორის სავაჭრო-ეკონომიკური თანამშრომლობის განვითარებას.

საქართველოსა და ტაჯიკეთს შორის დიპლომატიური ურთიერთობები 1994 წლის 4 აგვისტოდან არსებობს.

ქვეყნები თანამშრომლობენ TRACECA-ს („ახალი აბრეშუმის გზა“) პროგრამის ფარგლებში, რომელიც ევროპა-კავკასია-აზიის სატრანსპორტო დერეფნის განვითარებას ისახავს მიზნად. საქართველოს ტაჯიკეთში გააქვს კვების პროდუქტები, წამლები, ხე-ტყე, ელექტრომოწყობილობა და ავეჯი.

 

32