ადამიანები პირბადეებით

კორონავირუსის პირველი ტალღის შედეგები: სტატისტიკა

90
(განახლებულია 14:56 31.03.2021)
კვლევამ აჩვენა, თუ როგორ შემცირდა საქართველოს მოქალაქეთა შემოსავლები კორონავირუსის პირველი ტალღის დროს, რამდენმა დაკარგა სამსახური, როგორ იცავდნენ ისინი თავს ვირუსისგან.

თბილისი, 31 მარტი – Sputnik. საქართველოში ოჯახების ნახევარზე მეტს კორონავირუსის პირველი ტალღის გამო შემოსავლები შეუმცირდა, ნათქვამია სტატისტიკის ეროვნული სამსახურის „საქსტატის“ კვლევაში.

კორონავირუსის პირველი ტალღა 2020 წლის მარტზე მოდის. მაშინ ქვეყანაში საგანგებო მდგომარეობა გამოცხადდა და ქვეყანა 10 მაისამდე, ფაქტობრივად, კარანტინის რეჟიმში ცხოვრობდა.

კვლევის თანახმად, კორონავირუსის პირველი ტალღის პერიოდში სამსახური, კომპანიის ან ბიზნესის დახურვის გამო, კვლევაში მონაწილეთა 31,9%-მა დაკარგა. კიდევ 23,2%-მა შემოსავალი პროდუქციაზე მოთხოვნის შემცირების გამო დაკარგა.

ამასთან, კვლევის მონაწილეთა 15,8%-მა დახურა თავისი ბიზნესი, 7%-ს შეუმცირდა ხელფასი, ხოლო 6,9%-ს – სამუშაო საათები.

კვლევამ ასევე აჩვენა, რომ კორონავირუსის პირველი ტალღის დროს კვლევაში მონაწილეთა 80,6%-მა სახელმწიფოსგან მიიღო სუბსიდია ელექტროენერგიაზე, 72,7%-მა – გაზზე, ხოლო 40,4%-მა – დახმარება ბავშვებზე. გამოკითხულთა 32,3%-მა გამოიყენა კრედიტის გადავადება.

როგორც იცავდნენ თავს კორონავირუსისგან

კვლევაში მონაწილეების განცხადებით, მათთვის კორონავირუსის შესახებ სიახლეების მთავარი წყარო ტელევიზია იყო. ქალაქებში ტელევიზია მთავარ წყაროდ დაასახელა 89,8%-მა, ხოლო სოფლებში – 95,3%-მა.

მეორე ადგილზეა ინტერნეტი, საიდანაც ინფორმაციას იღებდა ქალაქის მოსახლეობის 44,5% და სოფლის მოსახლეობის 24,5%.

მესამე ადგილზე აღმოჩნდა სოციალური ქსელები, მეოთხეზე – მეგობრები და ახლობლები, ხოლო მეხუთეზე – ტექსტური შეტყობინებები.

მონაწილეთა 93,3%-მა განაცხადა, რომ ატარებდა პირბადეს, როგორც კორონავირუსისგან დაცვის მთავარ საშუალებას. მეორე ადგილზე აღმოჩნდა ხელის დაბანა. ხელს უფრო ხშირად იბანდა 75,2%, ხალხმრავალ ადგილებს ერიდებოდა 74,2%, დისტანციის დაცვა დაიწყო 36,6%-მა, ხოლო საზოგადოებრივი თავშეყრის ადგილებში ნივთებზე ხელის მოკიდებას თავს არიდებდა მხოლოდ 20,7%.

კვლევამ ასევე აჩვენა, რომ ქალები შედარებით უფრო ფრთხილობდნენ, ვიდრე მამაკაცები.

ბიძინა კულუმბეგოვი: კორონავირუსის მესამე ტალღა თბილ პერიოდს დაემთხვევა>>

კვლევაში მონაწილეობდა 2.118 ოჯახი. აქედან ქალაქების მცხოვრებია 966 ოჯახი, ხოლო სოფლის – 1.122 ოჯახი.

90
თემები:
საქართველოს ეკონომიკა (980)
ვალუტის კურსი

ლარის კურსი 15 აპრილს

61
(განახლებულია 08:29 15.04.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა.

თბილისი, 15 აპრილი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4432 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა. 

ლარის კურის 15 აპრილს
61
თემები:
ლარის კურსი დღეს
საერთაშორისო საავტომობილო მიმოსვლის შესახებ შეთანხმებას  ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოსა და ტაჯიკეთს შორის საავტომობილო მიმოსვლის შესახებ შეთანხმება გაფორმდა

34
დოკუმენტს თბილისში ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა

თბილისი, 14 აპრილი - Sputnik. საქართველომ და ტაჯიკეთმა სავაჭრო-ეკონომიკური თანამშრომლობის გაღრმავების მიზნით საერთაშორისო საავტომობილო მიმოსვლის შესახებ შეთანხმებას მოაწერეს ხელი.

როგორც საქართველოს ეკონომიკისა და მდგრადი განვითარების სამინისტროს განცხადებაშია აღნიშნული, დოკუმენტს ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოს ეკონომიკის სამინისტროს ინფორმაციით, შეთანხმების გაფორმება ხელს შეუწყობს მხარეთა შორის საავტომობილო მიმოსვლისა და ურთიერთსასარგებლო ეკონომიკური თანამშრომლობის შემდგომ განვითარებას.

დოკუმენტით განსაზღვრულია სატვირთო გადაზიდვების განხორციელება ორმხრივ, სატრანზიტო ან მესამე ქვეყნებში/ქვეყნებიდან მიმოსვლაში კვოტირებული ნებართვების საფუძველზე, რომელთა რაოდენობასაც მხარეები ყოველწლიურად განსაზღვრავენ შეთანხმების საფუძველზე.

შეთანხმება ასევე ითვალისწინებს მხარეებს შორის საავტომობილო გადაყვანა/გადაზიდვასთან დაკავშირებული სამართლებრივი საკითხების დარეგულირებას, რაც ხელს შეუწყობს ორივე ქვეყნის გადამზიდველებს მათი საქმიანობის პროცესში.

ტაჯიკეთის რესპუბლიკასთან ამ დრომდე არ იყო გაფორმებული საავტომობილო მიმოსვლის შესახებ მთავრობათაშორისი შეთანხმება, თუმცა საავტომობილო მიმოსვლაში შეფერხებების თავიდან არიდების მიზნით საქართველოსა და ტაჯიკეთის რესპუბლიკის შესაბამის უწყებებს შორის იცვლებოდა საერთაშორისო საავტომობილო სატვირთო გადაზიდვის ნებართვის ბლანკები და ქვეყნებს შორის საავტომობილო მიმოსვლის სფეროში თანამშრომლობის მრავალწლიანი გამოცდილება დაგროვდა.

დღეიდან ეს თანამშრომლობა უკვე ოფიციალური შეთანხმებით გამყარდება, რაც ხელს შეუწყობს ორ ქვეყანას შორის სავაჭრო-ეკონომიკური თანამშრომლობის განვითარებას.

საქართველოსა და ტაჯიკეთს შორის დიპლომატიური ურთიერთობები 1994 წლის 4 აგვისტოდან არსებობს.

ქვეყნები თანამშრომლობენ TRACECA-ს („ახალი აბრეშუმის გზა“) პროგრამის ფარგლებში, რომელიც ევროპა-კავკასია-აზიის სატრანსპორტო დერეფნის განვითარებას ისახავს მიზნად. საქართველოს ტაჯიკეთში გააქვს კვების პროდუქტები, წამლები, ხე-ტყე, ელექტრომოწყობილობა და ავეჯი.

 

34
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0