მსოფლიო ბანკი

მსოფლიო ბანკი 2021 წელს საქართველოს ეკონომიკის 4%-იან ზრდას ვარაუდობს

67
(განახლებულია 00:11 02.04.2021)
ეკონომიკის აღდგენა მეტწილად დამოკიდებული იქნება რამდენიმე ფაქტორზე, გაჭიანურებული ვაქცინაციის და ხანგრძლივი პოლიტიკური დაძაბულობის ჩათვლით

თბილისი, 1 აპრილი - Sputnik. საქართველოს ეკონომიკის COVID-19-მდე არსებულ დონემდე აღდგენა 2022 წლის ბოლომდე ნაკლებად სავარაუდოა, ამას მათ შორის საერთაშორისო ტურიზმის კუთხით არაკეთილსაიმედო პროგნოზი განაპირობებს, ნათქვამია მსოფლიო ბანკის ანგარიშში.

COVID-19-ის პანდემიამ საქართველოს დიდი დარტყმა მიაყენა. გადაადგილებაზე დაწესებულმა შეზღუდვებმა, საერთაშორისო ტურისტული ნაკადის უეცარმა შეწყვეტამ და სუსტმა უცხოურმა მოთხოვნამ 2020 წელს ეკონომიკის 6,2%-იანი ვარდნა გამოიწვია. სიღარიბის დონე დაახლოებით 5,4%-ით გაიზარდა. განსაკუთრებით მწვავე პრობლემა სამსახურის და შემოსავლების დაკარგვა გახდა. ფისკალურ და საგარეო სავაჭრო ბალანსზე კრიზისის ზეწოლის შედეგად საბიუჯეტო დეფიციტმა და სახელმწიფო ვალმა დადგენილ ლიმიტს გადააჭარბა.

ნავარაუდევია, რომ საქართველოს ეკონომიკა 2021 წელს 4%-ით და 2022 წელს 5%-ით გაიზრდება. მაგრამ ეს არ ნიშნავს, რომ წარმოების საერთო დონე 2019 წლის, პანდემიანდელ ნიშნულს დაუბრუნდება.

მსოფლიო ბანკის ინფორმაციით, ეკონომიკის აღდგება მნიშვნელოვნად იქნება დამოკიდებული რიგ ფაქტორებზე - ეს არის გაჭიანურებული ვაქცინაცია, მსოფლიო საფინანსო პირობების გამკაცრება და ხანგძლივი გეოპოლიტიკური დაძაბულობა.

„საქართველოს ეკონომიკის ზრდის ტემპი 2021 წლის შემდგომ პერიოდში დამოკიდებული იქნება ვაქცინაციის პროგრამის განხორციელებაზე და ასევე, საერთაშორისო ვაჭრობასა და ინვესტიციების შემოდინებაზე“, - განაცხადა კავკასიაში მსოფლიო ბანკის რეგიონულმა დირექტორმა სებასტიან მოლინეუსმა.

მისი თქმით, მტკიცე განვითარებისთვის საქართველომ მაქსიმუმი უნდა გააკეთოს COVID-19-ის ინფექციის გავრცელების ტემპების შენელებისთვის, იზრუნოს მასობრივ ვაქცინაციაზე და ასევე გრძელვადიანი პრობლემების დაძლევაზე, რაც მოიცავს ადამიანურ კაპიტალს, ინსტიტუციების გაძლიერებას, ციფრული და „მწვანე“ ეკონომიკის ხელშეწყობას.

გარდა ამისა, მსოფლიო ბანკი ვარაუდობს, რომ მიმდინარე წელს განვითარებადი საბაზრო ეკონომიკის მქონე ქვეყნებში და ევროპისა და ცენტრალური აზიის რეგიონის განვითარებად ქვეყნებში მოსალოდნელია 3.6 პროცენტიანი ეკონომიკური ზრდა. მზარდი ექსპორტი და სამრეწველო საქონლის ფასების სტაბილიზაცია ნაწილობრივ დააბალანსებს 2020 წლის ბოლოს პანდემიის მეორე ტალღით და ახალი შემთხვევების ბოლოდროინდელი მატებით გამოწვეულ ზემოქმედებას.

გასულ წელს რეგიონში COVID-19-ით გამოწვეული 2 პროცენტიანი ეკონომიკური ვარდნის შემდგომ, 2021 წლის ზრდა კვლავაც შენელებულია.

შარშანდელი ვარდნა მოსალოდნელზე მცირე აღმოჩნდა რეგიონის ორი უმსხვილესი ეკონომიკის გამო - თურქეთმა შედარებით სწრაფი აღდგენა შეძლო, ხოლო რუსეთმა შოკისადმი მდგრადობა გამოავლინა. ამასთან, სწრაფად განვითარებადმა მრეწველობამ, ექსპორტზე მოთხოვნის მატებამ, მზარდმა ფასებმა ნედლეულზე და ფისკალურმა და მონეტარულმა მხარდაჭერამ ხელი შეუწყო აღნიშნული შედეგის დადგომას.

მძიმე დარტყმა მიადგა ისეთ ქვეყნებს, რომლებიც მეტწილად მომსახურებისა და ტურიზმის სფეროებზე არიან დამოკიდებულნი. სოციალური დისტანცირების აუცილებლობამ და შეზღუდულმა მობილობამ გამოიწვია ამ სფეროებში ნეგატიური ზემოქმედების შენარჩუნება.

მოხსენებაში ასევე აღნიშნულია, რომ ევროპისა და ცენტრალური აზიის რეგიონის რამდენიმე ქვეყანაში პანდემია სავარაუდოდ წაშლის ერთ სულ მოსახლეზე მიღებულ სულ მცირე ხუთწლიან შემოსავალს და გაზრდის სიღარიბის მაჩვენებელს ძირითადად სამუშაო ადგილების დაკარგვის გამო. მთლიანობაში, ზრდის ტემპის აჩქარების მიუხედავად, ერთ სულ მოსახლეზე მთლიანი შიდა პროდუქტის (მშპ) მატება რეგიონში დაბალ დონეზეა და ჩამოუვარდება პანდემიამდე არსებულ ტენდენციას.

 

67
ავტომობილები თბილისში

კვლევა: რომელი ავტომობილებია უფრო პოპულარული საქართველოში

55
(განახლებულია 10:00 19.04.2021)
ავტომობილების გაყიდვა საქართველოში 2020 წელს 18%–ით შემცირდა, თუმცა ამას დიდი გავლენა არ მოუხდენია ფასებზე, რომელიც წელიწადში მხოლოდ 5%–ით შემცირდა

თბილისი, 19 აპრილი – Sputnik. საქართველოში ათას ადამიანზე 304 ავტომობილი მოდის, აქედან უმრავლესობა 15 წლის წინ არის გამოშვებული. ასეთი შედეგები აჩვენა კომპანია Galt & Taggart–ის კვლევამ.

კვლევის თანახმად, დაბალი გადახდისუნარიანობის გამო საქართველოს მოსახლეობა უპირატესობას ანიჭებს მეორად ჰიბრიდულ და ეკონომიურ ავტომობილებს.

შეძენილი ავტომობილების გამოშვების საშუალო ვადაა 8 წელი, ამასთან საქართველოში გაყიდვისთვის შემოყვანილი ავტომობილების 67% იყო 1,5–2,5 ლიტრი მოცულობის ძრავით, კიდევ 19% – 1,5 ლიტრამდე მოცულობის და მხოლოდ 14% – 2,5 ლიტრზე მეტი მოცულობის.

2020 წელს შეძენილი და განბაჟებული ავტომობილების 42% იყო ჰიბრიდული ან ელექტრომობილი, 36% მუშაობდა ბენზინზე, ხოლო 21% – დიზელის საწვავზე.

ამასთან, როგორც კვლევამ აჩვენა, 2020 წელს ავტომობილების გაყიდვა საქართველოში 18%–ით შემცირდა და წელიწადში 226 ათასი ავტომობილი შეადგინა, თუმცა მოთხოვნის შემცირებამ ფასებზე მხოლოდ უმნიშვნელოდ იქონია გავლენა – ფასები მხოლოდ 5%–ით შემცირდა, ხოლო ზოგიერთი მარკის ავტომობილზე, ონლაინ–ავტოაუქციონების გამო, გაიზარდა კიდეც.

გარდა ამისა, დოკუმენტის თანახმად, 2020 წელს საქართველოში იყო 1,13 მლნ ავტომობილი, აქედან 87% – მსუბუქი. ამასთან, მართვის მოწმობა ქვეყნის 1,31 მლნ მოქალაქეს აქვს.

კვლევის მონაცემებით, საქართველოში180,4 ათასი პოტენციური მყიდველია, თუმცა პროგრამა car-sharing და საზოგადოებრივი ტრანსპორტის კარგი მუშაობა ავტომობილების გაყიდვაზე შეიძლება ნეგატიურად აისახოს. ამავდროულად, მოძველებულმა ავტოპარკმა, პირიქით, შეიძლება გადაარჩინოს ავტობაზარი. რადგანაც საქართველოში ავტომობილების საშუალო ასაკი 18,5 წელია, ხოლო 10 წელზე მეტი ხნის წინ გამოშვებული ავტომობილი ტექდათვალიერებას არ გადის.

  • რაც შეეხება პოპულარულ ავტომობილებს საქართველოში, პირველ ადგილზეა MERCEDES-BENZ, მეორეზე – ВАЗ, ხოლო მესამეზე – TOYOTA და OPEL. ახლად შეძენილ ავტომობილებს შორის პირველ ადგილზეა TOYOTA, მას მოსდევს შემდეგ FORD და MERCEDES-BENZ.
55
თემები:
საქართველოს ეკონომიკა
ზესტაფონის ფეროშენადნობების ქარხანა

თერჯოლის რაიონში ფეროშენადნობების ქარხანა აშენდება

48
(განახლებულია 14:36 19.04.2021)
პროექტი ითვალისწინებს ფეროსილიკომანგანუმის ორი საწარმოო ხაზის შექმნას, რომელთა ჯამური წარმადობა წელიწადში 16 ათასი ტონა იქნება.

თბილისი, 19 აპრილი – Sputnik. თერჯოლის მუნიციპალიტეტის სოფელ კვახჭირში სახელმწიფო პროგრამის „აწარმოე საქართველოში“ ფარგლებში ფეროშენადნობების ქარხანა აშენდება, ნათქვამია ქვეყნის ეკონომიკისა და მდგრადი განვითარების სამინისტროს განცხადებაში.

პროექტი ითვალისწინებს ფეროსილიკომანგანუმის ორი საწარმოო ხაზის შექმნას, რომელთა ჯამური წარმადობა წელიწადში 16 ათასი ტონა იქნება. საწარმოში 2,8 მლნ ლარზე მეტი ინვესტიცია განხორციელდება და მასში 100 ადგილობრივის დასაქმება იგეგმება.

კომპანია „მანგანეზ ინდასტრი“ სახელმწიფოს წინაშე იღებს ვალდებულებას, რომ საწარმოს მაქსიმუმ 2 წელიწადში აამუშავებს.

პროგრამის ფარგლებში საწარმოს ასაშენებლად კომპანიას 61 506 კვ.მ მიწის ნაკვეთი სიმბოლურ ფასად – 1 ლარად გადაეცა.

კომპანია აცხადებს, რომ წარმოებული პროდუქცია ძირითადად საექსპორტო ბაზრებისთვის იქნება განკუთვნილი, რაც ქვეყანაში მილიონობით დოლარის შემოდინებას უზრუნველყოფს. პროდუქციის ექსპორტის ზრდა პოზიტიურ გავლენას მოახდენს ქვეყნის მთავარ ეკონომიკურ ცვლადებზე, როგორებიცაა ვალუტის გაცვლითი კურსი, დასაქმება, შრომის პროდუქტიულობის ზრდა, ტექნოლოგიური პროგრესი და ა.შ.

„აწარმოე საქართველოში“ – საქართველოს ხელისუფლების ერთ-ერთი მთავარი პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.

პროგრამა მიმართულია მიკრო და მცირე ბიზნესის განვითარების, თანამედროვე სამეწარმეო კულტურის დამკვიდრების და ახალი სამუშაო ადგილების შექმნისკენ. პროგრამა ასევე ხელს შეუწყობს კორონავირუსის პანდემიით გამოწვეული ნეგატიური ეკონომიკური შედეგების შემცირებას.

საუბარია სესხების სუბსიდირებასა და უზრუნველყოფაზე, რაც მოიცავს 200-ზე მეტი სახის საქმიანობას და მიკროგრანტებს, რომლებიც ეხება 300-ზე მეტი სახის საქმიანობას.

პროგრამის ფარგლებში უკვე დაფინანსებულია 6.212 პროექტი, რომელთა ინვესტიციის საერთო მოცულობამ 61 მლნ ლარზე მეტი შეადგინა.

48
თემები:
საქართველოს ეკონომიკა
მიკროფონი

ხვიჩია: პარლამენტში კი არა, პარლამენტის შენობაში შევდივართ

0
(განახლებულია 15:34 19.04.2021)
ოპოზიციური პარტია „ახალი პოლიტიკური ცენტრი – გირჩის“ წევრი იაგო ხვიჩია  პარლამენტში შესვლის გადაწყვეტილებაზე საუბრობს.
ხვიჩია: პარლამენტში კი არა, პარლამენტის შენობაში შევდივართ
„საკანონმდებლო ორგანოში მუშაობის დაწყებას ჯერ არ ვაპირებთ, იმიტომ რომ ეს საერთო ოპოზიციური შეთანხმების საკითხია. „გირჩის“ გეგმის შესაბამისად, პარლამენტის შენობაში შევდივართ. თუმცა, ცხადია არ ვღებულობთ მონაწილეობას არც საკანონმდებლო პროცესში, არ ვიღებთ არც ხელფასებს, არც პრემიებს. პარლამენტის შენობიდან უფრო მარტივი გვგონია ქართული ოცნების შეწუხება რომელიმე საკითხზე“, - ამბობს ხვიჩია.

გასულ კვირაში „გირჩმა“ პარლამენტში შესვლის გადაწყვეტილებასთან დაკავშირებით განცხადება გააკეთა. „გირჩს“, რომელსაც არჩევნების შედეგების მიხედვით პარლამენტში სამი ადგილი ერგო, სხვა ოპოზიციური პარტიებისგან განსხვავებით, ბოლო დრომდე ნეიტრალური პოზიცია ეკავა, დეპუტატის მანდატებზე უარი არ უთქვამს, მაგრამ ბოიკოტის რეჟიმში რჩებოდა.

0